Tesadonica 1 5:11 - El Nuevo Testamento en matsés

¹¹ Umbi aden chuisho tantiashun mimbi nabocpadombuembidi Esus tantiec bëdambo icnuec utsibobëd umbi chuibued chuinanquiota. Adec bëdambuec tabadec: Adequi tabadnuna, cananta.

Tesadonica 1 5:11 ပူးပေါင်းရင်းမြစ်များ

Doma 14:19

Adquid icnuc aidën chiacpadec chieshëmënenquio yec bëdambuec tabadnuna. Esus tantiec chieshtoenquio yec bëdambuec tabadnuna, quec chuinannuna.

Doma 15:14

Tantia. Chuinu, cun utsibo. Mibitedi bëdambuec isnanec utsibobëd bëdambuec tabadquido nec, quequin tantiembi. Adembidi: Bëdambuen tantiaquidquio yanash chuinanquidombo nec, quequin tantiembi.

Doma 15:2

Utsibon ma bëdambuen tantiabenquiono, queshun aido tantiaquin nuquitedi nashunnannuna. Aden nashunac uditsëc Nuquin Papa tantiatsiash, quiash: Bëdambuec tabadnuna, quec chuinannuna.

Codinto 1 10:23

Mibitedi utsi utsiec: Ubi bunacpadembi nabanembi, quepec. Ai, abimbo mimbi caic. Aden naic abitedi bëdambocquidpenquio nec. Aden mibi bunacpaden naquin Esus tantiaquid utsibo mimbi bëdambuen tantiametiapimbo iquec.

Codinto 1 14:12

Adquid icnuc mibitedi Nuquin Papan Mayanën namiaid icte bunquidquio icquin: Esus tantiaquid utsibo: Ma chieshtoenquio yec bëdambuec tabadnu, quec aido nashunte bunquidquio icta.

Codinto 1 14:29

Adecbidi Esus tantiaquido iccuededacno: Chuibannu, quequid Nuquin Papan oncamiaid daëd icquid bëdambo iquec. Adecbidi 3ted icquid bëdambo iquec. Aidted icquin chuibansho tantiec tabadquin: ¿Abimbobida chuibanquin naique? Tantianu, quequin utsibon Nuquin Papan Chiaidquio isbanquin tantiec.

Codinto 1 14:5

Abi onquiacmaid onquete utsin mibitedi onquiac bëdambo ictsiash, quequin tantiembi. Aden tantiaquid icquimbi: Nuquin Papan iuecshun natequid chiaid tantiaquin onquequin chuibanac bëdamboshë ictsiash, caimbi. Aid chuibanec abi onquiacmaid onquete utsin onquiaid bëdambo iquec. Chuibanac tantienquiocsho issun Nuquin Papan Mayanën namiaid icquin abi onquiacmaid onqueten onquequin chuibansho aid onquete tantiaquidën: Ma Esus tantiaquido bëdambuen tantiec chieshtoenquio yec tabadnu, queshun utsibo tantiamequin chuibanec.

Codinto 2 12:19

Cun utsibo, Pabado chedo icsambuen naquin ampesa nec, mibi ¿camenuendambi dada uaquin chuibampo? Padenquio. Nuquin Papan isnubi mibëtan Esuquidistu tantiaquid icquin mibi aid tantiaquidombo icmenuen chuibanombi.

Epeso 4:12

Aden Ubi tantiaquidtedi ma chieshtoenquio yec bëdambuec tabadec nashunnanquid icmenu, quequin Esuquidistun ambi tantiacpadombuen adquido icmebanac.

Epeso 4:16

Cun Icbombo Esuquidistu nec, quequin aidën chiacpadombuen nabanquidquio yec abi tantiaquidtedi aidbëd abentsëc yacbimbuec tabadquido nec. Esuquidistun tantiamiac canidoacbimbuen abentsëcshun abentsëcshunquien bëdambuen nabanec tantiananec tabadec abi tantiaquidtedi aidbëd abentsëc yacbimbuecquid yanendac.

Epeso 4:29

Esus tantiaquido yec icsambuen chiec onquenda. Utsibo bëdambo icmenu, quequin tantiec bëdambuen chiec onqueta: Ma Nuquin Papan aidtsen bëdambo icmepanu, quiash.

Tesadonica 1 4:10

Cun utsibo, min nidaid cuëshë Masedonia caidën tabadquin Esus tantiaquido utsibotedi mimbi tantiec. Adec mibi yacpadquiequi tantiananquiec tabadtenneta.

Tesadonica 1 4:18

Umbi aden chuibued tantiashun abëtan Esus tantiaquid uënësaid tantiec uënësquio yec shubiquido bëdambo icmenuen umbi chuibambued chuita.

Timoteo 1 1:4

Nadembidi chuibanta. Tsusedpabon ambembi chiampiduidi chiec tabadenda. Adembidi utsibon: Nuquin matsesën tishaid nepampic. Utsibic nuquin matsesën tishaid cuëmëdquid chuibampac caondash. Utsibic: Aidën tsiuecquidouidtsëqui bëdambo iquec, quequin dadpenquio chuibamposh. Aden chiaiduidi tantiec abembi chushcananec tabadenda, cata. ¿Adenuidi chuiquinda mimbi Nuquin Papan Chiaidquio bëdambuen tantiamepe? Nuquin Papan Chiaidquien chuitiad, cata. Aden chiac Nuquin Papa bunacpaden Esuquidistu tantiatsiash.

Ebedeo 10:25

Aden nabanec: Nuquin Papa tantiaquid utsibobëd iccuededtiapimbo iquebi, utsi utsiec quenubi adenquio icnuna. Adec iccuededec: Nuquin Papan chiacpadquiec bëdambuec tabadnuna, quec chuinannuna. Cuidnuen matsesën naid chuibante uëshë nëbimbobi yanec, quiash adec baded badedquiec chuinannuna.

Ebedeo 3:13

Nuquin Papan chiacpadec bëdambuec tabadnuna, quec badiadquidën badiadquidënquiec utsibobëd chuinannuna. Nuquin Papan dada uamequin chiacpaden nëbimbobi nanuna: Icsambuen namianquidën muaquin icsambuen namiac Nuquin Papan chiacpadombuen nainquiocquid icmane, queshun.

Petedo 2 1:12

Umbi aden chuibuedtedi mibitedishun tantiondac. Aden tantiash chieshtoenquio yec Esus tantiec bëdambuec mibitedi tabadanondac. Aden abimbo chiaid tantiondaid icsho mibi adembi chuiquin tantiamedednendambi.

Udas 1:20

Cun utsibo, umbi tantiaidombo mibitedi neque. Chieshtoenquio icquin Esus tantiaquiota. Adquid icquin aton Mayan Bëdan tantiamiacpadombuen Nuquin Papa chianneta.