Tesadonica 2 3:2 - El Nuevo Testamento en matsés

² Adembidi Esus chuibansho issun abi chieshënquidon: Pabado mëyannu, casho mëyanmenda, Papa, quequin ubitedi tantiaquin Nuquin Papa chianneta.

Tesadonica 2 3:2 ပူးပေါင်းရင်းမြစ်များ

Mateo 17:17

Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Mateo 23:23

Moisesën chiampid tantiamequidobëd padiseobo bëdambocquid danmianquido yec icsamboquido icsho Nuquin Papan cuidtequidombo mibitedi nendac. Nuquin Papan Chiaid abentsëqui tantiactsëcquin min tiedën icquid menta caid yec anis caid yec comino caid yec quequin bedshun 10ted icnuc tambanquin sanshun abentsëc bedtednequin Nuquin Papa mimbi menepec. Aden menequid icquimbi mimbi Nuquin Papan Chiaid utsi dadpen niacpec. Chieshëmënquid icbuedi: Umbi icsambuen naid tantienquio yec bëshunta, quequin chiaqui mibi bëshuntiapimbo iquec. Adembidi bëdambocquidi mua uaquin mimbi cuidte chuiquid icsambuen cuidmec. Nuquin Papa tantienquio icquin ambi chiacpadombuen min tiedën caniquid pistsëc musucshun menequid icquimbi Ambi Chiaid utsi abitedi natiadquidi ma mimbi nainquio icpaboc.

Ducas 18:8

Ai, aidën chiacpadombuen badedquio cuidendac. Adquid icnuc Matsesën Tishaid yec choshon ¿adambi ubi tantiaquin cainquidombo istuidpendac? quepanëdash Esus.

Hechos 13:45

Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.

Hechos 13:50

Aden chuibansho tantiashumbien: Pabado icsambocquid nec, quequin isadaidbon chuiquidon nidaid Pisidia yacnocquid shubu dadpen icquid Antioquia yacnocquidon chido bëdambocquid yec Nuquin Papa tantiaquidobëta ambocquidon chuiquid tapabo nëishmeshun Pabadobëta Bednabe mëyanmetanquin ashunquio cuenmepanëdash.

Hechos 14:2

Aido Esus tantiaquid yannubi isadaidbo utsibon Pabadon chuibanaid tantiatiapimbo icquin Esus tantiaquido muaquin chuiquin isadaidbopembotsen nëishmepanëdash.

Hechos 17:5

Aden Pabadon chuibanac Esus tantiaquid dadpen yansho isashien isadaidbo utsibo nëishshun abembi capuquido tantiesabo icsambocquid dadpen iccuededmequin aidotsen chuiquin nëishmiac natia chushquecuededpanëdash. Adec chushquecuededsho tantiashun Pabadobëta Sidas bednuec Pabado ushacno Ason cuëmëdquidën shubun puduedpanëdash.

Hechos 25:27

Aidën icsambuen nabanaid chuitequid nibëdnuc ¿atotsimbi chuipe? Chiambobi buanmiac icsambo ictsiash, quequin Ueston chuiquid Aquidipabëta abëd iccuededquido chuipanëdash.

Hechos 28:24

Aden chuibansho tantiash utsi utsiec: Abimbo caic, queshun Esus tantiabennubi utsi utsiec: Aidën chiaid tantiatiapimbo iquebi, quepondash.

Doma 10:16

Adquidën Esusën naid chuibanac abitedishun tantienquio icnubi daëdpactsëcshun tantiec. Naden Isayasën chuipampic: Icbo ¿tsuntsin nuqui chuibansho tantiapec? quequin chuipampic.

Doma 15:31

Udea yacno nidsho Esus tantiesabon cuesnushe. Dayun uata, quequin Nuquin Papa chianneta. Adembidi umbi piucquid buanaid Edusaden yacnocquid Esus tantiaquidon bedenquio icnushe. Bëdambuen bedmeta, quequin Nuquin Papa chuita.

Codinto 1 15:32

Epeso yacnoshon chuibansho chieshënquin ubitedi bëdi tëbuchoquidën icsa uatsenondashi. ¿Ambembi chuibanquidtabi nedi? Adquid icquin chuiquin ëntsenondambi. Adecbidi uincuente nibëdnuc matsesën chiacpaden: Badiadash uënësash nibëdquiec iquebi, quequin tantiaquin nua peshun nua acte paë uaid aquembi, quequin chuitsenombi.

Tesadonica 1 2:18

Adec: Padpiden istannu, quesho Mayan Icsa Satanasën nac padenquio iccondabi. Padpidec: Nidnu, quesho adembidi. Padpidec: Nidnu, quesho Mayan Icsa Satanasën nacbidi padenquio iccondabi. Nëbi adecbidi mibi istantiadquio iquebi.

Timoteo 2 4:17

Nuquin Icbombini nianenquio icpondash. Isadaidpembo matses utsibo yacno nidshun ma Esus abided cuidadec uënës uaid tantiate chuibannu, quequin cuesambo icmepondashi. Adondaid icshobini chieshëmënquidon: Cuessunnenu, cauidpondash. Adshobini bëdi tëbuchoquid tapan bedacsho mënchicacbimbuen Nuquin Icbon nac aid matsesën cuessunnenquio icpondashi.