Timoteo 2 2:8 - El Nuevo Testamento en matsés

⁸ Esuquidistu tantiata. Aidi matsesash isadaidbo tsusedpa Dabidën tsiuecquid nepanëdash. Aidi uënës uacsho Nuquin Papan uincuenmepanëdash, quequin Chiaid Bëda Esusën naid umbi chuibambuedquio abi iqueque. Aidquio tantiaquiota.

Timoteo 2 2:8 ပူးပေါင်းရင်းမြစ်များ

Mateo 1:1

Esuquidistu chuiquin dada uanu. Aidën tsusedpa Abadauan nepampic. Aidën tsusedpabidi Abadauanën tsiuecquid Dabid nepampic. Abadauanën tsiuecquidobëta Dabidën tsiuecquido chuiquin Esusën tsusedpabotedi chuinu. Tantia.

Ducas 24:46

Nuquin Papan chuiquin dada uamiampid nad iquec: Nuquin Papan Chomiaid Quidistu Mesias caidbidi matsesën mëyanquin uënës uaqui daëdec ushash uincuenendac, quequin chuipampic.

Hechos 13:23

Aden chuishumbic: Nuquin Papan ambi chiampicpaden Dabidën tsiuecquid Nuquin Papan Chomiaid Esus matsesën icsambuen naid bedshunash abided cuidadshun abi yacno isadaidbo puduedmequid Nuquin Papan icmepanëdash.

Hechos 2:24

Aden mimbi aton dada paëmbo icmequin uënës uacshobien Nuquin Papan: Matsesën nibëdquiecnuc uënësmetiapimbo iquec, queshun Esus uincuenmepaccondash.

Hechos 2:30

Dabidën Nuquin Papan oncamiaidquio icquin dada uaquin: Naden Nuquin Papan chiondashi. Mibi uënësan min tsiuecquid chuiquid tapabidi iquendac, quequin Nuquin Papan Chiaid abimbo iquec, quequin tantiaquiopampic Dabidën.

Doma 16:25

Nuquin Papa Bëdamboshë iquec, canuna. Umbi Esuquidistu chuibanac tantiabensho Nuquin Papan mibitedi chieshtoenquio icmiac umbi chuibambued Esus tantiec tabadta. Nuquin Papa ëndenquimboshë abitedi uabi yec: Iuecshun naindambi, quequin ambi matses tantiamenquio icpampidi mibi Esus tantiamiac.

Doma 2:16

Nuquin Papan abitedimbo cuidte uëshëmbi aidën chiacpadombuen Esuquidistun matsesën otacquio tantiaidbëta ompodshon naidtedi tantiashun matses cuidendac. Aden umbi Chiaid Bëda chuibanquin chuibocpadombuen naindac.

Codinto 1 15:1

Tantia, cun utsibo. Esuquidistun: Ubi chuibenneta, caid icquin mibitedi umbi chuibanondaid bëshunenquio icquin tantiadonec tabadta. Umbi Esuquidistu abided cuidadec uënësaid Chiaid Bëda chuibansho tantiashun mimbi tantiabempondac. Adondashun chieshtoenquio icquin aid tantiadonec mibitedi tabadec.

Codinto 1 15:4

Uënësacsho shëcuë nacnenaidën nauedshun bëtashac daëdec ushtanec Nuquin Papan chuiquin dada uamiampicpadequi uincuempanëdash.

Tesadonica 2 2:14

Nuquin Papan Chiaid Bëda Esusën naid umbi chuibansho tantiashun mimbi Esus tantiabenondac. Abi yacnoshon Nuquin Icbo Esuquidistupadquid bëdamboshëcquid icmenuen Nuquin Papan mibi Esus tantiamiac.

Timoteo 1 1:11

Adombuembidi: Esus bëdamboshëcquid yec abided cuidadec uënësaid tantiasho Nuquin Papan bëdambuen isendac, quequin Nuquin Papa bëdamboshëcquid icquin Esus chuibanquid icmiondashi.

Timoteo 1 2:7

Aden Esus chuibanmenuen Nuquin Papan Ambi Chiaid chuibanquidquio icmepondashi. Adembidi Esusën: Isadaidpembo tantiamequin ubi chuibenneta, caondaidbidi nebi. Adoaid icquin: Ma Esus tantianu, queshun Nuquin Papan Chiaidquio muainquio icquin abimbo chuibennec nebi.

Timoteo 2 1:8

Adquid nebi, queshun dacuëdenquio icquin Nuquin Icbo Esuquidistun naid chuibanta. Adembidi dacuëdenquio icquin: Quënën tsadunaidi Pabado tantiaquiembi, cata. Utsibon chieshënquin natiamiaqui Nuquin Papan namiacpadec chieshtoenquio icquin Chiaid Bëda Esusën naid chuibanta.

Timoteo 2 2:7

Aden umbi chuibuedtedi tantiata. Adsho aidtedi Nuquin Icbon mibi bëdambuen tantiamendac.

Esusën Uan ismiaid 5:5

Adshobien ambocquid tsësio abentsëcshun: Otac. Shubienda. Dada uaid 7ted icnuc bëbitaccaid bedshun chicbanquin chuibanquid abi iqueque. Aidi Nuquin Papan matsesmequin chomiondaidquio nec. Aton tsusedpa Uda yampid bëdi dapa tëbu choquidbimbuecquid icsho dacuëdënampicpadquid icnuc aton tsusedpa utsi Dabidbimbuecquid chuiquid tapambo nec. Utsibon dëniactiapimbo icquid nec. Aidëmbi chieshtoenquio icquin Nuquin Papan chiacpadombuenuidi naquidquio icquin aid dada uaid bedshun bëbitaccaid chicbanquin chuibanendac, caposhi.