Tesadonica 2 2:3 - El Nuevo Testamento en matsés

³ Aden muaquin chiaid tantiash: Abimbuen cachitec, quequin tantienda. ¿Nuquin Icbobada chopadic? Padenquio. Icsamboshëcquidoba choendac. Nuquin Papa caidën chiaid tantiatiapimbo iquebi, quec matses icsambuec tabadnubien Nuquin Papa chieshënquidquio icsamboshë icquidba choash matses abitedishun chuiquid tapa iquendac. Aid Nuquin Papan cuidtequidquio nendac.

Tesadonica 2 2:3 ပူးပေါင်းရင်းမြစ်များ

Uanën dada uaid 17:12

Mimbi nadatiambocquin namiac ubëd icquidobëd icquin mimbi chiaidquio bëdambuen chuibanquin chieshtomiambo iccombi. Aden bëdambuen dayun uaquin aido Mayan Icsa Satanas iuamiambo iccombi. Udas abentsëquien ubi tantiesa yanosh. Mimbi chiaid tsusedpan dada uaquin chiampicpadombuen ubi chieshënquido bedmenuec Mayan Icsa Satanasën iua Udas yanosh.

Codinto 1 6:9

¿Icsambuen naic tabadquido Nuquin Papan namiacno tabadtiapimbo iquec, quequin tantienquioda mimbi icpe? Mua uadenda. Nadquidtedi Nuquin Papa yacno tabadtiapimbo iquendac. Nëidic piucquid bedec chudadquido. Utsibic ambibi nacnenshun papa caquin tantiaquido. Utsibic aton bënëpenquio chudmequido. Utsibic aton chidopenquio chudquido. Utsibic chido daëdi dachudnanquido. Utsibic dada daëdi chichudnanquido.

Epeso 5:6

Muaquin ambembi chiec onquiaid tantiesa icta. Adquid ambi chiacpadombuen naisa icsho Nuquin Papan cumapenen cuidendac.

Uan 1 2:18

Tantia. Cun bacuëbobimbuecquido icsho mibitedi padpiden chuinu. Nëbi nëid nidaid naimëdbudendac. Adec naimëdbudabicnuc Esuquidistu chieshënquidquio icsamboshëcquid choendac, quequin chuibansho mimbi tantiondac. Adecbidi Esus chieshënquidombo utsibo dadpenquio chochoacsho issun: Nëbi nëid nidaid naimëdte yanec, quequin nuqui tantiendac.

Uan 1 4:3

Aden chuibanesa Nuquin Papan Mayanën tantiamiacmaid nendac. Adquid icquin Mayan Icsa Satanasën namiaid icquin Esus chieshënquidquio nec. Adec chieshëmënec icsamboshëcquidquio choendac, quequin chuisho mibitedishun tantiondac. Adquid chieshëmënquido nidaidën nëbi abi iquec.

Esusën Uan ismiaid 17:11

Bëdi dapabimbuecquidën mapi 7ted icquid ënden ictennedi nëbi nibëdec. Uënësnëdaidi choashic umbi ismebued acte ëquëducuësh chobuedquiobidi padpidec chuiquid tapa icsamboshëcquidquio 8 icquid aid nendac. Adquid icquin umbi chuibued chuiquid tapabo 7tedshun namiacbimbuen aton matses icsambuenshë tabadmendac. Adosho issun iuecshun cuidquin nibëdanmequiendac.

Esusën Uan ismiaid 17:8

Mimbi isbued bëdi dapabimbuecquid ënden ictennedi nëbi nibëdequi iuecash aidquiobidi abi tabadaid nidaid shëcuë ëquëducuësh padpidec choendac. Adacsho iuecshun cuidquin nibëdanmequiendac. Aden nibëdanmiabi icnubi ëndenquimbo nidaid uabi Nuquin Papan tantiampicpaden abëd tabadmetequido aton cuëmëdquid dadauate dapan dada uaid icnubi utsibo aton cuëmëdquid aid dada uaten dada uambo icquido nidaidën tabadquido tantiadempambo yec tabadendac aid bëdi dapabimbuecquid isash, queposh Nuquin Papabëd icquid.