Timoteo 2 1:3 - El Nuevo Testamento en matsés

³ Cun tsusedpabon nampicpadombuen Nuquin Papa tantiaquin aidën chiacpadombuen naquid nebi. Adquid icquin Nuquin Papa ënenquiocquin badiadquidën badiadquidënquien mibi tantiaquin naden chiannembi: Mibi tantiaquid Timoteo bëdambo icmec mibi bëdamboshë iquec, Papa, quequin chiannembi.

Timoteo 2 1:3 ပူးပေါင်းရင်းမြစ်များ

Ducas 2:37

aton bënë uënëspanëdash. Adec uënësan aton seta 84ted iquequi abi niante icpanëdash. Aidëmbi Nuquin Papa tabadte shubu dapa yacno nidtednequin Nuquin Papauidi tantiaquin buna mëmundednequin Nuquin Papa chiannequidquio Ana nepanëdash.

Hechos 22:3

Isadaidbobidi nebi. Nidaid cuëshë utsi Sidisia caidën icquid shubu dadpen icquid Tadso yacnoshon tishaid nebi. Aden ashunquio tishaqui Edusaden yacno choash canipondabi. Adec nëmbo Edusaden yacnouësh canidosho nuqui tantiamequidquio Camadiedën nuquin tsusedpabon: Naden nata, quequin chiaid tantiamequin dada uamepondashi. Adoac Nuquin Papan: Naden nata, quequin chiaid tantiaquin adombuembidi nadenniombi mibitedishun nëbi nacpadombuembidi.

Hechos 23:1

Adoaquien isadaidbon chuiquid tapabo iccuededsho isquin naden Pabadon chuipanëdash: Cun utsibo, umbi naid chuibannu. Tantiata. Nuquin Papan isquin tantianubi ambi: Naden nata, quequin chiaid nabanquidquio nebi, quepanëdash.

Hechos 24:14

Nëiduidtsëqui abimbo iqueque. Tantia. Chuinu. Cun tsusedpabon Papa campicpaden Nuquin Papan Chomiaid tantiesa isadaidbon chuiquido icnubi aid tantiaquid nebi. Adembidi Nuquin Papan: Naden nata, quequin chiaidbëta Nuquin Papan oncamiaidon dada uaquin chiampid: Abimbo iquec, quequin tantiembi.

Hechos 24:16

Aden tantiaquin Nuquin Papan: Bëdambuen mimbi naic, ma ubi canu, queshun bëdambuen nabanec tabadebi. Adembidi matsestedishun: Bëdambuen mimbi naic, ma ubi canu, queshun adombuembidi bëdambuen nabanec tabadebi.

Hechos 26:4

Ubi tishondacnouësh canidosho cun matses isadaidbon ispondashi. Auësh caniquid yec Edusaden yacno choash tabadsho adembidi aidon isuapondashi.

Hechos 27:23

Nuquin Papan iuambo yec aid nashunquidquio nebi. Adquid icsho inchëshën abëd icquid ambi budmiaid isadcuenshun naden chuiposhi:

Doma 9:1

Cun matses isadaidbo tantiaquid Nuquin Papa nec. Aden abi tantiaquid cun matsesën bëdambuen tantienquio iquec, quiash uënësquio yec shubitiadquio iquebi. Muainquio iquebi. Esuquidistu tantiaquid icsho Nuquin Papan Mayan Bëdan tantiamiaid icquin abimbo chiec nebi.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Cadasia 1:14

Nuquin Papa tantiate bunquimbi cun matsesën chiaid abitedimbo tantiaquin naquidquio icpadennebi. Ubëta tishaid caniabon bëdiactsëc tantiaquin nanubi ubimbo cun tsusedpabon chiaiduidi tantiaquin nate bumpadennebi.

Epeso 1:16

Aden tantiaquin: Mimbi namiac aidon bëdambuen naic, queshun: Nuquin Papa bëdambo iquec, quequin ënenquio icquin chiannequin bëshunenquio icquin mibitedi tantiadednembi.

Tesadonica 1 3:10

Aido istantiadquio iquebi. Mimbi chiaid bëdiactsëc tantiasho aidobëd tabadquin mibi tantiaquidquio icmenuen bëdambuen chuibantsiambique. Ubi ambo nidmeta, Papa, quequin Nuquin Papa ënenquiocquin badiadquidën badiadquidënquien chiannembi. Adembidi inchëshquidën inchëshquidënquien chiannembi.

Timoteo 1 1:19

Adquid icquin Nuquin Papan Chiaid niaquenquio icquin Esus tantiaquiec bëdambuec tabadta. Utsiboen cano cuëshnudtannuc ampaëdacbimbuec: Adec icsambuec tabadtsiabi, quebuedëmbi Nuquin Papan Chiaid niac niacquin Esus tantienquio yanosh.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Timoteo 1 5:5

Padnuen aton matses nibëdquio icquid nianten Nuquin Papa chiannequid: Nuquin Papan ubi nashuntsiash, queshun. Mimbi ubi tantiaquieque. Ubi nashunta, Papa, quequin Nuquin Papa ënenquio icquin chiannequid niante icsho abëtan Esus tantiaquidon nashunquid.

Timoteo 2 1:5

Naden mibi tantiembi. Tauambuen aton chichi Doidabëtan aton tita Eunisen Esus tantiabenondacpadombuen Timoteontsen nëbi Esus tantiaquiec, quequin mibi tantiembi.

Timoteo 2 3:15

Ënden bacuëmpi icquimbi Nuquin Papan Chiaidquio min matsesën chuibansho mimbi tantianëdac. Adshun: Aton Mado Esus tantiaquid uënësacsho abëdi Nuquin Papan tabadmendac, quequin mimbi tantiabennëdac. Aden Nuquin Papan bëdambuen isquin cuidenquiocte tantiametembo Nuquin Papan Chiaid nendac.

Ebedeo 13:8

Nuquin Icbo Esuquidistu utsitiapimbo icquid nec. Ëndenquimboshë yampidquio yequi nëbi abi iquec. Aidi nibëdantiapimbo icquid yec abi tabadec.