Timoteo 2 3:15 - El Nuevo Testamento en matsés15 Ënden bacuëmpi icquimbi Nuquin Papan Chiaidquio min matsesën chuibansho mimbi tantianëdac. Adshun: Aton Mado Esus tantiaquid uënësacsho abëdi Nuquin Papan tabadmendac, quequin mimbi tantiabennëdac. Aden Nuquin Papan bëdambuen isquin cuidenquiocte tantiametembo Nuquin Papan Chiaid nendac. အခန်းကိုကြည့်ပါ။ |
Adembidi Nuquin Papan oncamiaidon Esus tantiaquin: Nuquin Papan Chomiaid Quidistu Mesias iquendac, quequin chuiquin dada uapampic. Aden chiampid icnuc aid tantiashouidtsëqui ambi icsambuen naid tantienquio yec Nuquin Papa bëshunendac, quequin chiampid iquec, quepanëdash Petedo Codnedion shubun iccuededquido tantiamequin chiec.
Adec shubu dadpen icquid Dedbe caid yacno choash tabadquin adombuembidi chuibanuash nidec shubu dadpen icquid Disteda caid yacno Pabadobëd Sidas niduapanëdash. Ambo Esus tantiaquid Timoteo cuëmëdquid icpanëdash. Aidën tita isadaidbo yec Esus tantiaquid icnubi aidën papa isadaidpembo quidieco matses nepanëdash.
Ambo tabadequi abi nidtedniacpadec chonoadtemaid uëshën Nuquin Papan Chiaid chuibante shubu yacno nidshun Pabadon Esus tantiamenuen Nuquin Papan naden chiampid chuibampanëdash: Nuquin Papan Chomiaid Quidistu Mesias caid abided cuidadec uënësash padpidec uincuenendac, quequin chiampid icnuc Nuquin Papan Chomiaidquio Quidistu Mesias caid Esus nec, quequin mibitedi chuibanec nebi, quequin Pabadon chuipanëdash. Aden chonoadtemaid uëshë 3tedec icquin chuibampanëdash.
Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.
Umbi chuibuedbidi chuiquin Pabadon dada uadednepaccondash. Aidën dada uaid utsi utsiec baded tantiadenquio iquec. Adsho issun utsibon tantesauatsëcquidën: Esus tantiaquidën nadoquid, quequin abimbo tantienquio icquin Nuquin Papan Chiaidbëta Nuquin Papan tantiamiac Pabadon chiaidquio tantienquio icquin icsambuen chuibanec. Adquid Nuquin Papan cuidpatsiash.
Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.