Timoteo 1 1:13 - El Nuevo Testamento en matsés

¹³ Ënden Nuquin Papan Madopenquio danquin tantiesa icquin Esus icsambuen chuishunondambi. Abi tantiaquido chieshënquin cuessun secate bunquiondabi. Aton Mado Esus tantiasho Nuquin Papan ubi bëdambuen istsiash, quenquio icquin adopondambi. Adshobini: Pabadon abimbo tantiabi iquec, queshun Nuquin Icbon umbi icsambuen naid bëshunquin cuidenquio icpondashi.

Timoteo 1 1:13 ပူးပေါင်းရင်းမြစ်များ

Ducas 12:47

Adembidi aton icbon chiaid tantiaquimbi ambi chiacpaden nabanesa icsho issun: Cumapenen cuesta, cac iuen cuesendac.

Ducas 23:34

Adoac diadequi Esus nadpanëdash: Papa, ubi uënës uanuequidon tantienquio icquin cueste napotiaidën dectanoshibique. Nëidon icsambuen naid tantienquio yec bëshunta, quequin Nuquin Papa chuipanëdash. Adnubic: Esusën dashcute bednu, quequin sondadobon abi cuëmëdquidtedi dada uashun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Hechos 22:4

Aden nabanquid icquimbi ënden Esus tantiaquido cuessun secate bunquin dadabobëta chidobo bedmeshun mëyanmequin quënën tsadunmepondambi.

Hechos 3:17

Cun matses isadaidbo mibitedi neque. Tantia. Chuinu. Nuquin Papan Chomiaidquio nec, quequin tantienquio icquin min chuiquidobëtan mibitedishun Esus uënës uamiondac.

Hechos 8:3

Adnubien Esus tantiaquidtedi chieshënquin Saudon shubun shubunquiec puduedcuennequin dadabëtabi chido bedmeshun quënën tsadunmebampanëdash.

Hechos 9:1

Adnubien Edusaden yacnouësh Esus tantiaquid utsi utsiec niquenubi Saudo Edusaden yacno tabadpanëdash. Ambo tabadec chushquec Esus tantiaquidtedi cuessunnemete bunec nëish iua cuessunneshun pichicaquidon chuiquid tapambo yacno nidash:

Hechos 9:13

Adoaquien: Cun matses dadpenshun Saudon icsambuen nabanaid chuibansho tantiombi, Icbo. Aidëmbi Edusaden yacnoshon mibi tantiaquido mëyanmiac caosh.

Hechos 9:5

Adoaquien Saudon: ¿Tsutsi ne? caquien: Mimbi chieshënquin mëyanaid Esus nebi.

Codinto 1 15:9

Esusën: Ubi chuibenneta, caid utsibo chuiquidquio icnubi ubi adquidpenquio nebi. Adquid icsho Esusën: Ubi chuibenneta, caid nec, ubi cainquio ictiadquidi nec. Esus tantiaquido chieshënquin cuessunnepadennembi.

Codinto 1 7:25

Chidobotedi dadan bedabicquidobëta dada chido bedabi icquido tantiaquin naden chuita. Nuquin Icbon: Adquido aden chuita, quequin chiabi iccoshi. Adquid icshobi Nuquin Papan ubi bëdambuen isquin bëdambuen tantiamiaid icquin umbi tantiacpaden chuisho tantiashun: Abimbo chiec nec, quequin tantiata.

Cadasia 1:13

Ënden umbi cun matses isadaidbon chiacpadombuenuidi naondaid mibitedishun tantiec. Adec isadaidbombo icquin Nuquin Papan tantiamiaido Esus tantiaquido cumapenen chieshënquin nibëdquio icnuc cuessun secate bumpadennebi.

Pidipos 3:6

Adquid icquin Moisesën chiampiduidi nate bunquin icsambo icquido danquin Esus tantiaquido cuessun secamete bunquiondabi. Aden nasho ubipadquid utsibon: Mimbi icsambuen naic, catiapimbo iccondashi.

Timoteo 1 1:16

Aden iuen icsambuen naquid icshobi Nuquin Papabëtan Cun Icbo Esusën baded cuidenquio icquin abibi tantiamequin bëdambuen isbempondashi. Pabado bëdambuen isaid chiac utsibo: Pabado icsambuen naquid icshobi Nuquin Papan bëdambuen isbenac. Adembidi Esus tantiasho Nuquin Papan ubitsen bëdambuen isendac, quequin ubi bëdambuen isaid tantiendac. Adquid uënësacsho ubi yacno tabadmendambi, queshun abi tantiamequin Esusën bëdambuen isbempondashi.

Ebedeo 4:16

Adquid icnuc tantianquidquio yec Nuquin Papa abitedishun Icbombo yec aton tsadte dapan tsadacno choec puduedshun chiacbimbuen: Ubi cuidenquio icquin bëdambuen ista, quequin Nuquin Papa chiannenuna. Adembidi natiamiantequid icnuc Abi chiannesho tantiashun Nuquin Papan nuquitedi chieshtomenquio icquin nashunquin dayacquio icmendac.

Petedo 1 2:10

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.