Timoteo 1 6:18 - El Nuevo Testamento en matsés

¹⁸ Aidbidi chuiquin: Bëdambuec tabadquin utsibo nashumbanquiota. Adembidi cudasenquio icquin mitsana utsibo menianneta.

Timoteo 1 6:18 ပူးပေါင်းရင်းမြစ်များ

Mateo 5:42

Utsibic: Mitsana bec cho, quesho meneta. Utsibic: Mitsana buanshun bëuaindambi, quesho cudasënenquio icquin meneta, quepanëdash Esus.

Ducas 12:21

Aden chiashic: Atonauidi tantiaquin dadpen tsindoquidtedi Nuquin Papan chiacpaden naisa yec atona nianec uënësash Nuquin Papa yacno puduedtiapimbo iquendac, quepanëdash Esus.

Ducas 3:11

Adoaquien: Mibi dasiuidaid dashcute daëd icsho aton dashcute nibëdquid abentsëc meneta. Adembidi pete dadpen icquin aton pete nibëdquid icsho meneta, capanëdash Uanën.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Hechos 11:29

Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Hechos 9:36

Adnubien Dida caid udictsëc shubu dadpen icquid Ope caid yacnocquid Esus tantiaquid chido Tabita cuënshumbic quidiecon onqueten Dodcas cain cuënaid icpanëdash. Aidëmbi atona nibëdquido nashundednequimbi pete nibëdquido menedednepanëdash.

Doma 12:13

Esus tantiaquido atona nibëdsho issun meneta. Isedanquido chosho bëdambuen isquin iuedta.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Codinto 1 16:2

Dominco uëshën uëshënquien mimbi bedbanaidtedi tantiaquin abentsëcshun abentsëcshunquien sambededta. Chonoadquin daëdpactsëc bedquidën daëdpactsëc dayun uanubi piucquid dadpen bedquidën dadpen sandoshon dayun uata. Adoshon dayun uaid sambededshun bedbanash ubi chosho isash: Piucquid sambedednuna, quenquio mibitedi iquendac.

Codinto 2 8:12

Atona daëdpactsëc icquidën menete bunquioquin menesho isash: Bëdambo iquec, caindac Nuquin Papan. Dadpen meneta, quenquio Nuquin Papa iquec.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Petedo 1 3:11

Icsambuec tabadbuedi bëdambuec tabadnuna. Utsibo chieshënnansho issun: Padi, chieshënnanenquio yec bëdambuec tabadnuna, caindac.

Uan 1 3:17

Aton piucquid dadpen icquidën abëtan Esuquidistu tantiaquidëna nibëdquiocsho isec: Cun utsi menenu, quenquio icquid Nuquin Papan matses tantiacpadombuen matses tantienquio icquid nec.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.