Pidipos 2:29 - El Nuevo Testamento en matsés

²⁹ Nuquin Icbo Esus tantiaquid yec nuquin utsi Epapadodito nidacsho isash cuishonquequin bëdambuen ista. Adquid Esus chuibanquido utsibo mibi yacno nidacsho adembidi bëdambuen ista.

Pidipos 2:29 ပူးပေါင်းရင်းမြစ်များ

Ducas 9:5

Mibi nidacnoshon mibi iuedenquiocsho isash auëshquio nidnun naden nata. Nëmbo icquido Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta, capanëdash Esusën abëd icquido chuiquin.

Uanën dada uaid 13:20

Tantia. Mibitedi abimbo chuinu. Mibi padquid umbi nidmiaidën umbi naid chuibansho tantiash: Ai, abimbo caic, queshun ubi tantiabenquimbi ubi chomequidtsen tantiabenendac, quepondash Esus.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 28:10

Adosho issun cano dapan chochoquido bëdambuen nashumpondash ambocquidon. Nidnu, quesho tantiashun: Mitsana nibëdec, queshun nidquido atona menebampondash.

Hechos 8:8

Adosho isash Samadia yacnocquid dadpenquio cuishonquecuededpanëdash.

Doma 10:15

¿Mitsipaden: Chuibenneta, cacmaidëmbi Esusën naid chuibennepec? Naden chuiquin Nuquin Papan dada uamepampid iquec: Nuquin Papan matses bëdambuen iste iquec, quequin Chiaid Bëda chuibennequid chosho isash cuishonquendac, quequin chuipampic.

Doma 16:2

Aidi Nuquin Icbo Esuquidistun namiaid yec mibi yacno nidsho bëdambuen ista. Utsibobëta bëdambuen isquin nashunoshibique. Nuquibëtan Esus tantiaquid nec, queshun bëdambuen isquin aidën: Ubi nashun, cacpadombuen nashunta.

Codinto 1 16:10

Mibi yacno Timoteo nideque. Nidacsho bëdambuen ista. Ubipadquid yec Nuquin Icbon namiaidquiobidi Timoteo nec.

Codinto 1 16:18

Mibitedi bëdambo icmebocpadombuembidi aidon nashunquin bëdambo icmioshi. Aidopadquid utsi icsho issun aidën chiacpaden nabanta.

Codinto 2 10:18

Bëdambuen nabanquidquio nebi, abibi quesho Nuquin Papan bëdambuen istiapimbo iquec. Padnuen Nuquin Papan: Bëdambuen mimbi naoc, caidien ambi bëdambuen isaidquio nendac.

Codinto 2 7:2

Adembidi ubëtabi ubipadquid tantiaquiota. Icsambuen nashunesa nebi. Adecbidi icsa uanesa nebi. Adecbidi muaquin utsin na bedesa nebi.

Pidipos 2:28

Adoacsho aid mibi yacno badedquio nidmete bunebi. Aid isash mibitedi bëdambo ictsiac. Adnubi ubitsen uënësquio icbuedi bëdambo ictsiabi.

Codosas 4:10

Adistadco ubëta quënën tsadunaid nec. Aidëmbi: Aido tantiec tsadebique. Chui, quesho tantiashun dada uaimbi. Adombuembidi Madcos Bednaben utsin chiaid dada uaimbi. Aidi iuecash mibi yacno nidsho issun bëdambuen isquin iuedta.

Tesadonica 1 5:12

Cun utsibo, Esus tantiamequin mibi chuibanquido bëdambuen ista. Aidi chieshtoenquio icquin mibi bëdambuec tabadte chuibanquid neque. Bëdambuen ista.

Timoteo 1 5:17

Tantia, mado. Esus tantiaquidon abi chuibanquid nashuntetsen mibi chuinu. ¿Ada Esus chuibanquidën bëdambuen naosh? Adquidën Nuquin Papan Chiaid bëdambuen tantiamequin Esus bëdambuen chuibansho ambi chuibanaidon bëdambuen isquin nashunquin dadpen menequid nendac. Ma bëdambo icnu, queshun piucquid menequid nendac.

Ebedeo 13:17

Mibi Esus chuibanquidon chiacpaden nabanta. Nuquin Papan: Chieshtoenquio icquin ubi tantiaquido bëdambuen isquin dayun uata, caid nec. Aidi: Esus tantiaquido naden namiombi, quequin Nuquin Papa chuiquid nec. Ubi chuibanquid nec, queshun ambi chiacpadombuen mibitedishun nabansho isash aid cuishonquec. Aden ambi chiacpadombuen nainquiocsho isash uënësquio ictsiash. Adnuc mibitedi bëdambo ictiapimbo ictsiac.

Uan 3 1:10

Mibi yacno nidshun ubitedi icsambuen chuishunquin muaquin chuibennequid icsho chomeshun Diotedepes chiendambi. Aidi Esuquidistu tantiaquid utsibo iuedesa nec. Utsi: Aido iuednu, quesho tantiash: Padi. Iuedenda, quec iuedmianesa Diotedepes nec. Adembidi: Iuednu, quequido icsho Esus tantiaquid utsi cuenmequin cuëshëdmequid aidi nec.