Tesadonica 2 2:12 - El Nuevo Testamento en matsés

¹² Aden Ambi Chiaidquio tantiatiapimbo icquin aid niacniaquec icsambuen nateuidi bunsho Nuquin Papan cuidquiendac.

Tesadonica 2 2:12 ပူးပေါင်းရင်းမြစ်များ

Madcos 14:11

Adec nidshun: Esus mibi bedmembi, quequin chuituidac aido cuishonquecuededpanëdash. Adshumbic Udas chuiquin: Ubi Esus bedmesho issun mibi piucquid menembi, cabededpanëdash. Adsho tantianec nidquimbi: ¿Mitsishunquiembi utsibo ismenquio icquin Esus bedmepeba? quequin tantiapanëdash Udasën.

Madcos 16:16

Aden chuisho tantiaquid: Ubi cuidenquio icnuen Esusded Nuquin Papan cuidpanëdash. Adoaid tantiaquin: Umbi icsambuen naid ënnu, quequin ismequin acten mentomequid icsho Nuquin Papan abi yacno puduedmendac. Ubi tantiesain Nuquin Papan abi yacno puduedmenquio icquin cuidendac.

Uanën dada uaid 3:36

Adoaid Aton Mado tantiaquido icsho Nuquin Papan abi yacno tabadmendac. Padnuen aton mado tantiesabo icsho Nuquin Papan abi yacno tabadmenquio icquin mëyadtequid yacno nidmequin cuidquiendac, quequin Uanën chuipanëdash.

Doma 1:32

Aidotedi ambi icsambuen naid ëntiapimbo icquido uënësacsho ënenquio icquin cuidacno nësecaindac, quequin Nuquin Papan Chiampid tantiequi ënëdenquio yec icsaded icsadedquiec. Utsibontsen icsambuen nasho isash cuishonquec: Bëdambo iquec, quepec.

Doma 12:9

Muainquio yec utsibobëd tantiananquiota. Icsambuec tabadte bunenquio yec bëdambuec tabadta.

Doma 2:8

Icsambuen naquidoen Nuquin Papan Chiaid chiaqui tantiate bunenquio icquin abi bunaiduidi naic icsambuec tabadsho Nuquin Papan nëishënshun cumapenen cuidendac.

Codinto 1 13:6

Adecbidi utsibon mua uaquin chiac cuidte chuiquidën cuidacsho isash cuishonquesa nec. Bëdambuen chuibanec onquesho tantiash: Abimbo chuibanquid nec, quiash cuishonquequid nec.

Tesadonica 1 5:9

¿Cuidnuenda Nuquin Papan nuquitedi Esus tantiamediac? Padenquio. Abëdi tabadmenuembien Nuquin Icbo Esuquidistu nuqui tantiamiac.

Tesadonica 2 2:10

Adec icsauidequi tabadquid yec cumapenec muaquin ismedednesho isash: Abimbo caic, quependac Esus tantiesabo Nuquin Papan ënenquio icquin cuidtequido yec. Aidon Esus chuibanquidën: Nuquin Papa yacno tabadte iquec, quequin abimbo chuisho pamumëdacbimbuen tantiatiapimbo icquin ambembi muaquin chiaiduidtsëqui tantiendac.

Petedo 2 2:3

Muaquidon chuisho tantienda. Aidon piucquid cumapenec bunquin aid dadpen bedquimbi ambembi chiaidquio mibitedi chiec. Muasho tantiashun ambi ëndenquimboshë tantiampicpadombuen aido cumapenen Nuquin Papan cuidtequidombo nendac.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.