Santiaco 2:1 - El Nuevo Testamento en matsés

¹ Cun utsibo, mibitedi Nuquin Icbo Esuquidistu bëdamboshëcquid tantiaquido mibi nec. Adquido yec: Nëid umbi bëdambuen isaid nec. Nëid umbi icsambuen isaid nec, quec chieshëmënec icsambuec tabadenda.

Santiaco 2:1 ပူးပေါင်းရင်းမြစ်များ

Mateo 22:16

Adshumbic: Icsambuen chuimetan, quequin chuiquid tapa Edodesbëd icquidobëta padiseobobëd icquido nidmiac icsambuen chuimenuec chochoshon chuituidpondash: Bëdambuen chuiquid mibi neque. En ubi chui. Tantianu. Muesambo icquin Nuquin Papan chiacpadec bëdambuec tabadte mimbi abimbo chuipoc. Matses dacuëdënenquio icquin Nuquin Papan Chiaidquio mimbi chuipoc.

Hechos 10:34

Aden Codnedion: Chuiban, cac Petedon naden chuibampanëdash: Matses utsi nec, quenquio icquin Nuquin Papan iuedtequid matses utsi utsiec iquec, quequin nëbi abimbo tantiembi.

Hechos 20:21

Nuquin Papa tantiabenquin mimbi icsambuen nabanaid ënshun Nuquin Icbo Esuquidistu tantiaquid icta, quequin isadaidbobëta isadaidpembo chuibanondambi.

Hechos 24:24

Adashic daëdpactsëc ushash padpidec Uedis aton chido Dusidabëd chopanëdash. Aton chido isadaidbo nepanëdash. Adec choshon Uedisën abi yacno chomiac Pabadon ambi tantiaid Esus chuibansho tantiapanëdash.

Hechos 7:2

caquien Estebanën naden chuibampanëdash: Chuinu. Tantia, cun matsesado. Tsusedpa Abadauan nidaid Adan caid yacno tabadec nidnush nidaid Mesopotamia caid yacno tabadsho Nuquin Papan abitedishun Icbo icquin abibi Abadauan ismepampic.

Doma 1:11

Aden mibitedi iste bunebi. Mibëd tabadquin Nuquin Papan Chiaid chuibantsiambi. Nuquin Papan tantiamiacpadombuen ma chieshtoenquio icquin tantiaquiono, quequin mibitedi chuibantsiambi.

Codinto 1 2:8

Aden chiampid Nuquin Papan Chomiaid nec, quequin chuiquid tapabon tantienquio icpanëdash. Aidon: Nuquin Papan Chomiaid Esuquidistu nec, quequin tantiaquin: Nuquin Icbo bëdamboshëcquid nec, queshun cueste napotiaidën dectanmenquio ictsempanëdash.

Codosas 1:4

Ambo istanquidon: Esuquidistu tantiaquido yanash Esuquidistu tantiaquido utsibo mimbi: Cun matses nec, caidobëd tantiananquiec tabadosh, quequin chuisho tantiashun: Adequi bëdambuec tantiananmeta Papa, quequin Nuquin Papa chiannembi.

Timoteo 1 1:19

Adquid icquin Nuquin Papan Chiaid niaquenquio icquin Esus tantiaquiec bëdambuec tabadta. Utsiboen cano cuëshnudtannuc ampaëdacbimbuec: Adec icsambuec tabadtsiabi, quebuedëmbi Nuquin Papan Chiaid niac niacquin Esus tantienquio yanosh.

Timoteo 1 5:21

Esuquidistubëtan Nuquin Papan nuqui isec. Adembidi Nuquin Papabëd icquidon nuqui iseque. Umbi chuibocpadombuen nata. Min matsesën mimbi tantiaidënquiobi Nuquin Papan Chiaid niacacsho adembidi: Mimbi icsambuen naique. Padi, cata. Shubu utsin icquidon Nuquin Papan Chiaid niacacsho adembidi: Cun matses umbi tantiaidquio neque. Chienquio iquembi, cainda.

Tito 1:1

Pabado nebi. Nuquin Papan namiaidquio nebi. Adembidi Esuquidistun: Ubi chuibenneta, caid nebi. Nuquin Papan: Nëido cun matses nendac, caido yec Esuquidistu tantiaquidombo ma icpanuna. Adquid yec ma Nuquin Papan chiacpadec bëdambuec tabadpanuna, quequin chuibanec nebi.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Ebedeo 1:3

Aidi aton Papapadquiobidi bëdamboshëcquidquio yec bëchamauanquiecquid nadatiambocquid neuaic. Aidëmbi nadatiambocquin Nuquin Papabëtan ambi tantiacpadombuen ambi uaid abitedimbo abi icmec nibëdantiapimbocnoc. Aidi matsesën icsambuen naid bedshunquin Nuquin Papa matses bëdambuen ismenuec abided cuidadec uënësashic abuc nidash Nuquin Papan dayun abiucquio tsadtuidpanëdash.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Santiaco 1:16

Cun utsibo, umbi tantiaido mibitedi neque. Mibibi mua uadenda.

Santiaco 1:19

Tantia, cun utsibo. Umbi tantiaido icsho mibitedi chuinu. Utsin chuibansho bëdambuen tantiaquid icta. Adquid icquin utsibon chuibannubi badedquio onquequin chienda. Adecbidi badedquio nëishenda.

Santiaco 2:3

Adec atona dadpen icquid puduedsho istanquin: Nëmbo tsadec cho, quequin mimbi aidi bëdambo yacno tsadumpec. Adshumbic atona nibëdquid puduedsho istanquin: Ambobi nidtoash nidta. Adte bunenquio yec nidaidën tsadta, mimbi capec.

Santiaco 2:9

Aden chiampid icnuc: Nëid bëdambocquid nec. Nëid icsambocquid nec, quec chieshëmënec tabadquin Nuquin Papan Chiampid niaquec mibi icsaindac.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Udas 1:16

Aido cuidtequido iquec aton chuiquid tapabon chiaid tantienquio yec: Icsambo iquec, quiash icsambuen chuishunquin abitedi chieshënec tabadec. Ubiuidtsëqui bëdambuen naquidquio nebi, queuidequi iquec. Ubi bunacpadombuen ma nanu, quiash matses utsibo chiec: Umbi tantiaidquio mibi nec, quec muaic.

Esusën Uan ismiaid 14:12

Mibi padquid adoendac, quequin chiaid icnuc ënenquio icquin Nuquin Papa tantiaquiota. Aden tantiaquin mimbi nabocpadombuembi chieshtoenquio icquin ambi chiacpadombuenuidi nabanquin Esus tantiaquid icquin Nuquin Papa tantiaquiota, quequin chuiposhi.