Tesadonica 1 5:15 - El Nuevo Testamento en matsés

¹⁵ Utsin icsambuen chuishunquin chieshënac cuidnante bunsho: Padi. Esus tantiaquid adesa neque. Bëdambuec tabadnuna, cata. Mibëtan Esus tantiaquidobëd bëdambuec isnanquin utsibotsen bëdambuen ista.

Tesadonica 1 5:15 ပူးပေါင်းရင်းမြစ်များ

Mateo 5:39

utsitsen chuinu. Tantia. Mibi chieshënquin icsa uaquid cuidenda. Mibi icsambuen chieshënquin tancuesquid cuidenquio yec: Në utsiuctsen na, quequin bëdambuen nata.

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Hechos 16:28

Adsho istanec Pabado: Quënën tsadunaidtedi nëmbo iquebique. Seshunniadenda, quec cumapenen cuëmpanëdash.

Doma 12:9

Muainquio yec utsibobëd tantiananquiota. Icsambuec tabadte bunenquio yec bëdambuec tabadta.

Doma 14:19

Adquid icnuc aidën chiacpadec chieshëmënenquio yec bëdambuec tabadnuna. Esus tantiec chieshtoenquio yec bëdambuec tabadnuna, quec chuinannuna.

Codinto 1 14:1

Utsibobëd tantiananquin nabante bunquidquio icta. Adembidi: Min Mayanën namiaid icquin chuibante bunquiebique. Ubi tantiame, quequin Nuquin Papa chianneta. Adembidi: Min Mayanën namiaid icquin mimbi iuecshun natequid chiaid tantiaquin chuibante bunquiebique. Ubi adquid icme, quequin chianneta.

Codinto 1 16:10

Mibi yacno Timoteo nideque. Nidacsho bëdambuen ista. Ubipadquid yec Nuquin Icbon namiaidquiobidi Timoteo nec.

Codinto 1 6:7

Nëishnanash chushcananenquio ictiadquidi mibëtan Esus tantiaquidobëd chushcananec mibitedi icsambuec tabadec. Esus tantiaquid utsin mibitedi icsambuen chuishunac ¿atotsi quiash ëcbedenquio icquin mëmuntiadquidi nëishash mibi chushcanampe? Adembidi utsin ampeshunac ¿atotsi quiash: Ma ampenu, quetiadquidi nëishash mibi chushquepe?

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Epeso 5:15

Adquid icmiac bëdambuen naic tabadta. Tantiesan nacpadombuen nabanec tabadenda. Adec tabadenquio yec bëdambuen tantiaquido tabadacpadec tabadta.

Epeso 5:33

Tantia. Mibitedi chuinu. Mibibi datantiadacpadombuen min chido bëdambuen tantiaquiota dadan. Adembidi aton chido icquin min bënë bëdambuen isquin aidën chiacpadombuen nata.

Tesadonica 1 2:12

Nuquin Papan: Bëdambuec tabadquid icmeshun umbi namiacno bëdamboshëcquid yacnombo tabadtequid icmembi, quequin Esus tantiamiaido mibitedi nec. Adquido yec Nuquin Papa bunacpadec bëdambuec tabadquid neque. Ambi Chiaid niaquenquio yec bëdambuec tabadnuna, quequin mibitedi chuidenniondambi.

Tesadonica 1 5:21

Adoenquio icquin: ¿Nuquin Papan Chiaidquiobida chuibaneque? Tantiabono, cata. Aden tantiashun Nuquin Papan Chiaidquio isbanta. Aden isbanshun abimbo chiaid icsho issun: Ai, Nuquin Papan Chiaidquiobi chiec niosh, quequin aidën chuisho bëdambuen tantiata.

Timoteo 1 6:11

Mibi Nuquin Papa tantiaquidquio neque. Cuenacbimbuen icsambuen nateuidi bunenquio yec bëdambuec tabadte bunquiota, mado. Mëyadtequid icnubi Nuquin Papan Chiaid niaquenquio yec chieshtoenquio icquin Esus tantiata. Matsestsen tantiec chieshëmënenquio yec bëdambuec tabadta.

Timoteo 2 2:24

Nuquin Papan Chiaid chuibanquid utsibëd chushcananenquio icquid nendac. Chieshëmënenquio icquin aton matses bëdambuen isquid nendac. Adembidi nëishenquio icquin Nuquin Papan Chiaidquio bëdambuen tantiamequidquio nendac. Badedi chieshtoenquiocquid nendac.

Tito 3:2

Adembidi: Utsi icsambuen chuishunec onquenda. Adecbidi: Utsibobëd tantiananec bëdambuec tabadec menenanta. Adembidi: Umbi tantiacpadombuenuidi nata, quenquio icquin utsibon chiaidtsen tantiaquin nabanta, quequin chuibanta.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Petedo 1 2:17

Matses abitedi bëdambuen ista. Mibëtan Esus tantiaquido tantiaquiota. Nuquin Papa bëdamboshë iquec, quequin aid tantiec bëdambuec tabadta. Nuquin matses iuaquid chuiquid tapambo empededod caid bëdambuen isquin aidën chiacpadombuen nabanta.

Petedo 1 3:9

Chieshënac cuidnanec chieshënnanenda. Chieshënquin icsambuen chuishunac cuidnanec icsambuec chuishunnanenda. Adenquio icquin aido bëdambuen ista. Umbi bëdambuen isaidon ma aton matses bëdambuen isnu, queshun Nuquin Papan abi tantiaquido mibi icmiaque. Bëdambuec tabadta.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.

Esusën Uan ismiaid 22:9

Adshobini: Padi, Aden ubi ismenda. Mibi padquid Nuquin Papan iuabidi nebique. Ëndenquimboshë Nuquin Papan oncamiampido min tsusedpabo isadaidbo aidën iuabidi nepampic. Nëbi umbi ismebued tantiaquin Nuquin Papan chiacpadombuen naquido aton iuabobidi neque. Nuquin Papauidtsëqui tantiaquin aden ismeta, caposhi Nuquin Papabëd icquidën.