Timoteo 2 2:21 - El Nuevo Testamento en matsés

²¹ Adquid icnuc Esus tantiaquidquio icte bunebique. Nëbi muaquin chuisho tantiatiapimbo icquin Nuquin Icbon chiacpadombuen naimbi, quiash Nuquin Icbon iuambo yantsiash shocosh bëdambocquid yacbimbuec. Adsho Nuquin Icbon bëdambuen nametsiash.

Timoteo 2 2:21 ပူးပေါင်းရင်းမြစ်များ

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Codinto 1 5:7

Adoacbimbuen mibëd iccuededquid abentsëcshun icsambuen naquin ismequid icsho issun: Utsibo adquiobidi icsambuen naquido yannushe, queshun icsambuen naquid puduedmenquio icquin nidmeta. Adash mibitedi isadaidbon: Cun mado uënësmenushe, queshun obeca caniactsëc cuessunniampid tantiate uëshë tantiaquin pan bidiscamiabicquid pec tabadacbimbuecquido mibi iquendac. Aden chiaid obecabimbuecquid Esuquidistu nec. Aidi nuquitedi cuidmenquio icnuec abided cuidadec uënëspanëdash.

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Codinto 2 9:8

Utsibo atona menete bunquioquin ambi tantiacted menesho issun Nuquin Papan atona uesadmenquio icquin uditsëc icmeshunendac: Ma utsi utsien nashunquin menebannu, queshun.

Epeso 2:10

Nuquin Papan uaido nuqui nec. Adoshon Aidënquiobi nuquitedi Esus tantiaquido icmiac. Aden chucauaido yec bëdambuec tabadquin utsibo tantiaquin nashunquid nuquitedi nec. Nuquin Papa ëndenquimbo: Ma utsibo nashunnu. Esuquidistu tantiaquido icmendambi, quepampic.

Timoteo 1 6:11

Mibi Nuquin Papa tantiaquidquio neque. Cuenacbimbuen icsambuen nateuidi bunenquio yec bëdambuec tabadte bunquiota, mado. Mëyadtequid icnubi Nuquin Papan Chiaid niaquenquio yec chieshtoenquio icquin Esus tantiata. Matsestsen tantiec chieshëmënenquio yec bëdambuec tabadta.

Timoteo 2 2:16

Ambembi chiaid chiec onquequidobëd icsambuec onquec tabadenda. Adec onquequido icsambuen nabuedi buëdanquiec Nuquin Papan Chiaid niac niaquec icsambuenshë naquid yaneque.

Timoteo 2 2:20

Dadpen dayun uaquidën shubun shocosh bëdambocquid nacnenaid icnubi utsi icsactsëcquid iquec. Bëdambo icquidën codocaic. Icsactsëcquid icsa secanun sandote nec.

Timoteo 2 3:17

Nuquin Papan: Ma umbi namiaidon umbi chiaidquio isban isbanquin Esus tantiaquin matses nashunec ma bëdambuen naic tabadnu, quequin Ambi Chiaidquio dada uamepampic.

Timoteo 2 4:11

Ducas abentsëqui ubëd iquec. Madcos bedbëtsenec cho, mado. Aidën ubi nashunquin ubëtan Nuquin Papan namiacpadombuen natsiashe.

Tito 3:1

Esuquidistu tantiaquido ma bëshunenquio icnu, quequin naden chuibanta, Tito. Min nidaidën icquid min chuiquid tapan chiaid naquimbi adembidi min chuiquid utsibon chiaid chieshenquio icquin bëdambuen nabanta. Adembidi utsibo tantiaquin bëdambuen nashunta, quequin chuibanta.

Tito 3:14

Adec nashunnanec nuquitedi bëdambuec tabadquin ismiac adecbidi utsibo nashunnanec tabadec Esuquidistu tantiaquid yanendac, quequin chuibanta.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Petedo 1 1:7

Esus tantiaquid nebi, quequin mimbi tantiaid matses bedte bunaidquio odo caid shocosh bëshpiu bëshpiucquidbimbuecquid nec. Aidquiobida neque. Isnu, queshun icbon cute nëdëncadoshon pichicaquin aid shocosh tauiquin tanec. Adembidi: Esus tantiaquidquiobida neque. Isnu, queshun Nuquin Papan utsi utsien natiamendac. Aden natiamiaqui chieshtoenquio icquin tantiaquid icsho Esuquidistun padpidec choshon: Mibi bëdambocquid neque. Ubëdi tabadec cho, quequin utsibo tantiamequin chuishun abi yacno buanendac.

Uan 1 3:3

Adquid yantequid nebi, quequin caimbudec Esuquidistu icsambuen nainquio yec tabadondacpadquiec nuqui icsambuen nainquio yec tabadendac.