Santiaco 1:6 - El Nuevo Testamento en matsés

⁶ Umbi aden chuinun naden tantiaquin: Ubi Nuquin Papan tantiaquin umbi chuisho tantiashun ubi nashunendac, quequin tantiaquioquin chuita. Ubi tantienquio ictsiash, quequin tantienda. Aden tantienquiocquid yec cunquequidën acte ishcunquin tëccuascacbimbuec icquid mibi nendac.

Santiaco 1:6 ပူးပေါင်းရင်းမြစ်များ

Mateo 14:28

Adoaquien Petedon: ¿Cun Icbombobida ne? Cun Icbombo icquin en ubi: Acte bëntse cho, ca, capondash.

Hechos 10:20

Aido umbi chomiaido neque. Budash cacuidenquio yec aidobëd nidtan, capanëdash.

Epeso 4:14

Adec tabadquido yec bacuëmpin utsi utsien tantiacpaden tantiaquidpenquio nuqui nendac. Cunquequidën ëquë ëquëen tsidunacbimbuen muaquidon utsi utsien chuibansho tantiash badedquio: Abimbo caic, quec mua uadec. Aido icsambuen tantiaquido icquin chuisho tantienquio iquendac.

Timoteo 1 2:8

Tantia. Dadatedi chuinu. Iccuededec cuëdënacno puduedshun Nuquin Papa chuinuec bëdambuequien tabadtiad. Nëish bëdanash chushcananenquio icquimbien podo cadoquin Nuquin Papa chuitiad.

Ebedeo 10:23

Nuquin Papa ambi chiampicpadombuen naquidquio nec, quequin tantiaquid yec: Aid yacnombo tabadtequid nebi, quequin cainquin chieshtoenquio icquin tantianuna.

Ebedeo 11:6

Padnuen abi tantienquiocquin naquid icsho isash: Umbi bëdambuen isaidquio nec, quetiapimbo Nuquin Papa iquec. Adquid icnubi Nuquin Papa tantiaquid icte bunebi, quequid nadtsiash: Nuquin Papa abi iquec. Abi tantiaquido bëdambuen nashunquidquio nec, quequin abi tantiaquid icsho ambi bëdambuen isaidquio nec.

Ebedeo 13:9

Esusën naidquio chuinu, quequidën utsi chiec muaquin chuibansho tantienda. Padnuen mibi bëdambuen isquin nashunquid: Nuquin Papa tantiaquidquio ma yannu, quequin mibi chuibanquidën chuibanacpadombuen nabanta. Utsibic: Nëid petemaid nec. Nëid petequid nec, quequin tantiaquin naquid yec Nuquin Papa tantiaquidquio yanenquio mibi ictsiac.

Santiaco 1:7

Adquid matses icsho Nuquin Icbon aidën chiacpadombuen nashunenquio iquendac.

Santiaco 5:15

Nuquin Papa bëdanmianquidquio nec, quequin tantiaquioquin chuinuc nënquid Nuquin Icbon bëdanmendac. Adembidi nënquidën icsambuen naidtedi tantienquio yec bëshunquin Nuquin Papan bëdambuen isendac.

Petedo 2 2:17

Aidotedi muaquin tantiamequido yec acte chomenuen uëdëshcashun nacnenaidi acte nibëdquio yacbimbuecquido nec. Adecbidi abu chëshë cunquequidën tsidunacbimbuecquido nec. Adquido icsho Nuquin Papan cumapenec mëyadnuc cuidquin inchëshquio yacno nidmequin ënëdenquiocnoc cuidendac.