Timoteo 1 1:15 - El Nuevo Testamento en matsés

¹⁵ Tantia, mado. Naden chiaid abimbo iquec. Icsambuen nabuedombi abi tantiasho matses cuidmenquio icnuec Esuquidistu chopanëdash, quequin abitedishumbi tantiac bëdambo ictsiash. Utsibon Nuquin Papan Chiaid bëdiactsëc niac niacnubi umbimbo icsambuenshë naquin cumapenen niac niaccondambi.

Timoteo 1 1:15 ပူးပေါင်းရင်းမြစ်များ

Mateo 1:21

Adoshombic dada bacuë tishacsho Esus cuënta. Aidëmbi matsesën icsambuen naid bedshunquin Nuquin Papa aton matses cuidmenquio iquendac, quequin Esus cuënta, quequin Nuquin Papabëd icquidën Ose ushquin ismepanëdash.

Mateo 18:10

Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Mateo 18:11

Umbitsen aido tantiembi. Bënnudaid istuidacbimbuen ubi tantienquio icquidobi ubi tantiaquid icmeshun ubi yacno tabadmendambi, quiash matsesondabi, quepondash Esus.

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Mateo 9:13

Nuquin Papan naden chiampid tantiashun bëdambuen naic nid. Nuquin Papa bëdambuen ismequin nëish iuauidtsëqui pichicainquiocquin naden nata. Icsambuen naquido icsho issun uënësquio icquin bëdambuen ista, quequin chiampid tantiata. Ubien: Abibi mua uadec: Bëdambo icquid nebi, quequid chuinuecpenquio chondabi. Icsambuen naquidombo: Nuquin Papan Chiaid niacniaquec icsaquid nebi, quesho: Ubi tantiata, canuec chondabi, quepondash Esus.

Madcos 2:17

Adsho tantiashien Esus: ¿Nënenquio icquidta dauëchoquidën dauë menepadic? Padenquio. Nënquidien dauëchoquidën dauë menequid. Adquiecbidi: Bëdambocquid nebi, quequin ambibi tantiaquid icshodambi: Ubëd icquec cho ¿capadi? Padenquio. Icsambuen naquid nebi, quequiduidtsëqui chuiquin: Mimbi icsambuen naid ënta. Aden ënash ubëd icquid mibi iquendac, quequin chuinuec chopondabi, quepanëdash Esus.

Ducas 15:2

Adsho isash padiseobobëd Moisesën chiampid tantiamequido Esus tantiamenquio yec chushquec: Abi datsidadquido icsambocquido icsho cacunmenquio icquin aidobëtambi peshun Esusën aquec, quec cuëdcuededpanëdash.

Ducas 19:10

Adquid icnuc Matsesën Tishaid yec icsambocquid nibënquin istuidshun: Chian annëdënquiacno nësecanushe, queshun mënchicnuec chondash, quepanëdash Esus.

Ducas 5:32

Adecbidi: Nuquin Papan bëdambuen isaid nebi, quesho: Mimbi icsambuen naid ënta, quequin chuinuecpenquio chondabi. Padnuembi icsambuen naquido icsho: Mimbi icsambuen naid ënshun Nuquin Papa tantiabenta, quequin chuinuec chondabi, quepanëdash Esus padiseobo chiec.

Uanën dada uaid 1:12

Adquid icnubien utsibon: Nuquin Papan Madombo nec, quequin aid tantiabenquid icsho Nuquin Papan: Cun mado nec. Cun champi nec, capanëdash.

Uanën dada uaid 1:29

Badiadshun padpiden Uanën matses acten mentobanuapondash. Aden mentobannubien Esus chopondash. Chosho isashien Uan mentoquid nadpondash: Is. Nuquin Papan Chomiaid yec obecabimbuecquid choeque. Aidi matsesën icsambuen naid bedshunec abided cuidadec uënësendac.

Uanën dada uaid 12:47

Umbi aden chuisho tantienquio icquido nëbi cuidnu ¿quectabi icti? Padenquio. Nëbi Cun Pan bëdambuen isquin matses cuidenquio abëd tabadmete chuinu, quequini chondac.

Uanën dada uaid 3:36

Adoaid Aton Mado tantiaquido icsho Nuquin Papan abi yacno tabadmendac. Padnuen aton mado tantiesabo icsho Nuquin Papan abi yacno tabadmenquio icquin mëyadtequid yacno nidmequin cuidquiendac, quequin Uanën chuipanëdash.

Hechos 11:1

Adnubien Udea yacnoshon Esus chuibennequidobëtan Esus tantiaquid utsibon naden chuisho tantiapanëdash: Isadaidpembobi Esus tantiaquido yanac caosh, quequin chuisho tantiapanëdash.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 3:26

Aden Abadauan ambi chiampicpadquid aidën tsiuecquid Nuquin Papan Mado choacsho mimbi uënës uamepondac. Aden uënës uacsho Nuquin Papan uincuenmeshun nuquin matsesëmba ambi icsambuen naid ënsho ma ambi bëdambuen isaid icpanuna, quequin Petedon chuipanëdash.

Doma 11:14

Umbi mibitedi chuibanaid tantiash cun matses utsi utsiec: Esus tantiate bunebi, ma quenu, queshun mibitedi chiec nebi. Adshun Esus tantiabensho aidotsen Nuquin Papan cuidenquio icquin bëdambuen isquin abëd tabadmendac.

Doma 5:6

Nuquitedi icsaquido yec Nuquin Papa yacno tabadtapimbo icpondac. Adec matses abitedi icsambuec tabadsho Nuquin Papan uesquin cuidtsennubi abi tantiaquido cuidmenquio icnuec abided cuidadec Esus uënëspanëdash.

Codinto 1 15:9

Esusën: Ubi chuibenneta, caid utsibo chuiquidquio icnubi ubi adquidpenquio nebi. Adquid icsho Esusën: Ubi chuibenneta, caid nec, ubi cainquio ictiadquidi nec. Esus tantiaquido chieshënquin cuessunnepadennembi.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Timoteo 1 1:13

Ënden Nuquin Papan Madopenquio danquin tantiesa icquin Esus icsambuen chuishunondambi. Abi tantiaquido chieshënquin cuessun secate bunquiondabi. Aton Mado Esus tantiasho Nuquin Papan ubi bëdambuen istsiash, quenquio icquin adopondambi. Adshobini: Pabadon abimbo tantiabi iquec, queshun Nuquin Icbon umbi icsambuen naid bëshunquin cuidenquio icpondashi.

Timoteo 1 1:19

Adquid icquin Nuquin Papan Chiaid niaquenquio icquin Esus tantiaquiec bëdambuec tabadta. Utsiboen cano cuëshnudtannuc ampaëdacbimbuec: Adec icsambuec tabadtsiabi, quebuedëmbi Nuquin Papan Chiaid niac niacquin Esus tantienquio yanosh.

Timoteo 1 3:1

Tantia. Utsitsen mibi chuinu. Esus chuibanquid ictiadquio iquebi, quesho: Mibi bëdambuen nate bunec, cata.

Timoteo 1 4:9

Umbi aden chuisho tantiashun: Abimbuen caic, quequin Esus tantiaquido icquin tantiata.

Timoteo 1 6:13

Tiboquequidtedi uaquidënquio Nuquin Papan nuqui iseque. Adembidi: Adquid nebi, quequin chuiquid tapa Ponsio Pidato chiec dacuëdenquio icnëdaidën Nuquin Icbo Esuquidistuntsen nuqui iseque. Aid tantiaquin chieshtoenquio icquin Aidën naidquio chuibanta.

Timoteo 2 2:11

Naden abimbo chiaidquio tantiash chieshtoenquio iquebi: Nuquin Icbon chiacpadombuen naquid chieshëmënquidën uënës uacsho Nuquin Icbon abi yacno abëdi tabadmendac.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.

Uan 1 3:5

Adquid icnuc Esuquidistu matsesash nuqui icsambuen nabanaidtedi bedshunec abided cuidadec uënëspanëdash, quequin mibitedishun tantiec. Adembidi icsambuen naisambo Esuquidistu nec, quequin mibitedishun tantiauaic.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Uan 1 5:11

Nuquin Papan Chiaid nad iquec: Cun mado tantiaquido ënëdenquio yec ubëd tabadtequido iquendac, quequin chiaid iquec.

Esusën Uan ismiaid 21:5

Adnubien Nuquin Papa aton tsadte dapan tsadquid nadec onquedoposh: Aden abitedimbo utsi uaquin chuca uaindambi, queposh. Adshumbic naden chuiposhi: Umbi muesambo icquin abimbo chiaid tantiatequidquio neque. Dada uata, queposh.

Esusën Uan ismiaid 22:6

Adshumbic Nuquin Papabëd icquidën naden chuiuaposhi: Muesambo icquin umbi abimbo chiaid tantiatequidquio nec. Nuquin Papan Nuquin Icbombo icquin aton Mayanën tantiamiac: Iuecash nadquid iquendac, quequin ambi oncamiaido Nuquin Papan chuimepampic. Adembidi Nuquin Papa nashunquido abimbo chuiquin dadpen ismebanombi. Nëbi nadquid iquendac. Iuecash utsi nadquid iquendac, quequin tantiamenuen mibi ismebanombi, queposh Nuquin Papabëd icquid.

Esusën Uan ismiaid 5:9

Adashic nadec cuëdënte chucan cuëdëncuededposh: Mimbiuidtsëqui Nuquin Papan sananaid dada uaid bedshun bitaccaid chicquin isbanquin Nuquin Papan chiacpadombuen namendac. Nuquin Papan chiacpadec matses cuidmenquio icnuec mibided cuidadec intac chididiquenuc uënës uaondaid mibi nec. Nëbi icsambo icbuedombi abi icsaid bedshunquid tantiasho Nuquin Papan bëdambuen isendac nëidtedi: Nëidic matses utsibo dadpenquio. Nëidic onquete utsin utsinquiec onquequido. Nëidic shubu daëdpactsëcquido utsi utsiec yacnocquido. Nëidic nidaid utsi utsiec yacno tabadquido. Aidtedishun abi tantiasho Nuquin Papan bëdambuen isendac.