Timoteo 2 1:14 - El Nuevo Testamento en matsés

¹⁴ Nuquin Papan Mayan Bëda nuquibëd iqueque. Aidën tantiamiac umbi chiondacpadombuen Nuquin Papan Chiaidquio chuiquin Esusën naid chuibanta, mado.

Timoteo 2 1:14 ပူးပေါင်းရင်းမြစ်များ

Ducas 16:11

Adembidi nidaidënshun bedquin mibitedishun icsambuen naquin ampiacsho issun ¿tsuntsin: Bëdambocquid mibitedi neque. Cun piucquid dayunuaquin ista, capec?

Uanën dada uaid 14:17

Adoaid yec mibëd tëshnanenquio iquendac. Mibëd icquin ubi chuiquin mibi abimbo tantiamendac. Aid isadenquio icsho ubi tantiesabon aid tantiatiapimbo iquec. Mimbien aid tantiec. Cun Pan ubëd icmiaidquio icquin ambi namiaid ubi icsho Aton Mayan issumbimbuen mibitedishun tantiec. Aidi ubi nidan choash mibëd tëshnanenquio yec Cun Mayan mibëd iquendac.

Doma 3:2

Ai, bëdambo iquec, caimbi. Nuquin Papan: Naden nata, quequin Umbi Chiaid ma isadaidbomba tantianu, quequin Ambi Chiaid dada uamepampic.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Doma 8:13

Aden chiaqui mibitedi icsambuen nabanec tabadec uënësacsho ënenquio icquin cuidacno nësecaindac. Padnuen Nuquin Papan Mayan Bëdan tantiamiacpadec tabadquin mibitedishun icsambuen naid ënendac. Adash uënësacsho Nuquin Papan abëdi abi yacno tabadmendac.

Doma 8:9

Nëbi Nuquin Papan aton Mayan Bëda meniaid icquin mibi bunacpaden icsambuen nainquio yec bëdambuec tabadquido mibitedi nec. Nuquin Papan Mayan Bëda mibëd iquec. Esuquidistun Mayambëd tabadesa yec Esuquidistu tantiaquidpenquio nec.

Codinto 1 3:16

Mibitedi Nuquin Papa tabadte shubu nec. Adquid icnuc: Nuquin Papan Mayan ubëd iquec, quequin ¿tantienquioda mimbi icpe?

Codinto 1 6:19

Nuquin Papan aton Mayan meniaido mibitedi nec. Adoaido yec Nuquin Papa tabadte shubu mibi nec. Adquid icnuc: Nuquin Papan Mayan Bëda ubëd tabadec, quequin ¿tantienquioda mimbi icpe? Mibibi: Cun dadan icbo nebi, quetiapimbo mibitedi iquec.

Codinto 1 9:17

Adquid icnuc umbibi tantiacpaden Esuquidistu chuibanquid yec ubi piucquid menetequid iquec, quequin caintsiambi. Padnuen Nuquin Papan: Umbi chiaidquio chuibanta, caid icquin aidën chiaidquio chuibennec nebi. Ubi menetsiash, quenquio icquin aden chuibennec nebi.

Codinto 2 5:16

Aden Esus tantiabenash tantiesabo onquiacpadec onquenquio nuqui iquec. Ënden Esus caic: Matsesi nec, quequin icsambuen chiec onquiondaidi nëbi: Nuquin Papan Madombo nec, quequin nuqui tantiec.

Cadasia 2:7

Esus tantiaquidon chuiquid tapabon naden chiondashi: Nuquin Papan chiacpadombuen mimbi isadaidpembo Esusën naid Chiaid Bëda chuibenniaccoc. Adembidi Nuquin Papan chiacpadombuembidi Petedon nuquin matses isadaidbo Esusën naid chuibenniosh.

Epeso 2:22

Mibitedi Esuquidistu tantiaquid utsibobëd abentsëc yacbimbuecsho Nuquin Papan Aton Mayan meniaid yec Aid tabadte shubu mibitedi nendac.

Epeso 5:18

Tantiadennuen acte paë uaid aquenda. Aid aquec padpidec icsambocquid yanuaindac. Icsambuen nate bunenquio icquin Nuquin Papan Mayan Bëdan tantiamiacpadombuen bëdambuen nabanta.

Codosas 4:11

Adembidi Esus cashumbic Usto caidëntsen: Aido tantiec tsadebique. Chui, quesho tantiashun dada uaimbi. Adistadco yec Madcos yec Usto yec quec aidtedi isadaidbo nec. Aidonuidtsëqui: Nuquin Papan namiacno tabadte iquec, quequin ubëtambi Esuquidistu chuibanquin ubi bëdambo icmequido neuaic.

Tesadonica 1 5:19

Nuquin Papan Mayan Bëdan: Bëdambuen tantiamenu, cac pamumëdacbimbuec tabadenda.

Timoteo 1 1:11

Adombuembidi: Esus bëdamboshëcquid yec abided cuidadec uënësaid tantiasho Nuquin Papan bëdambuen isendac, quequin Nuquin Papa bëdamboshëcquid icquin Esus chuibanquid icmiondashi.

Timoteo 1 6:20

Umbi chuibuedtedi tantiaquin bëdambuen chuibanta, mado. Utsi Nuquin Papan Chiaid chienquio yec ambembi chiaid chiec onquesho tantienda. Utsibic: Ubien bëdambuen tantiaquidquio nec, quebuedobi muasho tantienda.

Timoteo 2 1:12

Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.

Timoteo 2 2:2

Matses dadpenshun tantianuc umbi chuibansho mimbi tantiondac. Umbi aden chiondaid utsibotsen chuiban. Adshun mimbi chuibanaido abentse abentsen: Aidon chieshtoenquio icquin Esus bëdambuen tantiamequin chuibantsiash, queshun: Mimbitsen chuiban, cata, mado.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.