Tesadonica 1 2:6 - El Nuevo Testamento en matsés

⁶ Pabado bëdambuen chuiquidquio nec, ¿matses camenuendambi chuibanonda? Mibitedi adometiapimbo icquimbi utsibotsen adometiapimbo iccondabi.

Tesadonica 1 2:6 ပူးပေါင်းရင်းမြစ်များ

Uanën dada uaid 12:43

Mabi cun matsesën bëdambuen isnu, quequinuidtsëqui tantiaquin aden chuitiapimbo icpanëdash. Ma Nuquin Papan ubi bëdambuen isnu, quetiadquidi adenquio icpanëdash.

Uanën dada uaid 5:41

Ubi adsho tantiashun matsesën: Mibi bëdambo iquec, ma ubi canu ¿quectabi ique? Padenquio.

Uanën dada uaid 5:44

Matses: Mibi bëdambo iquec, cameteuidi bunquin Nuquin Papambo mibitedishun tantienquio iquec. Aden Nuquin Papa: Mibi bëdambo iquec, mimbi cametiapimbo iquec, quepondash Esus.

Uanën dada uaid 7:18

Ambembi chuiquidën: Mabi matsesën: Bëdambo mibi iquec, canu, quequinuidtsëqui tantiaquin chuibanendac. Umbien: Ubi chomiondaidquio ma matsesën tantianu, quequin aidën chiaidquio abimbo chiec nendac.

Codinto 1 11:9

Nuquin Papan: chido tantiaquin dada icmianambo icpampic. Dada tantiquimbien chido uapampic. Ma dada tantiaquin nashunnu, queshun.

Codinto 2 13:10

Mibi yacno nidnumbi mibitedi tantiec tsadquin mimbi iste dada uaic nebi. Mibi yacno nidash puduedshun icsambuec tabadquid nibëdsho issun cumapenen chushcainquio ictsiambi. Nuquin Papan: Esus chuibennequid icta, caid icquin: Ma Esuquidistu tantiaquidquio yampanu, queshun chuibanec nebi. Mibitedi chushcaquin icsamete bunenquio iquebi.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Cadasia 1:10

¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Cadasia 5:26

Ubiuidtsëqui bëdambocquid nebi, quenda. Chuiquid dëniacte bunec chieshëmënec tabadenda. Utsina isash aid bunquiec nëishnanenquio yec bëdambuec tabadnuna.

Cadasia 6:13

Aden shui dëbid dëtemequidombi Moisesën chiampidtedi natiapimbo iquec. Adquid yec aido: Umbi chiacpadombuen nëidon naosh, quenuembien mibitedi shui dëbid dëtemetiadquio icchitec. Aden mimbi nabanquin ismiac umbi chiacpadombuen tantiaquin nabanquido nec, quiash: Ubiuidtsëqui bëdambocquid nebi, quenuec neque. Aidën chiacpadombuen nainda.

Tesadonica 1 2:9

Cun utsibo. Aden Esusën naid chuibanquimbi nëish iua bitsi tuscaquimbi shubumpi nacnendedniondambi. Badiadën naquimbi inchëshëntsen adembidi nadedniondambi. Mibitedi caic: Ubi menianniac aton piucquid naimëdnushe, quiash cun piucquid bednuec chonoadtedniondabi. Mimbi isnubi adondabi.

Timoteo 1 5:17

Tantia, mado. Esus tantiaquidon abi chuibanquid nashuntetsen mibi chuinu. ¿Ada Esus chuibanquidën bëdambuen naosh? Adquidën Nuquin Papan Chiaid bëdambuen tantiamequin Esus bëdambuen chuibansho ambi chuibanaidon bëdambuen isquin nashunquin dadpen menequid nendac. Ma bëdambo icnu, queshun piucquid menequid nendac.