Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Santiaco 2:8 - El Nuevo Testamento en matsés

8 Nuquin Papan: Naden nata, quequin chiampid tantiaquin nabanquid yec mibitedi bëdambo iquendac. Ambi chuiquin dada uamiampid nad iquec: Min dada mibibi datantiadacbimbuen utsibo tantiaquiota, quequin chuipampic.

အခန်းကိုကြည့်ပါ။ ကော်ပီ




Santiaco 2:8
23 ပူးပေါင်းရင်းမြစ်များ  

Adembidi aidpadquid utsi Moisesën chiampid utsi naic matses bëdambuec tabadtsiash: Min dada mibibi datantiadquin utsibotsen tantiaquiota, quequin chiampicpadombuen nasho Nuquin Papan: Bëdambo iquec, catsiash.


icbon: Ai, cun iua bëdambocquid mibi nec. Umbi daëdpactsëc meniondaidi daëd uaquin umbi chiacpadombuen mimbi bëdambuen nac. Nëbi dadpen namequid icta. Ubëd cuishonquec tabadec cho, caposh.


icbon: Ai, cun iua bëdambocquid mibi nec. Umbi chiacpadombuen naquin mimbi cuna daëduaque. Nëbi mibitsen dadpen namequid icta. Mibitsen ubëd cuishonquec tabadec cho, caposh.


Nuquin Papa tantiaquido icquin utsibo tantiaquin bëdambuen nashunta. Utsibo caic: Aidon ubi nashumpashun, quequin mimbibi otacquio tantiacpadombuembidi utsibotsen nashunta. Aden Nuquin Papan Ambi Chiaid Moises dada uamiampidbëta ambi oncamiaidon dada uaquin chiampicpadombuen mimbi natsiaque. Aden utsibo nashunta, quequin Esusën chuipanëdash.


Adec utsibo tantiaquidquio icquin mimbi utsibo icsa uatiapimbo iquendac. Adec utsibobëd tantiananquin Nuquin Papan chiampicpaden mimbi naindac.


Aden naquin Nuquin Papan naden Moises chiampidtedi mimbi natsiac: Mibibi min dada datantiadacbimbuen utsibotsen tantiaquiota, quequin chuipampic.


Adec mibëd iccuededquid natiec tabadsho issun bëdambuen nashumbanta. Aden naquin Esuquidistun chiacpadombuen mimbi naindac.


Ubi ad icnuc: Atona nibëdnuc natiatsiash, queshun mimbi ubi bëdambuen tantiaquin: Nashunnuna, queshun bëmiaid isash bëdambo iquebi.


Bëdambuec tantiananta, quequin chuiquin padpiden dada uainquio iquembi. Nuquin Papambi tantiamiac Esus tantiaquido yec utsibobëd mibitedi tantiananendac.


Padnuen Nuquin Papan Chiaid tantiashun bëshunenquio icquin tantiaquidën aidën chiacpadombuen nabanendac. Nuquin Papan Chiaid icsa nibëdquid yec bëdamboshëcquid nec. Ubi cuidmenquiocte chiaid nec, queshun tantiaquin nabanquid yec Nuquin Papan bëdambo icmiaid iquendac.


Matses abitedishun naid chuibante uëshë icnuc Nuquin Papan matsesën naidtedi tantiaquin chuibanendac. Aden chuibantequid icnuc utsibo bëdambuen isquin nabanec bëdambuec onquec tabadta.


Nuquin Papa abentsëcquiobi iquec, quequin mimbi tantiec. Aden tantiaid bëdambo iquec. Adembidi podobitsi icsatedishun tantiauaic. Aden tantiec aido dacuëdec uëdëquec.


Cun utsibo, mibëtan Esus tantiaquid utsibobëd icsambuec chuishunnanenda. Aden icsambuen chuishunquin mimbi: Nuquin Papan: Naden nata, quequin Chiampid icsambocquid nec, cacbimbuen naindac. Adec utsibobëd icsambuec chuishunnanenquio icquin Nuquin Papan chiacpadombuen naquid icta.


Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ