Timoteo 2 2:11 - El Nuevo Testamento en matsés

¹¹ Naden abimbo chiaidquio tantiash chieshtoenquio iquebi: Nuquin Icbon chiacpadombuen naquid chieshëmënquidën uënës uacsho Nuquin Icbon abi yacno abëdi tabadmendac.

Timoteo 2 2:11 ပူးပေါင်းရင်းမြစ်များ

Uanën dada uaid 14:19

Nëbi iuecpactsëcshun ubi nidacsho ubi tantiesabon ubi isenquio icnubi mibitedishun ubi uincuenacsho isendac. Adec uincuenaid icquin mibi uënësacsho uincuenmendambi.

Doma 6:5

Adec Esuquidistu uënësaid tantiaquid yec aidbëd abentsëc yacbimbuec tabadquido nuquitedi nec. Adecbidi uënësacsho uincuenmiaid tantiaquido yec aidbëd abentsëc yacbimbuec tabadec nuqui abi yacno tabadtequid nendac.

Doma 6:8

Adec Esuquidistubëd uënësacbimbuecquid nebi, quequin aid tantiaquid yec aidbëd abi yacno tabadendabi, quequin nuquitedi tantiec.

Codinto 2 13:4

Aidi nadatiambocquid icbuedi matses yec uidëmpentsëcquio icsho cueste napotiaidën dectanac uënëspanëdash. Adoacsho Nuquin Papan uincuenmiac uënësesa yampanëdash. Aid tantiaquidquio icquimbi umbibi nadatiambocquin nabantiapimbo icshobi abi chuibanquid Nuquin Papan icmiondashi. Adembidi abëd abentsëc yacbimbuecnuc icmequin mibitedi nashunquid icmiondashi.

Codinto 2 4:10

Ubi nidacnoshombi Esus mëyanquin uënës uanëdacpaden mëyanquin uënës uatsen uënës uatsenshobi Esusën bëdambo icmedennioshi. Adoacsho issun: Uënësash uincuennëdaid Esusën bëdambo icmequin dayacquio icmedenniaid nec, quequin utsibon isbededebi.

Tesadonica 1 4:17

Adashic Esus tantiaquido uënësabi icquidobëd uincuenmiaido tsidadash aidotedi abuctoendac Nuquin Papabëd tabadec nidec. Abitedi abuctoquimbi abi bëquedec Esus chosho istuidendac. Adash Esusbëd Nuquin Papa yacno nidash anobi nuqui quenenendac.

Tesadonica 1 5:10

Aidi nuquitedi cuidmenquio icnuec abided cuidadec uënëspanëdash. Aidëmbidi abi tantiaquidotedi beduanshun abëdi tabadmendac. Uënësaid uincuenmiaidobëta uënësabi icquidotedi adoendac.

Timoteo 1 1:15

Tantia, mado. Naden chiaid abimbo iquec. Icsambuen nabuedombi abi tantiasho matses cuidmenquio icnuec Esuquidistu chopanëdash, quequin abitedishumbi tantiac bëdambo ictsiash. Utsibon Nuquin Papan Chiaid bëdiactsëc niac niacnubi umbimbo icsambuenshë naquin cumapenen niac niaccondambi.

Timoteo 1 3:1

Tantia. Utsitsen mibi chuinu. Esus chuibanquid ictiadquio iquebi, quesho: Mibi bëdambuen nate bunec, cata.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.