Timoteo 1 3:16 - El Nuevo Testamento en matsés

¹⁶ Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Timoteo 1 3:16 ပူးပေါင်းရင်းမြစ်များ

Mateo 1:23

Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Mateo 13:11

Esus nadpondash: Utsibo tantiamenquio icnëdaidi: Nëbi Nuquin Papan namiacno tabadte iquec, quequin mibitedictsëqui tantiamembi utsibo padenquio icquin.

Mateo 28:2

Nidash isec tabadnubi nidaid cumapenec ishcudpanëdash. Adnubien Nuquin Papabëd icquidquio abucuësh budtanquin cuënote dapa bëtashaid shëcbentanec aidëmbi matsadtopanëdash.

Mateo 3:16

Aden mentoboc Esus pudundonobien abu canchedec shëcuë yampanëdash. Adnubien auëshquiobi oshpodcobimbuecquid budec Nuquin Papan Mayan Esusbëd icnuec budsho ispanëdash.

Mateo 4:11

Adoaquien Mayan Icsa Satanas cuempanëdash. Adnubien Nuquin Papabëd icquido chochoshon Esus nashumbededpanëdash.

Madcos 1:13

Ambobi 39tedec ushpanëdash. Ambo icshobi Nuquin Papa chieshënquid Mayan Icsa Satanasën: Nuquin Papan Chiaid niacmequin tannu, quianec choshon tanuidpanëdash. Ambobi bëdibiecquid nëish aben icquid chedobëd icpanëdash. Ambo Esus icshobi Nuquin Papabëd icquido chochoshon nashumbededpanëdash.

Madcos 16:19

Aden chuibanquin ënshobi abuc indoac Nuquin Papan dayun abiucquio Esus tsadtuidpanëdash.

Madcos 16:5

Aden shëcniacsho isash shëcuën puduedquin isaquien dada cania dashcute ushumboshëcquid dasiuidash abiucquio tsadsho ispanëdash. Aid istanec chidobo dacuëdcuededpanëdash.

Ducas 2:32

Nëidëmbi mimbi tantiacpaden matses utsibotsen mibi tantiamebenendac. Adoac: Isadaidbon tishaid bëdambocquid icnuc aton matses isadaidbo bëdambo icmequid nec, cabededendac, quepanëdash Simeon.

Ducas 20:44

Cun mado cainquio icquimbi cun Icbo capampic Dabidën. Aden chiampid icnuc ¿atotsi queshun mimbi: Dabidën mado nec, quequin tantiape? quepanëdash Esus abi chieshënquido chiec.

Ducas 22:43

Aden Esusën chuinubien Nuquin Papabëd icquidquio budshun Esus uidënquio icmequin chieshtomenquio icpanëdash.

Ducas 24:4

Aden isash natiaquiec tabadnubien dada daëd dashcute ushumboshëcquid dasiuidash chënquec bëchamauanquiec tabadsho ispanëdash.

Ducas 24:51

Aden chiec onqueshobi aido nianmequin Esus abuc indopanëdash.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Uanën dada uaid 13:3

Cun Pan chomiondaid icquin aidën tantiacpadec abëdi abitedishun Icbombo iccondaidi nëbi ambobidi niduash adquidbidi icuaindabi, quequin tantiaquin Esusën nadopondash.

Uanën dada uaid 15:26

Adshumbic padpiden chiec: Umbi Cun Pa yacno nidshun: Matses dayun uaquid Nuquin Mayan bëdambo icmianquid ubi tantiaquidobëd tabadmenuna, Papa, cac: Ai, queshun Cun Pan chomiac mibëd tabadquin abimbo chuiquin ubi tantiamequiendac.

Uanën dada uaid 16:28

Cun Pa yacnouësh matsesbëd tabadec chondashic nëbi matses nianec Cun Pa yacnobidi niduaindabi, quepondash Esus.

Uanën dada uaid 17:5

Nëbi mimbi tantiaidtedi umbi nainacsho mibi yacno indoshon nuqui abitedi uabi yequi bëdamboshëcquid yec abitedishun Icbombo iquec min dayun ubi tsadondacno ubi tsadmeuata, Papa, quepondash Esus.

Uanën dada uaid 20:12

Nuquin Papan abëd icquid budmiaido daëd dashcute ushumbo icquid dasiuidquid Esusën dada uebocno tabadpanëdash. Esusën mapi icbocno abentsëc tsadnubi utsi taë icbocno tsadsho ispanëdash.

Uanën dada uaid 6:62

Matsesën Tishaid iquequi ubi iccondacnobidi abuc ubi nidsho isash ¿atoda mibi quendac?

Hechos 1:19

Pucu tishidec intac chiuidaid icsho tantiaquin Edusaden yacnocquidtedishun tiedëmpi bedaid aton onqueten intac tiedëmpi quequin Asedama cabededpondash.

Hechos 10:34

Aden Codnedion: Chuiban, cac Petedon naden chuibampanëdash: Matses utsi nec, quenquio icquin Nuquin Papan iuedtequid matses utsi utsiec iquec, quequin nëbi abimbo tantiembi.

Hechos 14:27

Ambo choash tabadquin ambo icquid Esus tantiaquidobëd iccuededquin Nuquin Papan tantiamiacpaden abi capucuenniacnoshon ambi nabanaidtedi Pabadobëtan Bednaben chuibampanëdash. Isadaidpembo dadpen Esus tantiaquid yamposh, quequin chuibampanëdash.

Hechos 20:28

Nëbi nidebique. Ubi nidan chieshtoenquio icquin Esus tantiec bëdambuec tabadta. Adembidi mimbi chuibanaido Esus tantiaquido chuiquin: Chieshtoenda. Esus tantiec bëdambuec tabadta, cadednequin bëdambuen chuibanta. Nuquin Papan Mayan Bëdan aido chuibanquid mibitedi icmioshe. Adota. Aido Nuquin Papa yacno tabadmenuec Esuquidistu abided cuidadec intac mëyanec uënëspanëdash.

Doma 10:12

Nuquin Papan: Isadaidbo nec. Matses utsibo nec, quenquio icquin abitedishun Icbombo icsho matsesën: Ubi nashun, Papa, quequin abi chuisho tantiashun: Nashuntiapibi, quenquio icquin nashunendac.

Doma 10:18

¿Esusën naid chuibansho tantiamboda isadaidbon icpadic? Ai, ma tantiapaboc. Naden chuiquin Nuquin Papan dada uamiampid iquec: Nidaid utsi utsiec yacno nidshun ambi chuimiaidon chuibansho matses abitedishun tantiendac. Adembidi nidaid abichobi yacno tabadquidontsen chuibansho tantiendac, quequin chuipampic.

Doma 16:25

Nuquin Papa Bëdamboshë iquec, canuna. Umbi Esuquidistu chuibanac tantiabensho Nuquin Papan mibitedi chieshtoenquio icmiac umbi chuibambued Esus tantiec tabadta. Nuquin Papa ëndenquimboshë abitedi uabi yec: Iuecshun naindambi, quequin ambi matses tantiamenquio icpampidi mibi Esus tantiamiac.

Doma 16:26

Aid chuiquin Nuquin Papa uënësesambo icquin ambi oncamiaido utsi utsien Esus chote dada uamepampic. Nëbi Esusën naid chuisho tantiaquin ma nidaid utsi utsiec yacno tabadquidon Esus tantiaquin aidën chiacpadombuen nanu, queshun Nuquin Papan Esusën naid chuibennequido icmiac.

Doma 3:4

Natsiash, caimbi. Aden ambi chiacpadombuen naquidquio Nuquin Papa nec. Matses abitedimbo muaquido icnuc Nuquin Papan naden chuiquin dada uamiampid iquec: Abimbo chuiquidquio icquin ambi chiacpadombuen naquidquio nec. Adquid icquin: Icsambocquid cuidquid nebi, quequin mibi icsambuen chuishunquido dëniacquin cuidquidquio nec, quequin dada uamepampic.

Doma 8:3

Moises dada uamiampidën chiacpadec matses bëdambuec tabadtiapimbo yec uidëmpentsëcquio icsho issun Nuquin Papan aton Mado matses uidëmpentsëcquiocquid yacbimbuecquid chomepanëdash. Adshumbic Nuquin Papan icsambuen naquido cuidenquio icnuen aton Madoded cuidmequin uënës uamepanëdash.

Doma 9:5

Tsusedpabon tsiuecquido yec Nuquin Papan chiampicpadquiequi isadaidbon chidon tishac Esus matsesac caondash. Aidi Mesias Nuquin Papan Chomiaid abipadquidquiobidi yec abitedishun Icbombo matsesac caondash. Adquid icsho: Mibi bëdamboshë iquec, canuna ënenquio icquin. Amen.

Codinto 1 15:47

Bëyuc matses uaid dada nidaid putu nacnenaid yec nidaidën tabadtequid nepampic. Aidën tsiuec choquid dada abucuësh choquid Nuquin Icbo nec.

Codinto 1 2:7

Umbi tantiaid chienquio icquin Nuquin Papan bëdambuen tantiamiac ambi matses tantiamenquio icpampidi chuibanec nebi. Nidaid uabi yec ëndenquimboshë: Umbi tantiacpadënquio Esus tantiaquido bëdamboshë yacno ubëdi tabadmendambi, quequin chiampidquio chuibanec nebi.

Codinto 2 1:19

Adembidi ambi chiacpadombuen nabanquidquio Nuquin Papan Madombo umbi chuibenniaid Esuquidistu nec. Aidi Sidbanobëtan Timoteon chuibenniaidbidi neuaic.

Cadasia 2:8

Adembidi Nuquin Papan namiac Esusën: Ubi chuibenneta, caid icquin Petedon cun matses isadaidbo dadpen Esus tantiamiaccosh. Adembidi Nuquin Papan namiac Esusën: Ubi chuibenneta, caid icquin umbitsen isadaidpembo dadpen Esus tantiamequin chuibenniombi.

Cadasia 4:4

Adnubien ambi ëndenquimboshë tantiampicpadembi Nuquin Papan Aton Mado chomepanëdash. Aidi isadaidbo chidon tishaid icquin Nuquin Papan: Naden nata, quequin Moises chuiquin dada uamiampicpadombuen naquidquio nepanëdash.

Epeso 1:9

Aden Nuquin Papan ambi matses tantiamenquio icpampidi nëbi nuqui tantiamec. Abi bunacpadombuen abi matses bëdambuen ismequid Esuquidistu nuqui tantiamiac.

Epeso 6:19

Ubitsen tantiaquin Nuquin Papa chianneta. Dacuëdmenquio icquin mimbi tantiamiacpadombuen chuibanquidquio icme, quequin chuita. Adoac ambi oncamiacpadombuen ambi matses tantiamenquio icpampidi nëbi Nuquin Papan tantiamec, quequin tantiabicquido Esus chuibanendambi.

Codosas 1:23

Chieshtoenquio icquin cainquin Esuquidistu tantiaquid icsho abi yacno mibi iuedendac, quequin chuibansho mimbi tantiondac. Adenuidi Chiaid Bëda ënenquio icquin tantiata. Adombuembidi shubu dadpen icquid Doma yacno chuiquid tapan namiacnoshon chuibennesho nidaid utsi utsiec yacno tabadquidon tantiapanëdash. Umbitsen adembidi aid chuibennepondambi.

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Codosas 1:6

Aden Chiaid Bëda chuibanquid mibi yacno nidshun chuibanac mibitedishun: Abimbo caic, queshun tantiabempanëdac. Mibitedi chuibanacpadombuembidi matses utsi utsiec yacno chuibenniac adembidi dadpenshun: Abimbo caic, queshun Esuquidistu Nuquin Papa bëdambuen ismequid tantiabempanëdash.

Codosas 2:2

Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.

Tesadonica 2 1:10

Aden ambi icsambuen naquido cuidte uëshëmbi Esus chosho isash abi tantiaquido: Ubi cuidmenquio icnuec abided cuidadaid Nuquin Icbo bëdamboshë iquec, quequin aton Icbo isec tabadendac. Umbi Esus chuibanac aid tantiabenondaido icquin mimbitsen Esus chosho isendac.

Tesadonica 2 2:7

Nëbi ambi tantiaidtedi tantiamenquio icquin Mayan Icsa Satanasën namiac matsesën Nuquin Papa chieshënquin Aidën Chiaid niac niacbededec. Padnuen icsamboshë icquid choabi iquec. Aid chomenquio icquin uidën uaquid chicabi icnuc icsamboshë icquid chuiquid tapa yantiapimbo iquendac.

Timoteo 1 3:9

Nuquin Papan Chiaid tantiaquin ënenquio icquin Esus tantiec bëdambuec tabadquid nendac.

Ebedeo 1:3

Aidi aton Papapadquiobidi bëdamboshëcquidquio yec bëchamauanquiecquid nadatiambocquid neuaic. Aidëmbi nadatiambocquin Nuquin Papabëtan ambi tantiacpadombuen ambi uaid abitedimbo abi icmec nibëdantiapimbocnoc. Aidi matsesën icsambuen naid bedshunquin Nuquin Papa matses bëdambuen ismenuec abided cuidadec uënësashic abuc nidash Nuquin Papan dayun abiucquio tsadtuidpanëdash.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ebedeo 7:7

Nuquin Papan ma mibi bëdambuen ispanuna, quequin chuiquid bëdamboshëcquidquio nec. Aidën chuibuedien abipadquidpenquio nec.

Ebedeo 8:1

Tantia. Mibi naden chiombique. Adec Esuquidistu abi tantiaquido abi bëdambuen ismequid tapa yanash Nuquin Papa aton tsadte dapan tsadacnombo pudueduash abitedishun Icbombo yec Aidën dayun abiucquio tsadec.

Petedo 1 1:12

Naden Nuquin Papan tantiamepampic: Mibitedi nibëdanan umbi chuibued umbi cun matses caid icsho utsibon isendac, quequin Esus chote chuipampic. Aden chiampicpadec choshon Esusën chuibampondash. Adembidi nëbi Nuquin Papan abucshun chomiac aton Mayan Bëdan nadatiambocquin tantiamiacpadombuen Esus chuibennequidon aidën naid mibitedi chuibampanëdash. Aden chuibanaid icnuc Nuquin Papabëd icquidotsen Esusën naid tantiate buncuededec.

Petedo 1 1:20

Ëndenquimboshë abitedi uabi yequi Nuquin Papa nadpampic: Umbi tantiacpadën matsesash matses cuidmenquio icnuec mibided cuidadec mibi uënësendac, quequin Esuquidistu chuipampic. Aden ambi chiampicpadombuen cuidadmeshun nëbi Esus tantiasho mibitedi bëdambuen isec.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Petedo 1 3:22

Aidi uincuenash abuc nidash Nuquin Papan dayun abiucquio tsadtuidpanëdash. Adash abitedishun Icbombo yampanëdash. Nuquin Papabëd icquidon chuiquid tapabëtan Mayan Icsa Satanasbëtan aton iua podobitsi icsabon chuiquid tapa icquin ambi chiacpadombuen abitedi namendac. Adquido icbuedombi abitedishun Icbombo icsho aidën chiacpadombuen naindac.

Uan 1 1:2

Aidi abuc Nuquin Papabëd ënëdenquio yec tabadbuedi nidaidënuësh matses icnuec chopanëdash. Choshon: Nuquin Papabëd ënëdenquio yec tabadte iquendac, quequin chiannequidquio ubëd icquidobëtan isondashun aidën naidquio chuibanec nebi.

Uan 1 3:5

Adquid icnuc Esuquidistu matsesash nuqui icsambuen nabanaidtedi bedshunec abided cuidadec uënëspanëdash, quequin mibitedishun tantiec. Adembidi icsambuen naisambo Esuquidistu nec, quequin mibitedishun tantiauaic.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Esusën Uan ismiaid 17:5

Adshun isquien aid chido utsin tantiatiapimbo ictequid abi cuëmëdquid aton bëtanteteno bëdada uadec: Babidonia yacnocquido piucquid bedec chudadquidon titabimbuecquid icquin matses abitedi icsambuen namequidquio nec, quequin chuiquin bëdada uadaid icposh.

Esusën Uan ismiaid 17:7

Adshobini Nuquin Papabëd icquidën: Tantiadempambo iquec ¿quecta ique? Tantia, Utsibon tantienquio yaid chidobëta abi catsadaid bëdi dapabimbuecquid aton mapi 7ted iquequi aton pais 10ted icquid chuinu.

Esusën Uan ismiaid 7:9

Aden ismeboshombic padpiden Nuquin Papa yacnombo ismeuaposhi. Adoac isaquien matses dadpenquioshë tamëdtiapimbo yec nëidtedi tabadposh. Nëidic nidaid utsi utsiec yacno tabadquido. Nëidic matses utsi utsiecquido. Nëidic onquete utsin utsinquiec onquequido. Nëidic shubu daëdpactsëcquid utsi utsiec yacnocquido. Aidtedi Obecabimbuecquid tantiaquido neposh. Aido Nuquin Papabëta Obecabimbuecquid bëisec tabadposh. Abëdi tabadmequin Nuquin Papan icsaisa icmiaido yec dashcute ushumbo icquiduidquio dasiuidcuededposh. Cun matsesën chuiquid tapa ismiacbimbuen: Nuquin Papa bëdamboshë iqueque. Ismenu, quequin niste podobiecquid sananquin uic uiccabededposh.