Tesadonica 1 4:5 - El Nuevo Testamento en matsés

⁵ Nuquin Papa tantiesabimbuec tabadenda. Esus tantiesambien abi bunacpaden nabanec tabadquin dadan chido utsi bunquin aton chidopenquio chudendac. Adembidi chidon dada utsi bunquin aton bënëpenquio chudmendac. Aden nabanec tabadenda.

Tesadonica 1 4:5 ပူးပေါင်းရင်းမြစ်များ

Mateo 6:32

Nuquin Papa tantiesaboen abi bunaiduidi tantiec tabadec. Adquido icnubi mibitedishun naden tantiata. Ambia: Cuna nibëdec quequin umbi tantiaid tantiaquidquiocquin Nuquin Papan ubi icmeshunec, quequin tantiec tabadta.

Ducas 12:30

Nuquin Papa tantiesaboen abi bunaiduidi tantiec tabadeque. Mibitedishun naden tantiata. Nuquin Papan umbi: Cuna nibëdec, quequin tantiaidtedi ambia tantiaquid icquin umbi petequid yec actequid yec dasiuidte yec ushtequid yec quenuc ubi icmeshunec, quequin tantiec tabadta.

Hechos 17:23

Capucuennequin mimbi tantianuen nacnenaid aid ismenuen mananquin tabëcaid dadpen isombi. Mimbi papa cain cuënaid dadpen tabëcaid icnubi mimbi cuënacmaid abentsëc iccosh. Aid mimbi cuënacmaid icnuc abibimbuecnuc nacnenaid nibëdosh. Aid ismenuen mananteuidtsëqui iccosh. Anoshon: Nuqui tantiacmaid icnushe, queshun aid manante iquec, quequin mimbi dada uaid dectanaid iccosh. Aden mimbi cuënacmaid mimbi tantiacmaid mibi chuibannuec nebique. Tantiata.

Doma 1:24

Adsho isash Nuquin Papa: Ma ambi tantiacpadequi icsambuen nabanec tabadpanu, quiampampic. Adampid icnuc dacuëdtiadquidi abi bunacpaden dadan ambi chudtemaid chudquin icsambuen naic tabadec. Adembidi chidon ambi chudmetemaid chudmec.

Doma 1:26

Adsho isash Nuquin Papa: Ma abi bunacpadec icsambuec tabadpanu, quiampampic. Adampid icnuc dacuëdtiadquidi ambi tantiacpadquiec nëbi chidobo icsambuec tabadec dada bunenquio iquequi chido daëdi dachudnanec.

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 1 15:34

Padpidembuen mimbi icsambuen tantiaid ënquin bëdambuen chiaidquio tantiaquin bëdambuen tantiauata. Mibitedi utsi utsiec Nuquin Papa tantienquio yec tabadsho: Ma dacuëdnu, quequin chiec nebi.

Cadasia 4:8

Ënden mibitedi Nuquin Papa tantiesa icquin utsi mimbi: Papa, quequin tantiapanëdac. Aidën iuabo yec mëtaniacbimbuec mibi icpanëdac.

Epeso 2:12

Adquid icnuc: Nadquid iccondabi, quequin tantiata. Ënden Esus tantiesabo yec isadaidpembo icquin: Cun matses tsusedpabo chuiquin Nuquin Papan: Umbi chiacpadombuen nasho adoendambi, quequin chuipampic, quetiapimbo mibitedi iquec. Isadaidbon aden chuipampic. Adecbidi nëid nidaidën tabadec Nuquin Papa tantiesa icquin abëd tabadte caintiapimbo mibitedi icpondac.

Codosas 3:5

Adec Esuquidistubëd tabadec bëdamboshëcquid iquendabi, quequin tantiaquin mimbi icsambuen nabanaidtedi cuessun secacbimbuen mibitedishun ëmbanta. Adshun: Umbi chudtemaid chudnu, quenquio icquin ënta dadan. Umbi chudmetemaid chudmenu, quenquio icquin ënta chidon. Aden natemaid bunmec dasiuidenda. Adembidi mimbi icsambuen nate bunaidtedi ënta. Adembidi mitsana dadpen bedteuidi bunaid ënta. Mimbi: Bednu, quequinuidi tantiaid matsesën ambibi nacnenshun: Papa, quequin tantiacbimbuecquid mibi bedte bunaid nendac.

Tesadonica 2 1:8

Icsambuen naisambo yec matses cuidquidquio nebi, quec choshon Nuquin Papa tantiesabo cuidendac. Nuquin Icbo Esus tantiasho Nuquin Papan mibi bëdambuen istsiash, quequin chuibanac aid tantiesabotsen Esusën cuidendac.

Petedo 1 4:3

Ënden Nuquin Papa tantiesabon nacpaden Nuquin Papan Chiaid niacniaquec mibitedi icsambuen naic iuec tabadpanëdac. Adec icsateuidi bunec mëmuntiapimbo mibitedi icpanëdac. Adquid icquin utsin chido chudquid dada icnubi chido aton bënëpenquio chudmequid icpanëdash. Badiadquidën badiadquidënquien nua peshun tantiadennuen acte paë uaid acquid mibi icpanëdac. Nëid papa canu, quequin matsesbimbuecnuc nacnenshun mimbi tantiapanëdac.