Timoteo 1 2:2 - El Nuevo Testamento en matsés

² Adembidi Nuquin Papa chuiquin: Chuiquid Tapambobëta chuiquid tapa utsibotedi bëdambuen tantiame. Adoac aidon bëdambuen namiac cuessun secananenquio yec matses abitedi bëdambuec tabadtsiash, Papa, quequin Nuquin Papa chianneta.

Timoteo 1 2:2 ပူးပေါင်းရင်းမြစ်များ

Ducas 1:6

Aidi aton bënëbëdi Nuquin Papan Chiaid tantiaquin nabanquidquio icpanëdash. Adquid icsho Nuquin Papan bëdambuen isaidquio aid daëd icpanëdash.

Ducas 2:25

Adnubien Edusaden yacnocquid Simeon cuëmëdquid Nuquin Papan: Naden nata, quequin Moises chiampid tantiaquin naquidquio icpanëdash. Aidi isadaidbon chuiquid tapa abentsëcquiobi Nuquin Papan Chomiaidquio cainquidquio icpanëdash. Aidi Nuquin Papan aton Mayan Bëda meniaidquio nepanëdash.

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 24:16

Aden tantiaquin Nuquin Papan: Bëdambuen mimbi naic, ma ubi canu, queshun bëdambuen nabanec tabadebi. Adembidi matsestedishun: Bëdambuen mimbi naic, ma ubi canu, queshun adombuembidi bëdambuen nabanec tabadebi.

Doma 12:18

Chieshëmënec icsambuec tabadte bunsho issun aid chuiquin: Bëdambuequien tabadtiad, quequin chuita.

Pidipos 4:8

Tantia, cun utsibo. Nëidtsen mibitedi chuinu. Abimbo chiaid tantiata. Matses abitedi bëdambuen isnuna, quequin chiaid tantiata. Icsaisambo icquid yec bëdambo icmianquid tantiata. Icsambuen chuishunenquio yaid tantiata. Aden bëdambuen nateuidquio tantiec tabadta. Aidtedi tantiec cuishonquec tabadta, quequin chiaidtedi tantiata.

Tesadonica 1 4:11

Umbi chiondacpadquiec chieshëmënenquio yec bëdambuec tabadta. Utsin icsambuen naiduidi chienquio yec bëdambuec tabadta. Chieshenquio yec dayacquio yec chonoadec tabadta.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.