Timoteo 1 1:7 - El Nuevo Testamento en matsés

⁷ Adquidon: Nuquin Papan: Naden nata, quequin chuiquin Moises dada uamiampid bëdambuen tantiembi. Moisesën chiampicpadombuen namenuec aid chuibanquid icte bunebi, quebuedombi Nuquin Papan Chiaid bëdambuen tantienquio icquimbi icsambuen chuibanec.

Timoteo 1 1:7 ပူးပေါင်းရင်းမြစ်များ

Mateo 15:14

Dacuëdenda. Padiseobo bëshuaidbimbuec icquido nec. Bëshuaidën aton matses bëshuaid utsi bëdambuen buantiapimbo iquec. Buannuec abidaëdi shëcuë ampaëdtsiashe. Aidon chiaid tantienda, quepondash Esus ubitedi chiec.

Mateo 21:27

Adshumbien Esus padpiden chiec: Tsaudi. ¿Tsundan namiaquien nachitondash? queshobien: Mimbi chienquio yacpadembidi umbitsen ubi namequid chienquio iquembi, capondash Esusën.

Ducas 2:46

Adec choshon daëdec ushquin nibënshun Nuquin Papa tabadte shubu dapa daquënë uaidën puduedshun Esus tsadsho istuidpanëdash. Ambo tsadquin Moisesën chiampid tantiamequidon chuisho tantiashun bëdambuen chuimesho Esus istuidpanëdash.

Hechos 15:1

Adnubien nidaid Udea caid yacnouësh choquido Esus tantiaquid utsibo Antioquia yacno chochoash tabadquin: Nuquin Papan: Naden nata, quequin Moises chuiquin dada uamiampicpaden shui dëbid dëtemesa Nuquin Papa yacno puduedtemaid nendac, quequin chuibampanëdash.

Doma 1:22

Dadpen tantiaquid nebi, quequidobi tantienquiocquid nec.

Cadasia 3:2

Mimbi tantiaid ubi chui. Tantianu: ¿Atotsi quiash Nuquin Papan Mayan Bëda mibëdi tabadanondash? ¿Nuquin Papan: Naden nata, quequin ambi Moises chuiquin dada uamiampidtedi mimbi nabansho isashta mibëd tabadanondash? ¿Umbi chuibanac: Abimbo caic, queshoda mibëd aton Mayan tabadanmiondash? Ai, umbi chuibanac Esusquio tantiabensho issun Nuquin Papan aton Mayan meniac mibëd tabadanondash.

Cadasia 3:5

Nuquin Papan aton Mayan meniaid icquin nadatiambocquin naquin mibitedi ismiondash. ¿Atotsi queshun Nuquin Papan aden namiondash? ¿Moisesën chiampicpadombuenuidi nashoda Nuquin Papan aton Mayan mibitedi meniondash? Padenquio. Umbi chuibanac: Abimbo caic, queshun Esusquio tantiabensho issumbien Nuquin Papan aton Mayan mibitedi meniondash.

Cadasia 4:21

Moisesën chiampiduidi naquin Nuquin Papa bëdambuen ismembi, quequido icquin Nuquin Papan Moises chiampid chuisho ¿bëdambuen tantiamboda ique?

Timoteo 1 6:4

Aden icsambuen tantiaquidën bëdambuen chuibantiapimbo iquec. Umbi chiaiduidtsëqui bëdambo iquec, quequin abimbo chiaid tantiesambo nec. Utsibëd chushcanante bunquid nec. Utsi nëishmequid nec. Adquidbëd chushcananec muauannanec icsambuec chuishunnansho isash: Abimbo chuiquid nec, quetiapimbo iquendac.

Timoteo 2 3:7

Aden icsambuen naquidën ambembi chuidednesho tantiadednequid icquin chidobon Nuquin Papan Chiaidquio bëdambuen tantiatiapimbo icpac caosh.

Santiaco 3:1

Cun utsibo, Nuquin Papan Chiaid tantiamequid icte dadpen bunenquien ictiad. Nuquin Papan Chiaid tantiamenu, queshumbi aidën chiaidpenquio icnuc chuibanquin tantiamequid icsho issun cumapenquien cuidendac, quequin nuquitedi tantiec.

Petedo 2 2:12

Aidon nëishbimbuen tantienquio icquin ambi tantiaiduidi naic tabadec. Adquid icquin abi cuidte tantienquio icquin mua uaquin chuibanec onquec. Adquido yec icsambuec tabadsho cuidac nëish cuessuniacbimbuec uënësendac.