Timoteo 1 2:15 - El Nuevo Testamento en matsés

¹⁵ Adec abia icsacsho issun Nuquin Papan cuidac paëmbo icnuc bacuë tishquid chido abitedi yampampic. Esus tantiaquid yanash ambi tishaido bëdambuen namequid iquendac. Esusën chiacpadombuen naic matses tantiaquid yanendac. Mabi bëdambocquid nec, canu, quenquio yec Nuquin Papan chiacpadec bëdambuec tabadquid icsho Nuquin Papan abi yacno puduedmendac.

Timoteo 1 2:15 ပူးပေါင်းရင်းမြစ်များ

Ducas 2:7

Ambobidi matses dadpen chochoash ushte shubun puduedash tsucus tsucustsëcquio iquec tabadsho issun nëish iua tabadacno puduedshun Madian dada bacuë tishpanëdash. Tishshun dashcute cuësh cuëshshun dapucshun nëish iuan pete sandote nacnenaidën ambi bëyuc tishaid aton mado Madian nampanëdash.

Codinto 1 12:23

Uidënuaid ëquëducquid ismenquio icquin ompoaidquio utsi iquec. Adembidi dëccuëscaid utsi cudasquin ismetemaid icsho ompoec dasiuidec.

Timoteo 1 1:14

Aden icsambuen naquid icshobini cuidenquio icquin Nuquin Icbo Esusën ubi tantiaquidquio icquin tantiamiac: Abi tantiasho ubi bëdambuen istsiash, queshun Esusquio tantiabenondambi. Adshun matsestsen tantiaquiembi.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Timoteo 1 2:9

Chidobotsen chuinu. Esus tantiaquid iquec Esus tantiaquido iccuededec cuëdënacno nidnuec: Mabi bëdapactsëcquio iquec, quequin isnu, quequin tantienquio yec bëdambuec nacnemëdta. Bëdambuen tantiaquid dasiuidacpadec dasiuidta. Chido chishpidabimbuec dasiuidenda. Mabi bëdapactsëcquio iquec, quequin isnu, quenquio yec Esusquio tantianuec Esus tantiaquido iccuededec cuëdënacno puduedta.

Tito 2:12

Aden chomiac Esusën Nuquin Papan chiacpadombuen naic abided cuidadaid icnuc nuqui icsambuen naidbëta Esus tantiesabon icsambuen nate bunaid ënte tantiamec. Adoac nëbi bëdambuen tantiaquid icquin: Naden naic bëdambocquid ictsiabi, queshun bëdambuen naquid nuqui nec. Adembidi: Aden naquin icsambuen natsiambi, quequin nainquio icquin Nuquin Papan tantiamiacpadombuen naic bëdambuec tabadquid nuqui nendac.

Petedo 1 4:7

Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.