Tesadonica 2 1:12 - El Nuevo Testamento en matsés

¹² Aden mimbi Cun Icbo Esuquidistubëtan bëdambo icmiac Esus tantiec bëdambuec tabadtsiash. Adec bëdambuec tabadsho isash utsibo mibi caic: Abi tantiaquid icsho Esusbëtan Nuquin Papan aden bëdambuen tabadmec. Aton Icbo Esuquidistubëd Nuquin Papa bëdamboshë iquec, quendac utsibo, quequin Nuquin Papa chiannembi mibitedi tantiaquin.

Tesadonica 2 1:12 ပူးပေါင်းရင်းမြစ်များ

Uanën dada uaid 17:10

Ubi tantiaquido yec mibi tantiaquido nec. Adquido icquin: Mibi bëdambo iqueque. Cun Icbo canu, queshun mimbi chiacpadec bëdambuec tabadquin utsibo ubi tantiamec, Papa.

Codinto 1 1:4

Mibitedi tantiaquin ënenquio icquin Nuquin Papa naden chiannembi: Mibi bëdambocquid nec. Adquid icquin mimbi tantiamiac Esuquidistu tantiasho bëdambuen isquin bëdambo icmeta, Papa, quequin mibitedi tantiaquin chiannembi.

Codinto 2 13:4

Aidi nadatiambocquid icbuedi matses yec uidëmpentsëcquio icsho cueste napotiaidën dectanac uënëspanëdash. Adoacsho Nuquin Papan uincuenmiac uënësesa yampanëdash. Aid tantiaquidquio icquimbi umbibi nadatiambocquin nabantiapimbo icshobi abi chuibanquid Nuquin Papan icmiondashi. Adembidi abëd abentsëc yacbimbuecnuc icmequin mibitedi nashunquid icmiondashi.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Pidipos 3:9

Esuquidistubëd daëdash aidbëd abentsëc yacbimbuecquid nebi. Adquid yec Moisesën chiampicpadombuen naquin aidën chiacpadombuen nainquio icchitembi, quequin tantiec nadondabi. Nuquin Papambien Esuquidistu umbi tantiasho ubi bëdambuen isquin ambi chiacpadombuen ubi namec, quequin tantiabenondambi.

Tesadonica 2 1:10

Aden ambi icsambuen naquido cuidte uëshëmbi Esus chosho isash abi tantiaquido: Ubi cuidmenquio icnuec abided cuidadaid Nuquin Icbo bëdamboshë iquec, quequin aton Icbo isec tabadendac. Umbi Esus chuibanac aid tantiabenondaido icquin mimbitsen Esus chosho isendac.

Tito 2:11

Matses abitedimbo bëdambuen iste bunquid icquin Nuquin Papan: Ubëd tabadtequid icmenu, quequin matsesën icsambuen naid bedshunash cuidadtequid icmenu, queshun Esuquidistu chomepanëdash.

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.

Esusën Uan ismiaid 1:4

Nidaid cuëshë utsi Asia caid yacno tabadquin Esus tantiec iccuededquidon iste dada uaic nebi. 7tedi shubu dadpen icquid yacno yacnombuec Esus tantiec iccuededquido icsho mibi tantiembi, quequin chuiquin dada uaic nebi. Ambi chiampicpadombuen Nuquin Papan bëdambuen isquin mibi bëdambo icmendac. Nidaid uabi iquequi ëndenquimboshë icpampidi nëbi abi icquid yec nibëdantiapimbo icquid Nuquin Papa nec. Nëbi adquid iquequi choendac. Adembidi aton Mayan 7tedshun aton tsadte dapan tsadsho abi bëisec tabadquidën ma mibitedi bëdambo icmepanuna, quequin tantiembi.