Tesadonica 1 1:9 - El Nuevo Testamento en matsés

⁹ Ambocquidombien ambo nidacsho ubitedi mimbi naid chioshi naden: Ambi papa canun ambi nacnenaidtedi aidon tantienquio yanac caosh. Adshumbic: Matses uaquid Nuquin Papambo uënëstiapimbocquid neque. Aidën chiacpadombuen nanuen aid tantiembi, quequin mimbi naidtedi tantiashun aidon chioshi.

Tesadonica 1 1:9 ပူးပေါင်းရင်းမြစ်များ

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Hechos 14:15

¿Atotsi quequin aden nai? Ubi daëdi mibi padquid matsesquio nebi. Mimbi tantiacmaid nebique. Baca cuessunnenda. Chiaid Bëda Esusën naid mibitedi naden chuinuec chobi. Nuquin Papa uënëstiapimbocquid abentsëcquiobi iquec. Aidëmbi abu uaquinc nidaid uaquinc acte uaquinc cashun aidën icquidtedi uaquidquio neque. Aiduidtsëqui tantiaquin matsesën papa canun nacnenaid tantiesa icta.

Doma 9:26

Nadentsen ashunquiobidi Nuquin Papan matses utsibo chiaid Oseasën dada uapampic: Mibitedi umbi: Cun matses, cacmaido nec. Adquid icbuedi Nuquin Papa uënëstiapimbocquidën: Cun mado nec. Cun champi nec, caido iquendac, quequin chuiquin Oseasën dada uapampic.

Codinto 1 12:2

Ënden Esus tantiesabo icquin matsesën ambibi nacnenshun papa caid onquetiapimbo icquidi tantiaquin nabanec mibitedi tabadpondac.

Tesadonica 1 2:1

Cun utsibo, mibitedi yacno tauambuec abembi mibi isec nidambo iccondambi. Adenquio icquin umbi Esus chuibansho mimbi tantiabenondac.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Timoteo 1 4:10

Adec: Abi yacno abëdi tabadendabi, quequin tantiec ënëdenquio yec chonoadquin Nuquin Papan Chiaidquio chieshtoenquio icquin chuibannuna. Esus tantiaquid uënësacsho cuidenquio icquin Nuquin Papa uënëstiapimbo icquidën abëdi nuqui tabadmendac, quiash chieshtoenquio yec bëdambuec tabadnuna.

Ebedeo 12:22

Padnuen mibitedi dacuëdenquio yec Macuësh Sion cashumbic Edusaden Bëdambocquid abuc icquidën Nuquin Papa uënëstiapimbocquid tabadacno choacbimbuecquido mibi nec. Ambo Nuquin Papabëd icquido tambantiapimbo yec dadpenquioshë nadec onquec: Nuquin Papa bëdamboshë iquec, quec cuëdëncuededec tabadec.

Uan 1 5:21

Cun bacuëbobimbuecquido mibi neque. Naden icsambuen nainda. Utsibon ambibi nacnenshun papa cain tantiaid Nuquin Papapenquio tantiec tabadenda.

Esusën Uan ismiaid 17:2

Aid chido icsamboshëcquidën nëido chudmiacbimbuen matses utsi utsien aton chuiquid tapabobëta tantiadenmenuen acte paë uaid acmiacbimbuen Nuquin Papambo tantiamenquio icquin Ambi Chiaid niac niacmequid icsho cuideque. Isec cho, queposh.