Tesadonica 2 3:1 - El Nuevo Testamento en matsés

¹ Tantia, cun utsibo. Mibitedi ënquin chuinu. Ubitedi tantiaquin Nuquin Papa chianneta. Nidaid utsi utsiec yacno nidmeshun Pabadobëta abëd nidquido Esusën naid matses dadpenquio bëdambuen chuibanme. Mimbi bëdambuen chuimiac ubitedishun Esus tantiabenondacpadombuembidi ma utsibontsen dadpenshun Esus tantiabennu, quequin Nuquin Papa chianneta.

Tesadonica 2 3:1 ပူးပေါင်းရင်းမြစ်များ

Mateo 9:38

Naden Nuquin Papa chianneta: Matses dadpenshunquio mimbi bëdambuen iste tantiabi iqueque. Ma tantiabennu, Mimbi Chiaid Bëda chuibanquido dadpen icmeta, Papa, quequin chianneta, quequin Esusën chuipondash.

Ducas 10:2

naden chuipanëdash: Pete nitsinaid sinaid dadpenquio icnubi aid bedquid daëdpactsëc iquec. Adacbimbuec Nuquin Papan Chiaid chuibanquid daëdpactsëcquio icnuc matses dadpenquio iqueque. Naden Nuquin Papa chuita. Mimbi Chiaid Bëda chuibanquido dadpenquio icmeta, Papa, quequin chianneta, quepanëdash.

Hechos 12:24

Adnubien Esus chuibennequidon nidaid utsi utsiec yacno nidanneshun Nuquin Papan Chiaid chuiban chuibanac Esus tantiaquid utsi utsiec dadpen yampanëdash.

Hechos 19:20

Adec Esus tantiaquid yansho issun Esus tantiaquid utsibon shubu dadpen icquid utsi utsiec yacno nidshun dacuëdenquio icquin Esusën naid chuibenniac utsi dadpen Esus tantiaquid yampanëdash.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Doma 15:30

Tantia, cun utsibo, Nuquin Icbo Esuquidistun aton Mayambëtan tantiamiacpadec utsibobëd tantiananec bëdambuec tabadquido nuqui neque. Icsamianquidën dëniacnushe, queshun ubi tantiaquin ënenquio icquin Nuquin Papa chianneta.

Codinto 1 16:9

Ambo Nuquin Papan Chiaid tantianu, quequid dadpen iquec. Adsho badedbadedquien: Ma tantianu, queshun Esuquidistu chuibansho tantiaquid icnubi utsibo ubi chieshënquido nëmbo dadpen iquec.

Codinto 2 1:11

Ubitedi nashunquin mibitedishun chiannesho tantiashun Nuquin Papan mënchicaid nebi. Aden: Cuessunnenu, quesho tantiashun mimbi Pabado mënchiccoc. Adquid yec mibi bëdamboshëcquid nec, Papa, quequin ma dadpenshun abi nashunaid chuipanuna.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Codosas 4:3

Adembidi ubitedi tantiaquin Nuquin Papa chianneta. Ënden mimbi matses tantiamenquiocnëdaidi Esuquidistu chuibanquin ma utsibo tantiamequin bëdambuen chuibennenu, quequin Nuquin Papa chianneta. Aden chuibennesho bedshun quënën tsadunaid nebi.

Tesadonica 1 1:5

Chiaid Bëda Esusën naidquio mibitedi chuibanondambi. Chuiquinuidtsëqui chuibanenquio icquin Nuquin Papan Mayan Bëdan nadatiambocquin namiac umbi nabansho issun: Abimbo caic, queshun mimbi Esus tantiabenondac. Aden Esus tantiamenuec mibitedibëd ubitedi bëdambuec tabadsho issun: Aido abimbo chuibanquido nec, queshun umbi chuisho mimbi tantiondac.

Tesadonica 1 1:8

Adash mibëd icquido Esus tantiaquido mibi yacnouësh nidshun Esus chuibennepanëdash. Aden nidaid Masedonia yacno nidshun chuibanshumbic nidaid cuëshë Acaya yacnotsen nidshun chuiuashumbic nidaid utsi utsiec yacno nidshun Esus chuibennepanëdash. Aden chuibenniacnoshon tantiombi. Tesadonica yacnocquido Nuquin Papa tantiaquidombo nec, quequin chuisho tantiashun mibitedishun naid umbitsen chienquio iccondambi.

Tesadonica 1 2:1

Cun utsibo, mibitedi yacno tauambuec abembi mibi isec nidambo iccondambi. Adenquio icquin umbi Esus chuibansho mimbi tantiabenondac.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Tesadonica 1 4:1

Tantia, cun utsibo. Bëdambo mibi iquec, Nuquin Papa camenuec bëdambuec tabadta, quequin umbi chiondacpadquiequi tabadta. Nuquin Icbo Esus tantiaquiec adec tabadta. Bëdambuec tabadosh, quesho tantiashun: Adquiequi tabadta, mibitedi caimbi.

Tesadonica 1 5:17

Adembidi ënenquio icquin Nuquin Papa chianneta.

Tesadonica 1 5:25

Cun utsibo, ubitedi tantiaquin Nuquin Papa chianneta.

Timoteo 2 2:9

Aden Chiaid Bëda Esusën naid chuibennequidquio icsho chieshënquin bedshun cuessunnianquid uidën uacbimbuen shocosh bucu nacnenaidën mëtaniac mëyadebi. ¿Ubi aden uidënuaquin mëtaniacpadenda Nuquin Papan Chiaid uidën uapadic? Padenquio.