Tesadonica 1 2:11 - El Nuevo Testamento en matsés

¹¹ Amën aton mado: Naden na, quequin nëishmenquio icquin bëdambuen chiacbimbuen mibitedi abentse abentsen bëdambo icmenuen bëdambuen chuibanondambi. Adembidi mibitedi shubisho isash uënësquiocquimbi mibi bëdambo icmiondambi.

Tesadonica 1 2:11 ပူးပေါင်းရင်းမြစ်များ

Ducas 16:28

Cun utsibo 5ted uënësabi yec nidaidën tabadeque. Cun utsibo nëmbo ubi mëyadacno chonoshe, queshun ma aido chuinu. Nidmeta, papa, queposh atona dadpen icbued.

Hechos 20:2

Auëshquio puduanec nidquimbi nidaid Masedonia caid yacnocquid Esus tantiaquido iccuededacno iccuededacnombuen chiec: Chieshtoenquio icquin Esus tantiata, quequin aden bëdambo icmequin chuibidanec nidaid Quedesia caid yacno nidpanëdash Pabado.

Epeso 4:17

Nëbi Nuquin Icbo Esuquidistun namiaid icquin aidën tantiamiacpadombuen mibitedi chuinu: Nuquin Papa tantiesabo yec icsambuec tabadacpadec tabadenda. Aidon ambi icsambuen tantiacpadombuenuidi tantiaquin nabanec.

Tesadonica 1 2:7

Ubi chuibenneta, Esuquidistun caidquio nebi. Adoaid icquin chuiquid tapan chiacbimbuen: Ubi nashunta, quequin ¿ancabudquindambi mibitedi chuibandionda? Mambi padenquio iccondac. Anin aton bacuë nëishmenquio icquin bëdambuen namiacbimbuembimbi nëishmenquio icquin mibitedi chuibanondac.

Tesadonica 1 4:1

Tantia, cun utsibo. Bëdambo mibi iquec, Nuquin Papa camenuec bëdambuec tabadta, quequin umbi chiondacpadquiequi tabadta. Nuquin Icbo Esus tantiaquiec adec tabadta. Bëdambuec tabadosh, quesho tantiashun: Adquiequi tabadta, mibitedi caimbi.

Tesadonica 1 4:6

Bëdambuec tabadquid danmianec muaquin mibëtan Esus tantiec iccuededquid chido ompodshon chudenda. Adquid icsho umbi chuibocpaden Nuquin Papan cuidquiendac.

Tesadonica 1 5:11

Umbi aden chuisho tantiashun mimbi nabocpadombuembidi Esus tantiec bëdambo icnuec utsibobëd umbi chuibued chuinanquiota. Adec bëdambuec tabadec: Adequi tabadnuna, cananta.

Tesadonica 1 5:14

Cun utsibo, mibitedishun nabante chuinu. Chieshquid icsho: Mibitsen chonoadta, cata. Utsibo chieshtotiadquio icsho: Esus tantiec bëdambo icnuna, cata. Esus bëdiactsëc tantiactsëcsho bëdambuen chuiquin Esus tantiamequiota. Dada padishquio icquid icsho nashunta. Badedquio chieshtoenquiocquin abitedi bëdambuen ista.

Tesadonica 2 2:5

Aden mibëd tabadquin umbi mibitedi chuidenniondaid ¿tantienquioda ique?

Tesadonica 2 3:12

Chieshquido icsho Nuquin Icbo Esuquidistun chiaidquio mibi chuinu. Chieshuidequi tabadenda. Min petebëta mitsana utsi bednuec chonoadta.

Timoteo 1 5:21

Esuquidistubëtan Nuquin Papan nuqui isec. Adembidi Nuquin Papabëd icquidon nuqui iseque. Umbi chuibocpadombuen nata. Min matsesën mimbi tantiaidënquiobi Nuquin Papan Chiaid niacacsho adembidi: Mimbi icsambuen naique. Padi, cata. Shubu utsin icquidon Nuquin Papan Chiaid niacacsho adembidi: Cun matses umbi tantiaidquio neque. Chienquio iquembi, cainda.

Timoteo 1 5:7

Umbi aden niante nashunte chuibued Esus tantiaquido utsibotsen chuita, mado. Aton matses nibëdquid niante nashunenquio icsho: Esus tantiaquido icsambo iquec, utsibon canushe, queshun chuita.

Timoteo 1 6:13

Tiboquequidtedi uaquidënquio Nuquin Papan nuqui iseque. Adembidi: Adquid nebi, quequin chuiquid tapa Ponsio Pidato chiec dacuëdenquio icnëdaidën Nuquin Icbo Esuquidistuntsen nuqui iseque. Aid tantiaquin chieshtoenquio icquin Aidën naidquio chuibanta.

Timoteo 1 6:17

Atona dadpen dayun uaquido naden chuita, mado. Cuna dadpenquioshë icnuc ubiuidtsëqui bëdambo iquebi, quenda. Nibëdantiapimbo icquid danquin mimbi dayun uaiduidtsëqui tantienda. Nuquin Papambo tantiaquiota. Aidëmbi matses bëdambo icmenuen atona dadpen bedmec, quequin chuita.

Timoteo 1 6:2

Iua utsitsen chuiquin: Mibi iuaquid Esus tantiaquidbidi icsho: Ubipadquid icnuc aidën chiacpadombuen natiapimbo iquebi, cainda. Ubipadquid umbi tantiaid cun buchi caid neque. Aidën chiacpadombuen nanu, quequin mibi iuaquid tantiaquin bëdambuen nashunta, quequin iuabo chuita.

Tito 2:15

Umbi chuibuedtedi chuibanquin tantiameta. Mimbia tantiaquid icquin: Umbi chiacpadombuen nabanec tabadtedneta, quequin Quedetabo chuibanuata. Mimbi chiacpadombuen nainquiocsho issun: Aden naic tabadenda, quequin chuibanuata. Adec bëdambuec tabadquin bëdambuen chuibansho issun utsibon mibi icsambuen chuishuntiapimbo iquendac.

Tito 2:6

Adembidi caniabo chuiquin: Ubi bunacpadombuen naic icsatsiabi, queshun mimbi icsambuen tantiaidtedi nainquio yec bëdambuec tabadta, quequin chuibanta, Tito.

Tito 2:9

Adembidi iuabo chuiquin: Bëdambo iquebi, ubi iuaquid camenu, quequin aidën chiactedi nabanquin chushquenquio icquin nabanta, quequin chuibanta, Tito.

Ebedeo 13:22

Cun utsibo, mibitedi bëdambuen tantiamenuen daëdpactsëc umbi chuiquin dada uabued chieshtoenquio icquin tantiadoneta.

Uan 3 1:4

Umbi Esusquio chuibanondaido yec cun bacuëbobimbuecquido nec. Adquido yec umbi chiondacpadquiec Esus tantiec bëdambuec tabadec, quiash cuishonquequiec bëdambo iquebi.