Santiaco 1:10 - El Nuevo Testamento en matsés

¹⁰ Utsi Esus tantiaquid yec atona dadpen icquid icshobi Nuquin Papan atona nibëdquio icmeshunac: Bëdambo iquebi, quequin ma tantiapanuna. Atona dadpen icquid cute bacuë tuashquiash bëdambo isadbuedi badedquio nibëdanacbimbuecquid nendac.

Santiaco 1:10 ပူးပေါင်းရင်းမြစ်များ

Mateo 5:3

¿Mitsipadquid Nuquin Papan bëdambuen ispec? Tantia. Mibitedi chuinu. Ubembi bëdambuec tabadtiapimbo icquid nebi. Nuquin Papan bëdambuen tabadmiaquini bëdambuec tabadtsiac, quequidën abi tantiasho Nuquin Papan: Umbi namiacno tabadtequid nec, quequin bëdambuen isquin bëdambo icmendac.

Mateo 6:30

Adec cute bacuëec tuashquiaid bëdamboshë isadbuedi badedquio sequiacsho nëdëncatequid nec. Adquid icnuc ¿ambi uaido mibitedi icsho Nuquin Papan mibi dasiuidte bedmenquioda icpadic? Ai, mibi dasiuidte icmeque. Natiec tabadenda. Mitsanauidi tantiec natiec tabadquin Nuquin Papa bëdiactsëc mimbi tantiatseque.

Codinto 1 7:31

Adecbidi nëid nidaidën tabadec mitsana dadpen bedteuidi bunquin tantiaquid iquequi atona nibëdec bedte bunenquio yacbimbuec tabadta. Nëid nidaid abichobi nuqui isaidtedi Nuquin Papan nibëdanmendac.

Pidipos 3:8

Nëbi Cun Icbombo Esuquidistu tantiec bëdambo iquebi, quequin tantiembi. Aiduidtsëqui tantiate bunquin icsa sandoshon secacbimbuen umbi tantiacpadombuen nabanaidtedi ënondambi.

Timoteo 1 6:17

Atona dadpen dayun uaquido naden chuita, mado. Cuna dadpenquioshë icnuc ubiuidtsëqui bëdambo iquebi, quenda. Nibëdantiapimbo icquid danquin mimbi dayun uaiduidtsëqui tantienda. Nuquin Papambo tantiaquiota. Aidëmbi matses bëdambo icmenuen atona dadpen bedmec, quequin chuita.

Santiaco 4:14

Ma adquid badiadash ictequid tantiesa neyoc. Badiadbudnuc pushudquid cuencuempambo icbuedi badedquio nidacbimbuec mibitedi nibëdanendac.

Petedo 1 1:24

Nuquin Papan chuiquin dada uamiampid nad iquec: Matses abitedi uasimbimbuecquid nec. Adecbidi matsesën: Cunatedi bëdamboshëcquid nec, caidi cute bacuëec bëdambo isadacbimbuecquid nec. Cute bacuëec tuashquiaid bëdamboshë isadbuedi tididiquiash badedquio chodquequid nec.

Uan 1 2:17

Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.