Timoteo 1 1:19 - El Nuevo Testamento en matsés

¹⁹ Adquid icquin Nuquin Papan Chiaid niaquenquio icquin Esus tantiaquiec bëdambuec tabadta. Utsiboen cano cuëshnudtannuc ampaëdacbimbuec: Adec icsambuec tabadtsiabi, quebuedëmbi Nuquin Papan Chiaid niac niacquin Esus tantienquio yanosh.

Timoteo 1 1:19 ပူးပေါင်းရင်းမြစ်များ

Mateo 6:27

Adec mitsanauidi tantiec natiec tabadnubi mibi uënëste uëshë chonoc: Padi, udictsëcuësh uënësebi, ¿quecta mibi icpe? Padenquio.

Codinto 1 11:19

Adec cuësh cuëshëdquid mibi yacno icac bëdambo ictsiash. Adec utsi utsiec cuëshëdsho issun mimbi naden tantiatsiac. Cuësh cuëshëdenquiocquid icsho issun: Chieshtoenquio icquin Esus tantiaquidombo nec, quequin mimbi tantiatsiac.

Cadasia 5:4

Mibitedi Nuquin Papan: Naden nata, quequin Moises chiampid tantiaquin nasho Nuquin Papan ubitedi bëdambuen isec, quebuedi Esuquidistubëd cuëshëdsho Nuquin Papan mibi bëdambuen istiapimbo iquendac.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Timoteo 1 3:9

Nuquin Papan Chiaid tantiaquin ënenquio icquin Esus tantiec bëdambuec tabadquid nendac.

Timoteo 1 6:12

Utsibon chieshënaqui chieshtoenquio icquin Esus tantiaquiec bëdambo icta. Uënësash Nuquin Papabëd ënëdenquio yec tabadnuec adta. Nuquin Papan: Cun Mado Esus tantiaquiec uënësacsho ubëdi tabadmendambi, queshun Nuquin Papan tantiamiac mimbi Esus tantiabempondac. Adshumbic: Nuquin Papan Mado Esus tantiaquiembi, quequin matses dadpen mimbi tantiamepondac.

Timoteo 1 6:21

Aden icsambuen chuisho tantiashun: Abimbo caic, quequin utsin utsinquien Esus tantienquio yanondashe. Aidon chiaid tantienda. Chieshtoenquio icquin Esusquio chuibanta. Nuquin Icbon mibi bëdambuen isquin mibëd icquidotsen ma bëdambuen ispanuna. Adembidi matses tantiananquid icmeta, quequin mibitedi tantiaquin Nuquin Papa chiannembi. Amen. Aidted chuiquin dada uaombi.

Timoteo 1 6:9

Padnuen piucquid dadpen bedshun dayun uate bunquin badedi chieshtoquin Esus tantienquio yantsiash. Adshun Mayan Icsa Satanasën tantiamiacpaden abi bunaiduidquio bednuen mëmunenquio icquin icsambuen nabantsiash. Aden Nuquin Papan Chiaid niacniacquin icsambuen naic quenenash adenuidi naic uënësash mëyadtequid yacno nidendac.

Timoteo 2 2:18

Aidon Nuquin Papan Chiaidquio chienquio icquin muaquin chiec: Uënësabi icquin Esus tantiaquido yequi uincuenaidquio nuqui nec, quequin muaquin chuisho tantiashun utsin utsinquien Nuquin Icbon Chiaidquio tantienquio yanendac.

Timoteo 2 4:4

Pamumëdacbimbuecquin matsesën Nuquin Papan Chiaid tantienquio icquin tsusedpabon ambembi chiampidbëta ambembi chiaid utsi chuisho tantiendac.

Tito 1:9

Ambi tantiaid Nuquin Papan Chiaidquio utsi uainquiocquin tantiamequidquio nendac. Adquid icquin utsibo chieshtomenquio icquin tantiaquid icmenuen bëdambuen chuibanquid nendac. Tantiesabobi: Icsambuen naquid nebi, camenuen bëdambuen chuiquid nendac.

Ebedeo 3:14

Tauambuen nuqui Esus tantiabenondacpadombuen chieshtoenquio icquin tantiec uënësabi yacpadembi ënenquio icquin tantiaquido yec Esusbëd tabadtequido nuqui nendac.

Uan 1 2:19

Esuquidistu chieshënquido nuquibëd iccuededbuedi ënden nidanniac. Adquido yec nuquibëd icte bunenquiocquido nec. Esus tantiaquid iquec nuquibëd cuëshëdenquio ictsenosh. Adsho issun: Nuquibëd iccuededquid abitedi Esus tantiaquid nec, catiapimbo nuqui iquec.

Esusën Uan ismiaid 3:10

Umbi chiacpaden utsi uainquio icquin ubi tantiasho issun mibi cudasquin dayun uaindambi. Mayan Icsa Satanasën: Mibi icsamenu, quequin: Tannu, queshun natiamboshë icmendac. Adoshobi mibi cudasquin dayun uaindambi. Adembidi nidaid utsi utsiec yacno tabadquido abitedi natiamendac.

Esusën Uan ismiaid 3:3

Mimbi umbi naid chuibansho tantiabenondacpadombuen ubi padpiden tantiabenuata. Bëshunenda. Nëbi mibi icsaid ënshun umbi chiacpadombuen nauata. Isucunenquio yacbimbuen ubi padpiden tantienquio icshoembi mibi cuidendac. Ampequid choec, quequin tantienquio yacbimbuen tantienquio icsho mibi cuidtsiambique. Ubi tantiaquiota.

Esusën Uan ismiaid 3:8

Mimbi naidtedi tantiembique. Tantia. Chuinu. Mibi yacno umbi shëcuë shëcniaid utsibon shëcnandotiapimbo iquec. Adquid icnuc: Tantiatiapimbo iquebi, quenquio mibi iccoc. Adec chieshtoenquio icquin ubi tantiasho umbi mibi uidënquio icmiac umbi naid mimbi chuibanendac utsibon ënmetiapimbo icnuc. Mibi yacno ubi tantiaquido daëdpactsëc icnubi ubi mimbi tantiaquioc.