Tesadonica 1 2:7 - El Nuevo Testamento en matsés

⁷ Ubi chuibenneta, Esuquidistun caidquio nebi. Adoaid icquin chuiquid tapan chiacbimbuen: Ubi nashunta, quequin ¿ancabudquindambi mibitedi chuibandionda? Mambi padenquio iccondac. Anin aton bacuë nëishmenquio icquin bëdambuen namiacbimbuembimbi nëishmenquio icquin mibitedi chuibanondac.

Tesadonica 1 2:7 ပူးပေါင်းရင်းမြစ်များ

Hechos 13:18

Adoaqui nuquin tsusedpabon Nuquin Papan Chiaid niac niacsho issun Nuquin Papan nac shubu nibëdec masiuidpambo yacno seta dadpen 40ted matanmec capucuennesho Nuquin Papan abi chieshënquido icshobi uesquin cuidenquio icquin buanmepampic.

Codinto 1 2:3

Icsambocquid nebi, quiash mibitedi dacuëdampambo icsho isash uëdëquec dacuëdondabi.

Codinto 1 9:22

Adecbidi Esus bëdambuen tantiabenabictsëcquido yacno nidash aido tabadacpadecbidi tabadobi: Ma Esus tantiabenquiono, quiash. Adecbidi matses utsi utsiec yacnouësh aido tabadacpadecbidi tabadobi: Ma Esuquidistu tantiaquido utsi utsiec yampanu, quiash.

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.

Codinto 2 13:4

Aidi nadatiambocquid icbuedi matses yec uidëmpentsëcquio icsho cueste napotiaidën dectanac uënëspanëdash. Adoacsho Nuquin Papan uincuenmiac uënësesa yampanëdash. Aid tantiaquidquio icquimbi umbibi nadatiambocquin nabantiapimbo icshobi abi chuibanquid Nuquin Papan icmiondashi. Adembidi abëd abentsëc yacbimbuecnuc icmequin mibitedi nashunquid icmiondashi.

Cadasia 4:19

Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi.

Tesadonica 1 2:11

Amën aton mado: Naden na, quequin nëishmenquio icquin bëdambuen chiacbimbuen mibitedi abentse abentsen bëdambo icmenuen bëdambuen chuibanondambi. Adembidi mibitedi shubisho isash uënësquiocquimbi mibi bëdambo icmiondambi.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.