Santiaco 2:5 - El Nuevo Testamento en matsés

⁵ Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Santiaco 2:5 ပူးပေါင်းရင်းမြစ်များ

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Mateo 5:3

¿Mitsipadquid Nuquin Papan bëdambuen ispec? Tantia. Mibitedi chuinu. Ubembi bëdambuec tabadtiapimbo icquid nebi. Nuquin Papan bëdambuen tabadmiaquini bëdambuec tabadtsiac, quequidën abi tantiasho Nuquin Papan: Umbi namiacno tabadtequid nec, quequin bëdambuen isquin bëdambo icmendac.

Madcos 7:14

Aden chiashic Esus utsibo chiec: Tantiec cho, quetanquin: Mibi chuibannu. Abitedishumbi bëdambuen tantiaquiota.

Ducas 12:21

Aden chiashic: Atonauidi tantiaquin dadpen tsindoquidtedi Nuquin Papan chiacpaden naisa yec atona nianec uënësash Nuquin Papa yacno puduedtiapimbo iquendac, quepanëdash Esus.

Ducas 12:32

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Ducas 16:22

Uëshë utsimbi atona nibëdquid Dasado uënësso issun Nuquin Papabëd icquidon abuc buanshun aton tsusedpa Abadauanën dayunquio tsadumposh. Adoambic atona dadpen icquidtsen uënësacsho chococaposh.

Ducas 16:25

Adoaquien Abadauanën: Tantia. Chuinu, mado. Ënden nidaidën tabadquin mitsana dadpen bedbanec mibi tabadnubi Dasado cumapenec bunquiec tsadposh. Adbuedi nëbi aidi ubëd bëdambuec tabadnubi anchumbo yec mëyadec mibi tënquebudec.

Ducas 22:29

Adquid icsho cun Pan ubi chuiquid icmiacpadombuembidi chuiquid mibitedi icmendambi.

Ducas 6:20

Adshumbic abëd icquidombo isbanquin naden Esusën chuibampanëdash: Mitsana nibëdquido icsho Nuquin Papan ambi namiacno tabadmenuen mibitedi bëdambo icmendac.

Uanën dada uaid 7:48

¿Adambi muaquin chuisho nuquin chuiquidobëtan padiseobon Esus tantiashundio? Padenquio iccombi.

Hechos 7:2

caquien Estebanën naden chuibampanëdash: Chuinu. Tantia, cun matsesado. Tsusedpa Abadauan nidaid Adan caid yacno tabadec nidnush nidaid Mesopotamia caid yacno tabadsho Nuquin Papan abitedishun Icbo icquin abibi Abadauan ismepampic.

Doma 8:17

Cun mado nec. Cun champi nec, queshun nëbi Nuquin Papan ambi chiampicpadombuen bëdambuen isquin uënësacsho abëdi tabadmequin nuqui bëdamboshë icmendac. Adoaid yec Esuquidistubëd nuqui tabadendac. Esuquidistu mëyanquin natiamequin mëyadmequiopanëdash. Adembidi chieshënquin natiamequin nuqui mëyadmendac. Adoaid yec iuecpactsëc yash Esuquidistubëd bëdamboshë yacno tabadsho: Mibi bëdambo iquec, quequin Nuquin Papan chiendac.

Codinto 1 2:9

Nuquin Papan chuiquin dada uamiampid nad iquec: Nuquin Papan abi tantiaquido tabadmenun nacnenaid iquec. Aidi matsesën tantiacmaid isquin: Nadquio iccosh, quequin chuitiapimbo iquec, quequin chuipampic.

Codinto 2 4:15

Ma Esus tantiasho Nuquin Papan bëdambuen isaido yec mibitedi bëdambo icpanu queshun chuibansho mëyanaid nebi. Mëyanaqui: Utsi dadpen Esuquidistu tantiaquido ma yannu, queshun chuibennec nebi. Aden chiac abi tantiaquido dadpen yansho issun: Mimbi naidtedi bëdambo iquec, Papa, quequin ma utsibontsen mibi onqueten bëdambocquid chuipanuna, caimbi.

Codinto 2 6:10

Uënësquio icmiaqui bëdambo iquebi. Cuna nibëdnubi: Ma Esuquidistu tantiaquido utsibo dadpen icnu, queshun chuibanec bëdambo iquebi. Cuna nibëdec, quiashic: Nuquin Papa yacno abitedi cuna nec, quequin tantiec bëdambo iquebi.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Epeso 1:18

Nadembidi mibitedi tantiaquin Nuquin Papa chiannembi. Mimbi bëdambuen tantiamiac: Ma mibëd tabadte bunquin cainquidombo ma icpanuna. Adash: Nuquin Papa tantiaquido utsibobëd bëdamboshë yacno tabadendabi, quequin ma tantiapanuna, quequin chiannembi.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Tesadonica 1 2:12

Nuquin Papan: Bëdambuec tabadquid icmeshun umbi namiacno bëdamboshëcquid yacnombo tabadtequid icmembi, quequin Esus tantiamiaido mibitedi nec. Adquido yec Nuquin Papa bunacpadec bëdambuec tabadquid neque. Ambi Chiaid niaquenquio yec bëdambuec tabadnuna, quequin mibitedi chuidenniondambi.

Tesadonica 2 1:5

Adec chieshtoenquiocquid icquin nuquitedi naden tantiec. Ubi chieshtomenquio icquid abitedishun naid tantiaquidquio nec. Adquid icquin icsambo icquido cuidquimbi bëdambocquido Nuquin Papan bëdambuen isec, quequin nuqui tantiec. Adec chieshtoenquio icquin Esus tantiasho utsibon chieshënquin natiamiaid icsho Nuquin Papan: Aido umbi namiacnombo chomeshun ubëdi tabadmendambi, caindac.

Timoteo 1 6:18

Aidbidi chuiquin: Bëdambuec tabadquin utsibo nashumbanquiota. Adembidi cudasenquio icquin mitsana utsibo menianneta.

Timoteo 2 4:18

Padpiden chieshëmënquidon: Chieshtomenu, casho Nuquin Icbon nac chieshtoenquio ictsiabi. Nuquin Icbombidi abi yacno ambi namiacno abuc abëdi ubi tabadmendac, queshun: Nuquin Icbo bëdamboshë iquec, caimbi ënenquio icquin. Amen.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Ebedeo 11:26

Iuecshun Nuquin Papa yacno iuedac bëdambo iquendabi, quequin tantiaquin Equipito yacnocquidon bëdamboshëcquid meniaid isuidpampic naden tantiaquin: Nuquin Papan Quidistu Mesias caid chomiacsho matsesën icsambuen chuishunte yacpadombuembidi ma matsesën nëbi ubi icsambuen chuishunnu, quequin tantiec: Nuquin Papan cun matses caidobëd mëyamëdebi, quepampic.

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Santiaco 1:16

Cun utsibo, umbi tantiaido mibitedi neque. Mibibi mua uadenda.

Santiaco 1:19

Tantia, cun utsibo. Umbi tantiaido icsho mibitedi chuinu. Utsin chuibansho bëdambuen tantiaquid icta. Adquid icquin utsibon chuibannubi badedquio onquequin chienda. Adecbidi badedquio nëishenda.

Santiaco 1:9

Esus tantiaquid atona nibëdquid icsho Nuquin Papan: Mibi bëdambo iquec, caindac. Adoac: Nuquin Papan bëdambo icmiaid nebi, quendac.

Petedo 1 1:4

Ambi chiampicpadombuen bëdamboshë yacno Esusbëdquio ubi tabadmendac. Uënëstequid nibëdec icsabudtequid nibëdec, chodquetequid nibëdec quiacnombo Esusbëdquio abuc ubi tabadmendac, quequin nuqui tantiec.

Petedo 2 1:11

Adec bëdambuec tabadec uënësacsho: Ubi tantiaquid mibi neque. Ubëdi tabadec cho, queshun ambi ënenquio icquin namiacno abëdi tabadmequin Nuquin Papa matses cuidmenquiocquid icquin Nuquin Icbo Esuquidistun nuqui bëdambo icmendac padpidec uënëstiapimbo icnuc.

Esusën Uan ismiaid 2:9

Ubi tantiaquido icsho utsibon chieshënaido yec mitsana nibëdquid mibi nec. Nëbi mitsana nibëdquid iquequi ubi tantiaquid yec dadpenquio dayun uaquidbimbuec mibi bëdambo iquendac. Chieshëmënquidon mibi icsambuen chuishumbuedtsen tantiembi. Mibi yacnoshon Mayan Icsa Satanasën tantiamiac: Isadaidbo nebi, quequin mibi icsambuen chuishunquido yec Mayan Icsa Satanasën iuabo nendac.

Esusën Uan ismiaid 21:7

Mayan Icsa Satanasën: Icsambuen namenu, caqui chieshtoenquio icquin ubi tantiaquido icsho Aton Icbo icquin: Cun mado nec. Cun champi nec, queshun bëdamboshë yacno ënëdenquio yec ubëdi tabadmendambi.

Esusën Uan ismiaid 3:18

Adquid icsho mibi chuinu. Tantia: Ubi tantiaquid icnuen bëchish nibëdquiocnoc cute nëdënquequidën dapichicac bëdamboshëcquid icsho cun shocosh piu piupactsëcquid odo caid bedta. Adosho mibi mitsana dadpenquiocquid icmendambi. Ubi tantiaquid icquin dashcute nibëdquio icbuedi bëchish nibëdquiocquid cun dashcute ushumboshë icquid dasiuidnun bedash aid dasiuidash mibi dacuëdenquio iquendac. Ubi tantiaquid icquin cun dauë bëpasquenun bed. Adshun mimbi bëdambuen isquin umbi naid tantiendac.