Timoteo 1 2:4 - El Nuevo Testamento en matsés

⁴ Matses abitedimbo cuidenquio icquin bëdambuen isquin abëd tabadmete bunquid yec: Umbi Chiaid abimbo tantiashun Cun Mado abided cuidadec uënësaid ma tantiapanu, quendac Nuquin Papa.

Timoteo 1 2:4 ပူးပေါင်းရင်းမြစ်များ

Mateo 28:19

Nidaid utsi utsiec yacno nidshun ubi tantiaquido icmenuen matses abitedi Umbi Chiaid chuibenneta. Adoac ubi tantiabensho acten mentoquin: Nëid Esus tantiabenshun Nuquin Papatsen tantiaquid nec. Nëidbëd Aton Mayan Bëda tabadec, quequin utsibo ismequin acten mentobanta.

Madcos 16:15

Aden chuishumbic: Nëbi nidaid utsi utsiec yacno nidanneta. Adec nidshun: Nuquin Papan namiacno tabadte iquendac, quequin Chiaid Bëda chuibenneta.

Ducas 1:77

Adquid icquin nuquin matses chiec: Mibi cuidenquio yec mimbi icsambuen naid tantienquio yec bëshunshun bëdambuen isquin Nuquin Papan mibi abëdi tabadmendac, quequin chuibanquid mibi iquendac, mado.

Ducas 14:23

Adoaquien icbon: Shubu ënëdacno nidshun utsibobi istuidshun bëuata. Ma adoac chochoash cun shubun tsucus tsucustsëcquio yec puduedash ma tabadpanu.

Ducas 24:47

Nadembidi chiampid iquec: Nuquin Papa tantiabenquin mimbi icsambuen naid ënsho isash: Icsambocquid nec, quequin tantienquio yec mimbi icsambuen naid Nuquin Papa bëshunendac, quequin Edusaden yacnoshomba ubi tantiaquidon ubi chuibanendac. Aden chuibanshumbic nidaid utsi utsiec yacno nidshun adombuembidi chuibanuaindac.

Uanën dada uaid 14:6

Adoaquien Esusën: Nuquin Papa yacno nidte tantiamequidquio nebi. Nuquin Papan Chiaiduidtsëqui chiec muesambo nebi. Adquid icnuc ubiuidtsëqui tantiash Nuquin Papa yacno tabadendac.

Uanën dada uaid 17:17

Mimbi chiaidquio bëdambuen tantiamequin mibimbo tantiamequin mitsana icmeta, Papa.

Uanën dada uaid 6:37

Nuquin Papan tantiamiaidtedishun ubi tantiasho bëdambuen isquin aido cacunmenquio iquendambi.

Doma 11:14

Umbi mibitedi chuibanaid tantiash cun matses utsi utsiec: Esus tantiate bunebi, ma quenu, queshun mibitedi chiec nebi. Adshun Esus tantiabensho aidotsen Nuquin Papan cuidenquio icquin bëdambuen isquin abëd tabadmendac.

Timoteo 1 4:10

Adec: Abi yacno abëdi tabadendabi, quequin tantiec ënëdenquio yec chonoadquin Nuquin Papan Chiaidquio chieshtoenquio icquin chuibannuna. Esus tantiaquid uënësacsho cuidenquio icquin Nuquin Papa uënëstiapimbo icquidën abëdi nuqui tabadmendac, quiash chieshtoenquio yec bëdambuec tabadnuna.

Timoteo 2 2:25

Esus tantiesabon: Mimbi Nuquin Papan Chiaid chuisho tantiatiapimbo iquebi, caqui adembi chieshtoenquio icquin Nuquin Papan Chiaidquio mimbi chuibanendac. Nuquin Papan Ambi Chiaidquio tantiamiac: Icsambuen naombi, quequin ma Esus tantiesan tantiabennu, quequin abi chuibanendac.

Timoteo 2 3:7

Aden icsambuen naquidën ambembi chuidednesho tantiadednequid icquin chidobon Nuquin Papan Chiaidquio bëdambuen tantiatiapimbo icpac caosh.

Tito 1:1

Pabado nebi. Nuquin Papan namiaidquio nebi. Adembidi Esuquidistun: Ubi chuibenneta, caid nebi. Nuquin Papan: Nëido cun matses nendac, caido yec Esuquidistu tantiaquidombo ma icpanuna. Adquid yec ma Nuquin Papan chiacpadec bëdambuec tabadpanuna, quequin chuibanec nebi.

Tito 2:11

Matses abitedimbo bëdambuen iste bunquid icquin Nuquin Papan: Ubëd tabadtequid icmenu, quequin matsesën icsambuen naid bedshunash cuidadtequid icmenu, queshun Esuquidistu chomepanëdash.

Ebedeo 10:26

Nuqui icsambuen naid bedshunash abided cuidadec Esuquidistu uënëspanëdash, quequin abimbo chiaid chuibanac aid tantiabuedi: Adequi icsaic tabadnu, quequid: Nuquin Papa ubi bëdambuen ismetequid utsi iquec, quetiapimbo iquec.

Santiaco 3:14

Padnuen nadquid bëdambuen tantiaquidpenquio nendac. Nëidic: Ubi bunacpaden: Umbi nanu, cabuedi aidën naic, quiash chieshëmënquid. Nëidic chushcanante bunquid. Nëidic: Ma utsibon ubi bëdambuen isquin aton chuiquid icmenu, quequin tantiaquid. Adec tabadquid yec abimbo chiaidquio tantiesabo nendac.

Petedo 2 3:9

Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.

Uan 2 1:1

Esus tantiaquido chuibanquid Nuquin Papan icmiondaid nebi. Nuquin Papan mibitsen icmiac Esus tantiaquidobëta chuibanquid icsho mibitedi tantiaquiembi. Adembidi Nuquin Papan Chiaid abimbo iquec, quequin tantiaquidtedishun mibitedi tantiaquiec.

Esusën Uan ismiaid 14:6

Aden ismeboshombic utsitsen ismiac Nuquin Papabëd icquid uicchun shucshucquec cuenacbimbuec abuc cuensho ispombi. Bënnudtiapimbo icquid Nuquin Papan Chiaidquio matses nëidted yacnocquido chuinuec neposh. Nëidic nidaid utsi utsiec yacno tabadquido. Nëidic matses utsi utsiec tabadquido. Nëidic onquete utsin utsinquiec onquequido. Nëidic shubu dadpen icquid utsi utsiec yacnocquido.