Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tesadonica 1 2:1 - El Nuevo Testamento en matsés

1 Cun utsibo, mibitedi yacno tauambuec abembi mibi isec nidambo iccondambi. Adenquio icquin umbi Esus chuibansho mimbi tantiabenondac.

အခန်းကိုကြည့်ပါ။ ကော်ပီ




Tesadonica 1 2:1
18 ပူးပေါင်းရင်းမြစ်များ  

Adec ubi icshobi Nuquin Papa bëdambocquid icquin Esus tantiaquid yanmeshun abi bunacpadombuen bëdambuen isquin ubi ambembi nabanmenquio iccoshi. Adenquio icquin Esusën: Ubi chuibenneta, caid utsibon abitedi chuibennenquiocnobi umbimbo cumapenec chonoadquin chuibenniombi. Aden umbi tantiacpaden nainquiocquin Nuquin Papa bëdambocquid icquin nashunac dayacquiocquin chuibenniombi.


Adembidi umbi: Esuquidistu abided cuidadec uënëspanëdash, quequin Chiaid Bëda chuibambueduidtsëqui chieshtoenquio icquin tantiadonec tabadash abi yacno mibitedi tabadtequid iquendac. Umbi chuibambuedtedi tantienquio iquequi: Esus tantiaquid nebi, quequin ambembi chuiquido mibitedi ictsiac.


Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.


Nëbi ubitedi Nuquin Papan: Umbi Chiaid chuibenneta, caido nebi. Adquid icquin: Nuquin Papa matses bëdambuen ismenuen Esusded cuidpanëdash, quequin Nuquin Papan Chiaid umbi chiac pamumëdacbimbuec tantiate bunenquio yec tabadenda.


Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.


Mibitedi caic: Icsambuen naic tabadosh, utsibo quesho tantiash: Esus chuibanec abembi chonoadondabi, quiash dacuëdebi.


Adash chieshtoenquio icquin umbi chuibambued tantiaquin: Esuquidistu nidaidën padpidec choaid uëshëmbi mibitedi isec: Bëdambuen naondambi. Adoac Esus tantiec: Aidbëd iquendabi, quecuededendac. Adecbidi capucuennec chonoadquin ambembi chuibenniambo iccondambi, quequin tantiendambi.


Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.


Umbi istanenquio yac utsin chieshënac ¿adecbidida Tesadonica yacnocquido chieshtoenquio icpatsiashba? quequinuidtsëqui tantiec tsadtiapimbo iquebique. Istan, caondambi Timoteo chuiquin. Ubitedi adometsiash, quequin tantienquio icshobi: Icsamequin tannu, quequid Mayan Icsa Satanasën namiac chieshtoshon Esus tantienquio yanacsho isash abembi chonoadquin chuibanondambi, quequin tantiamane, queshun: ¿Ada umbi chuibanac Esus tantiabenondaido bëdambuec tabadeque? Istan, caondambi Timoteo chuiquin.


Aden ambi icsambuen naquido cuidte uëshëmbi Esus chosho isash abi tantiaquido: Ubi cuidmenquio icnuec abided cuidadaid Nuquin Icbo bëdamboshë iquec, quequin aton Icbo isec tabadendac. Umbi Esus chuibanac aid tantiabenondaido icquin mimbitsen Esus chosho isendac.


Tantia, cun utsibo. Mibitedi ënquin chuinu. Ubitedi tantiaquin Nuquin Papa chianneta. Nidaid utsi utsiec yacno nidmeshun Pabadobëta abëd nidquido Esusën naid matses dadpenquio bëdambuen chuibanme. Mimbi bëdambuen chuimiac ubitedishun Esus tantiabenondacpadombuembidi ma utsibontsen dadpenshun Esus tantiabennu, quequin Nuquin Papa chianneta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ