Santiaco 2:23 - El Nuevo Testamento en matsés

²³ Nuquin Papan naden chuiquin dada uamiampicpadombuen napampic: Umbi chiacpadombuen naquidquio icquin ubi tantiaquidquio Abadauan nec, queshun bëdambuen ispampic icsambuen naisabimbuecnuc, quequin chuipampic. Adoaid icsho matsesën: Abadauan Nuquin Papabëd icquidquio nec, quequin chuipampic.

Santiaco 2:23 ပူးပေါင်းရင်းမြစ်များ

Madcos 12:10

Aden chuishumbic Esusën: ¿Nuquin Papan dada uamiampid isbanamboda ictio? Naden chiaid iqueque. Tantia. Buintad bëdambocquid istuidash: Nëidquio shubu uaquin nitsinnun tenu, quetiadquidi isuidposh. Aden buintad isuidaidi utsin teshun shubu uaquin aidba nitsinaid iquendac.

Madcos 15:27

Cuesanquid yec ampequid daëd ëquë dectambudcuenquin dectantanquin nënantanquio Esus dectampanëdash.

Ducas 4:21

Aden isec tabadsho isash: Nuquin Papan chuiquin dada uamiampid umbi chuibansho mibitedishun tantiabuedën nëbimbobi nabanquin bedambued mimbi tantioc, quepanëdash Esus.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Doma 11:2

Ëndenquimboshë Nuquin Papan: Cun matses isadaidbo nec, queshun tantiaquiopampic. Nëbi aido chieshënenquio iquec. ¿Nuquin Papan oncamiampid Ediasën chiampid tantienquioda mibitedishun ique? Aton matses isadaidbo nëishënshun Nuquin Papa naden chuipampic:

Doma 9:17

Ëndenquimbo Nuquin Papan Equipito yacnocquidon chuiquid tapa padaon caid naden chuipampic: Nadatiambo icquidquio nec, ma ubi canu, queshun mibi chuiquid tapa icmiondambi. Adquid icsho ma matses abitedishunquio ubi tantianu, quequin Nuquin Papan padaon chiaid Moisesën dada uapampic.

Cadasia 3:22

Adquid icnuc Nuquin Papan chuiquin dada uamiampid niac niacquido yec mëtaniacbimbuec matses abitedimbo icsambuec tabadquido nec. Adquid icbuedëmbi ambi Abadauan chiampicpadombuen naquin Esuquidistu uidtsëqui tantiasho Nuquin Papan bëdambuen isendac.

Cadasia 3:6

Nuquin Papa ambi chiacpadombuen naquidquio nec, quequin abi tantiaquidquio icsho Nuquin Papan Abadauan isaisabimbuecnuc bëdambuen ispampic.

Timoteo 2 3:16

Nuquin Papan Chiaid aton Mayanën tantiamiacpadombuen matsesën dada uapampic. Aidën chiaid abitedimbo bëdamboshëcquid nec. Aid isec onquequin: Nuquin Papan chiacpaden naic bëdambuec tabadnuna. Esus tantiaquido icquin icsambuen nainquien ictiad, quequin abi chuibanquidën chuibanec. Adembidi: Esus tantiaquido adec tabadesa neque. Padi. Bëdambuequien tabadtiad, quequin chuibanec.

Santiaco 2:24

Aden chiampid issun naden mibitedishun tantiec. Nuquin Papa tantiaquid nebi, queshun ambi chiacpadombuen naquidquio icsho Nuquin Papan bëdambuen isec icsambuen naisabimbuecnuc. Nuquin Papa tantiaquid nebi, quequid icquimbi aidën chiacpadombuen nainquio yec tabadquidien bëdambuen istiapimbo iquendac.

Petedo 1 2:6

Adshumbic Nuquin Papan chuiquin dada uamiampid nad iquec: Buintad bëdambocquid istuidash nëidquio shubu uanun teshun nitsinembi, quiacbimbuen ambi tantiaidquio yec bëdamboshë icquid Edusaden yacno ubi bëdambuen ismequidquio isadaidbobëd tabadmendambi. Nëid tantiasho Nuquin Papan abi yacno nuqui tabadmendac, quequin aid tantiec uënësacsho ubi yacno tabadmendambi, quequin Nuquin Papan Ambi Chiaid dada uamepampic.