Santiaco 4:14 - El Nuevo Testamento en matsés

¹⁴ Ma adquid badiadash ictequid tantiesa neyoc. Badiadbudnuc pushudquid cuencuempambo icbuedi badedquio nidacbimbuec mibitedi nibëdanendac.

Santiaco 4:14 ပူးပေါင်းရင်းမြစ်များ

Petedo 1 1:24

Nuquin Papan chuiquin dada uamiampid nad iquec: Matses abitedi uasimbimbuecquid nec. Adecbidi matsesën: Cunatedi bëdamboshëcquid nec, caidi cute bacuëec bëdambo isadacbimbuecquid nec. Cute bacuëec tuashquiaid bëdamboshë isadbuedi tididiquiash badedquio chodquequid nec.

Uan 1 2:17

Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.

Santiaco 1:10

Utsi Esus tantiaquid yec atona dadpen icquid icshobi Nuquin Papan atona nibëdquio icmeshunac: Bëdambo iquebi, quequin ma tantiapanuna. Atona dadpen icquid cute bacuë tuashquiash bëdambo isadbuedi badedquio nibëdanacbimbuecquid nendac.

Petedo 1 4:7

Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.