Pidipos 3:17 - El Nuevo Testamento en matsés

¹⁷ Tantia, cun utsibo, ubi yacpadquiec bëdambuec tabadta. Umbi chuibambocpadombuen utsibon nasho issun adombuembidi bëdambuen nata.

Pidipos 3:17 ပူးပေါင်းရင်းမြစ်များ

Doma 16:17

Tantia. Chuinu, cun utsibo. Mibëtan Esus tantiaquido chieshënmequin cuëshëdmequido iquec. Aidon Nuquin Papan Chiaid mimbi tantiaidquio chienquio icquin mibitedi icsambuen namenuen muaquin chuibampec. Adquidobëd onquec tabadenda.

Codinto 1 10:32

Nëidtedi ismequin: Icsambo iquec, camenda. Nëidic isadaidbo. Nëidic matses utsibo. Nëidic Nuquin Papan tantiamiac Esus tantiaquido. Aidotedi: Icsambo iquec, camenda.

Codinto 1 11:1

Esuquidistun tantiamiacpaden nabanec tabadquid nebi. Adecbidi mibitedi umbi nabanaid tantiaquin nabanec tabadta.

Codinto 1 4:16

Adquid icquin umbi nabambocpadombuen naic bëdambuec tabadta, quequin mibitedi chiec nebi.

Pidipos 4:9

Aden umbi: Naden naic tabadta, quequin chuibanondaid tantiaquin nabanta. Adembidi umbi nabansho mimbi isondaid tantiaquin nabanta. Aden nabanec tabadsho isash mibitedi bëdambuec tabadmequid Nuquin Papa mibëd iquendac.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Tesadonica 2 3:14

Nëid dada uaquin umbi chuibambued niac niacsho ista. Aden chiaid niacquin icsambuen nasho isash: Icsambuen nachitombi, quequin dacuëdtanquin ma tantiabennu, quiash aidbëd onquec tabadenda.

Tesadonica 2 3:7

Ubëd tabadec Pabado dayacquio iccondash, quequin tantiec chieshenquio yec tabadac bëdambo ictsiash, quequin mimbi abimbo tantiec. Mibëd tabadec chieshenquio yec chonoadtedniondabi.

Tesadonica 2 3:9

Esus tantiaquidon abi chuibanquid menenquio icquid ¿quectabi ique? Padenquio. Esusën naid chuibanquid ambi chuibanaidon meniaquien bëdambo ictsiash. Chieshenquio icquin umbi nacnensho issun ma adembidi mibitedishuntsen: Nanu, quiashini chonoadtenniondac.

Timoteo 1 4:12

Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Ebedeo 13:7

Adembidi Nuquin Papan Chiaid mibi tantiamenu, quequin mibi chuibanquidon chiaid bëshunenda. Aido Esus tantiaquiec bëdambuec tabadpanëdash. Aidon tantianëdacpadombuen tantiec bëdambuec tabaduata.

Petedo 1 5:3

Adoaid icquin mimbi chuibanaido chushcainda. Aidon icbopenquio mibitedi neque. Adenquio yec: Ubi yacpadec ma tabadnu, quequin aido ismec bëdambuec tabadta.