Santiaco 5:5 - El Nuevo Testamento en matsés

⁵ Aido bunec nëid nidaidën tabadnubi mibitedi piucquid dadpen menequin bëdaidquio bedbanec tabadec. Adecbidi nua piash nëish iua nua tsënënacsho cuessunnete yanacbimbuec abi cuidtequid uëshë yanendac.

Santiaco 5:5 ပူးပေါင်းရင်းမြစ်များ

Ducas 16:19

Adshumbic utsi chiacbimbuen Esusën naden chuipanëdash: Dada atona dadpen icquid dashcute bëdaidquio dasiuidquidën badiadquidën badiadquidënquien utsibo dadpen chochomeshun nua pemeshun acmededneposh.

Ducas 16:25

Adoaquien Abadauanën: Tantia. Chuinu, mado. Ënden nidaidën tabadquin mitsana dadpen bedbanec mibi tabadnubi Dasado cumapenec bunquiec tsadposh. Adbuedi nëbi aidi ubëd bëdambuec tabadnubi anchumbo yec mëyadec mibi tënquebudec.

Doma 13:13

Icsambuen nainquio yec bëdambuec tabadquid nebi, queshun peteuidi nua penquio yec tabadquinc tantiadennuen acte paë uaid aquenquio icquinc utsin chido chudenquio icquinc utsin bënë chudmenquio icquinc canuna. Adecbidi utsina isash cuna adquid nibëdec, quiash chieshëmënec tabadenquio icnuna. Adembidi utsin namesho isash chieshëmënenquio icnuna.

Timoteo 1 5:6

Niante utsimbien abi bunaiduidi naic. Adquidën uënësacbimbuecquin Nuquin Papa tantienquio iquec. Adquid Esus tantiaquidon nashunenquio iquec.

Timoteo 2 3:4

Nëidic bëdambocquid danmianashi mua uanquido. Nëidic bëdambuen tantienquio icquin ambi natemaid naquido. Nëidic: Ubiuidtsëqui bëdambo iquec, quec abibi datantiadquido. Nëidic ambi naiduidi bunquin Nuquin Papa tantiesabo.

Petedo 2 2:13

Utsibo natiamequin mëyadmequido icsho issun aido natiamiac mëyadquiendac. Nuquin Papan Chiaid niac niacmequin muaquidon utsibo icsamesho issun Nuquin Papan cuidendac, quiash dacuëdtiadquidi icsateuidi bunec inchëshën icsash badiadëntsen icsaic bëdambo iquebi, quec adquido cuishonquec. Esus tantiaquin pebedednuec mibitedi chochoash tabadacno mibëd tabadec muaquidotsen chochopac caosh. Adquidbidi nebi, quiash mibëd tabadec aid icsasho isash: Esus tantiaquido abitedi icsaic, quependac utsibo.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.

Esusën Uan ismiaid 18:7

Babidonia yacnocquido mëyadec natianuc cumapenen cuidquiendambi. Ambi naiduidi naquin atona dadpenquio bedash aidtedi dayunuaic nadec onquec: Ubiuidtsëqui chuiquid tapa yec bëdambo iquebi, quepec cuidte tantienquio iquequi. Adquid iquec otacquio tantiec: Cun iuabo matses dadpen icnuc bëdambo iquebi. Niantepenquio nebi. Adquid iquec mëyadenquio iquebi, quepec chido chuiquid tapa onquiacbimbuec.