Santiaco 5:16 - El Nuevo Testamento en matsés

¹⁶ Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.

Santiaco 5:16 ပူးပေါင်းရင်းမြစ်များ

Mateo 21:22

Nadatiambocquin naquidquio Nuquin Papa nec, quequin abimbo tantiaquin Abi chiannesho mimbi chiacpadombuen Nuquin Papan mibi nashuntsiash, quequin Esusën ubitedi chuipondash.

Mateo 3:6

Adec chochoash tabadquin Uanën chuisho tantiash: Aden icsambuen naombique. Umbi icsambuen naid ënnu, quequin chuisho tantiashun Uanën acte Odan caidën mentobampanëdash.

Madcos 1:5

Aden Uanën chuibannubien matses dadpen: Tantiatannu, quec nidaid cuëshë Udea yacnocquidobëd shubu dadpen icquid Edusaden yacnouësh chochopanëdash. Chochoash tabadquin tantiashien: Aden Icsambuen naombique. Umbi icsambuen naid ënnu, quequin abimbo chuisho Uanën acte Odan caidën mentobampanëdash.

Ducas 9:6

Aden chiac nidanneshun abëd icquidon shubu daëdpactsëcquid yacno yanombuec capucuennequin Esusën chiacpadombuen: Nuquin Papan namiacno tabadte iquec, quequin Chiaid Bëda chuibanquimbi daicsaidobëta nënquido bëdanmebampanëdash.

Uanën dada uaid 9:31

Ambi icsambuen naid ënabi icquidën Abi chiannesho Nuquin Papan tantiashunenquio ictsiash. Abi tantiaquioquin Ambi chiacpadombuen naquidën Abi chiannesho Nuquin Papan nashuntsiash, quequin nuqui tantiec.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Hechos 19:18

Esus tantiesa icbuedëmbi aid tantiaquid yanshun Esus tantiaquido iccuededacno nidshun utsibo tantiamequin ambi icsambuen nabanaidtedi chuibampanëdash.

Hechos 8:24

Adoaquien: Mimbi chuibocpaden chian annëdënquequid nënenushe, queshun ubi tantiaquin: Aidën icsambuen naid tantienquio yec bëshunta, Papa, quequin Uambëtan Nuquin Papa chianneta, Petedo, quepanëdash Simon.

Doma 3:10

Naden chuiquin Nuquin Papan dada uamepampic: Nuquin Papan chiacpadombuenuidi naquidquio matses abentsëc nibëdec.

Doma 5:19

Matses abentsëcshun Nuquin Papan Chiaid niacquin icsambuen naquin tauampicpadequi aton tsiuecquido dadpenquio icsaquidouidquio yanac. Padnuen Nuquin Papan Chiaid niaquesambo icquin Esusën abi tantiaquido icsho bëdambuen isquin dadpenquio icsaisabimbuecnuc icmendac.

Codosas 1:9

Aden Epapadasën chuiboc mibitedi tantiaquin ubitedishun ënenquio icquin naden Nuquin Papa chiannembi: Mimbi tantiacpadombuen min Mayanën bëdambuen tantiamiac: Nuquin Papan chiacpadombuen nate bunebi, quequin ma bëdambuen tantianu. Tantiamequiota, Papa, quequin chiannembi.

Tesadonica 1 5:17

Adembidi ënenquio icquin Nuquin Papa chianneta.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Tesadonica 1 5:25

Cun utsibo, ubitedi tantiaquin Nuquin Papa chianneta.

Ebedeo 11:4

Ëndenquimbo Abedën Nuquin Papa tantiaquin: Mibi bunacpadombuen cun nëish iua cuessunneshun pichicanu, quequin bëdambuen chuishun pichicasho issun Nuquin Papan bëdambuen isaidquio Abed icpampic. Aton buchi Cainien ambi chiacpadombuen nainquiocquin tiedën icquid pichicasho issun Nuquin Papan icsambuen isaid icpampic. Abed uënësampid icnubi Abedën Nuquin Papa tantiaquioquin nampid chiannetequidquio abi iquec.

Ebedeo 11:7

Adembidi abi tantiaquidquio icsho Nuquin Papan Noe naden chuipampic: Mimbi isacmaidquio naimbique. Cano dapa nacnenta, capampic. Adoac: Adquid isambo iquembi. Nibëdtsiash, quenquio icquin: Nuquin Papan chiacpadombuen aton shubun icquido: Acte nëuebudnushe, queshun buannuen cano dapa nacnempampic. Adembidi Abi tantiaquin: Cun matses Ambi Chiaid tantiesa icsho Nuquin Papan: Cuidac uënëstequid iquec, quequin Noen tantiapampic. Aden tantiaquidquio icsho Nuquin Papan bëdambuen isquin nashunaidquio Noe icpampic.

Ebedeo 12:13

Aden Nuquin Papa tantiec podqued cuembo icnuc antiacbimbuec bëdambuec tabadta. Aden antiedën nidec tadquëdenquio yec nidacbimbuen icsambuen nainquio yec bëdambuec tabadta.

Ebedeo 13:18

Ubitedi tantiaquin Nuquin Papa chianneta. Nuquin Papan: Mimbi icsambuen naic, canushe, queshun bëdambuen tantiaquin naic tabadebi, quioshe. Adembidi bëdambuen tabadme, Papa, cata.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.

Uan 1 3:22

Aden: Umbi chiacpadombuen ubi nashun, quequin chianniac nuqui nashunendac. Ambi chiacpadombuen naquin abi bëdambo icmiac Nuquin Papan nuqui chianniacpaden nuqui nashunendac.