Timoteo 2 1:10 - El Nuevo Testamento en matsés

¹⁰ Aden ambi bëdambuen iste tantiamiabi icshumbic nëbi Esuquidistu matsesmeshun matses tantiamiac. Adoac: Abi tantiaquid uënësacsho cuidmenquio icquin uënëstiapimbo icquid icmequin Nuquin Papa yacno abëdi Esuquidistun tabadmendac, quequin Esusën naid Nuquin Papan Chiaid Bëda nuqui tantiec.

Timoteo 2 1:10 ပူးပေါင်းရင်းမြစ်များ

Ducas 11:36

Min tantiate bëdambocquid icquin bëdambuen nabanec tabadec tabote taboac chënquiacbimbuec icsho isash: Nuquin Papan chiacpadec tabadquid aid nec, quequin utsibon mibi isendac, quepanëdash Esus.

Ducas 13:7

Aden issun icbon aton tied neshcashunquid naden chuiposh: Seta 3ted matanmiash cute bacuë cuësnuec choshon isaqui bacuëambo iqueque. Utsi nitsinnun dëdshunneta, quequin abi neshcashunquid aton icbon chuiposh.

Ducas 2:11

Nëbimbobi tsusedpa Dabid tishampicnoshon Beden yacnoshon Nuquin Papa yacno iuedanquid Quidistu Nuquin Papan Chomiaid abitedishun Icbombo ictequid tishosh.

Uanën dada uaid 1:9

Nidaidën choshon cuëte dëbedmequin ismiacbimbuen matses Nuquin Papambo tantiamendac, quequin chuibampondash.

Uanën dada uaid 14:6

Adoaquien Esusën: Nuquin Papa yacno nidte tantiamequidquio nebi. Nuquin Papan Chiaiduidtsëqui chiec muesambo nebi. Adquid icnuc ubiuidtsëqui tantiash Nuquin Papa yacno tabadendac.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 4:42

Adshumbic chido chiec: Mimbiuidtsëqui chuisho tantiabuedëmbi nëbi aidënquio chuisho bëdambuen tantiembi. Aidi Nuquin Papa yacno matses tabadmequid nec, quequin tantiembi, quecuededpondash Samadia yacnocquido dadpen.

Uanën dada uaid 5:40

Aden dada uamiampid isbanquido iquequi mibitedi ubi tantiate bunenquio iquec. Ubi tantiashien mibitedi ënëdenquio yec ubëd tabadtsiandac.

Hechos 13:23

Aden chuishumbic: Nuquin Papan ambi chiampicpaden Dabidën tsiuecquid Nuquin Papan Chomiaid Esus matsesën icsambuen naid bedshunash abided cuidadshun abi yacno isadaidbo puduedmequid Nuquin Papan icmepanëdash.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Doma 16:26

Aid chuiquin Nuquin Papa uënësesambo icquin ambi oncamiaido utsi utsien Esus chote dada uamepampic. Nëbi Esusën naid chuisho tantiaquin ma nidaid utsi utsiec yacno tabadquidon Esus tantiaquin aidën chiacpadombuen nanu, queshun Nuquin Papan Esusën naid chuibennequido icmiac.

Doma 2:7

Abi tantiec bëdambuec tabadsho issun mabi Nuquin Papan: Mibi bëdambo iquec, canu, quiash abëd tabadte bunec ambi chiacpadec bëdambuec tabadquid uënësacsho Nuquin Papan ënëdenquiocnoc abëdi tabadmendac.

Doma 3:31

Adoaid yec: Nuquin Papan: Naden nata, quequin chuiquin Moises dada uamiampid niac niaquec icsambuec tabadnuna ¿quecta icpec? Padenquio. Adenquio icquin Esus tantiaquin Nuquin Papan: Naden nata, quequin chiacpadombuen natiadquio nuqui yanendac.

Doma 6:6

Ënden icsambuen naquido nuquitedi iccondac. Adquid icsho Esuquidistubëta cueste napotiaidën dectanacbimbuecquido nebi, quequin nuquitedi tantiec. Aden dectanquin nuquitedi icsambuen naidbëta icsambuen tantiaidtedi nibëdanmepanëdash. Adquid yec nëbi nuquitedi icsambo icmianquidën iua ictiapimpo iquec.

Codinto 1 15:26

Adoshombic ënquimbi Esuquidistun abi chieshënquido dëniacquin uënëstequid nibëdquio icmendac.

Codinto 1 4:5

Adquid icnuc utsibo isquin: Aid Icsambuen naquid nec, cainda. Nuquin Icbo choshombien icsambocquid cuidendac, quequin aid cainta. Aidëmbi matsesën ompodshon naidbëta ëquëducshun tantiaid chuibanquin tantiameshun cuidendac. Adoshombic utsibo chuiquin: Mibi bëdambuec tabadoc, quequin abentse abentsen chuibanquin Nuquin Papan bëdambocquid menebanendac.

Codinto 2 5:4

Nuquin dada chodquequid icnuc uinmabudash uëshquec nuqui tabadec. Cun dada chuca uaquin chodquesa icmepashuni. Uënësesa icnu, quec nuqui tabadec.

Cadasia 5:4

Mibitedi Nuquin Papan: Naden nata, quequin Moises chiampid tantiaquin nasho Nuquin Papan ubitedi bëdambuen isec, quebuedi Esuquidistubëd cuëshëdsho Nuquin Papan mibi bëdambuen istiapimbo iquendac.

Epeso 1:18

Nadembidi mibitedi tantiaquin Nuquin Papa chiannembi. Mimbi bëdambuen tantiamiac: Ma mibëd tabadte bunquin cainquidombo ma icpanuna. Adash: Nuquin Papa tantiaquido utsibobëd bëdamboshë yacno tabadendabi, quequin ma tantiapanuna, quequin chiannembi.

Epeso 1:9

Aden Nuquin Papan ambi matses tantiamenquio icpampidi nëbi nuqui tantiamec. Abi bunacpadombuen abi matses bëdambuen ismequid Esuquidistu nuqui tantiamiac.

Tesadonica 2 2:8

Abi chomenquio icquid chicambien icsamboshë icquid matsesën chuiquid tapa iquendac. Adshobien Nuquin Icbo Esusën: Ubien nadatiamboquid yec abitedishun Icbombo nec, quec matses abitedishun isnuc bëchamauanquiec choshon icsamboshë icquid dabushcaquinuidtsëqui nibëdanmendac.

Timoteo 2 1:1

Pabado nebi. Nuquin Papan tantiacpadombuen Esuquidistun: Ubi chuibenneta, caidquio nebi. Ambi chiampicpadombuen aton Mado Esuquidistu tantiaquid uënësacsho Nuquin Papan abëdi tabadmendac, quequin Esus chuibennequidquio nebi.

Timoteo 2 1:8

Adquid nebi, queshun dacuëdenquio icquin Nuquin Icbo Esuquidistun naid chuibanta. Adembidi dacuëdenquio icquin: Quënën tsadunaidi Pabado tantiaquiembi, cata. Utsibon chieshënquin natiamiaqui Nuquin Papan namiacpadec chieshtoenquio icquin Chiaid Bëda Esusën naid chuibanta.

Timoteo 2 4:1

Nuquin Papabëtan Esuquidistun mibi iseque. Bëdambuen chuibanta. Esusën padpidec choshon abitedishun Icbombo icquin uënësabi icquidobëta uënësaido uincuenmeshun cuidnumbi chiendac. Nëid ubi tantiaquid ubëdi tabadmembi. Nëid ubi tantiesa cuidembi, quequin chiendac.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Tito 2:11

Matses abitedimbo bëdambuen iste bunquid icquin Nuquin Papan: Ubëd tabadtequid icmenu, quequin matsesën icsambuen naid bedshunash cuidadtequid icmenu, queshun Esuquidistu chomepanëdash.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Tito 3:4

Adquid nuqui icsho issumbien Nuquin Papan matses abitedi tantiaquid icquin aton matses icmenuen nuqui icsambuen naidtedi bedshunash abided cuidadtequid Esus chomepanëdash.

Ebedeo 10:32

Tantia. Cun utsibo. Mibitedi chuinu. Esuquidistu tantiaquido mibitedi yanacsho chieshënquin natiamiaqui chieshtoenquio icquin Esus tantiec mibi bëdambuec tabadondaid bëshunenquio icquin tantiata.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Petedo 2 1:11

Adec bëdambuec tabadec uënësacsho: Ubi tantiaquid mibi neque. Ubëdi tabadec cho, queshun ambi ënenquio icquin namiacno abëdi tabadmequin Nuquin Papa matses cuidmenquiocquid icquin Nuquin Icbo Esuquidistun nuqui bëdambo icmendac padpidec uënëstiapimbo icnuc.

Petedo 2 1:3

Nadatiambocquin nabanquid icquin Nuquin Papan Esus tantiamiaido nuqui nec. Aden tantiamiac aidën chiaid niac niacte bunenquio yec Esus tantiec nuqui bëdambuec tabadendac. Abipadquid utsi nibëdnuc bëdamboshëcquid icquin Nuquin Papan Esus tantiamequin ambi namiaido nuqui icmiac.

Petedo 2 2:20

Nuqui cuidmenquio icquid Nuquin Icbo Esuquidistu tantiabenquin abi icsaid ënuidbuedi padpiden Nuquin Papan Chiaid niacniaquec icsambuen nateuidi bunec icsamboshëcquid yanec udictsëcquio icsaquiendac.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.

Petedo 2 3:2

Ëndenquimbo Esus chote chuiquin Nuquin Papan oncamiaidon dada uampid ¿Ada tantie? Adombuembidi nuqui cuidmenquio icquidën Nuquin Icbo Esusën chuibampondash. Aidën chiondaid abëd iccondaidëntsen mibitedi chuinëdash. Aidën chuibanondaidquio tantiata.

Uan 1 1:2

Aidi abuc Nuquin Papabëd ënëdenquio yec tabadbuedi nidaidënuësh matses icnuec chopanëdash. Choshon: Nuquin Papabëd ënëdenquio yec tabadte iquendac, quequin chiannequidquio ubëd icquidobëtan isondashun aidën naidquio chuibanec nebi.

Uan 1 4:14

Nuquin Papan Madombo ubitedishun ispondambi. Aden isondashun: Matses abitedi abëd tabadtequid icmenuen Nuquin Papan chomiac Esus chopanëdash, quequin dacuëdenquiocquin chuibanec nebi.

Esusën Uan ismiaid 18:1

Aden isboshombic Nuquin Papabëd icquid utsitsen abucuësh budsho ispombi. Nuquin Papan icmiacpadec chuiquid tapa yec bëchamauanquiec abichobimbo chënquec nidaidën budposh.

Esusën Uan ismiaid 2:7

Nëbi ubi tantiaquido utsibotsen chuinu. Umbi chuibocpadombuen cun Mayanën mibitsen tantiametsiashe. Bëdambuen tantiate bunquin Umbi Chiaid tantiata. Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmendambi. Nuquin Papa bëdamboshëcquid yacno nitsinaid cute bacuë uënëstiapimbo icmetequid chemendambi, quequin umbi chuibued dada uata, quequin Esusën chuiposhi.

Esusën Uan ismiaid 20:14

Adshumbic uënësmiantequid caid chian annëdënquequid yacno nëneposh. Aid chian padpidec uënëstequid caid neposh.

Esusën Uan ismiaid 22:14

Matsesën aton dashcute bëchishaid panacbimbuen ambi icsambuen naid ënsho Nuquin Papan bëdambo icmendac. Adoac shubu dadpen icquid bëdamboshëcquid yacno puduedash cute bacuë uënëstiapimbo icmetequid chec aid yacno tabadendac.

Esusën Uan ismiaid 22:17

Adsho tantiashun Nuquin Papan Mayambëtan Obecabimbuecquidën chidobimbuecquidën: Cho, cun Icbo Esus, capec. Adembidi chuibansho Esus tantiaquidotedishun: Cho, cun Icbo Esus, capec. Adshumbic: Acte bundoash ubi acte acme, quesho: Piucquid bec cho, quenquio icquin acte ushumbocquid cushtoshon acmiacbimbuen ënëdenquio icnuc abëd tabadmendac.