Pidipos 1:23 - El Nuevo Testamento en matsés

²³ Umbi aden tantiaid daëd icnuc ubi adtequid tantienquio icquimbi: Nëbimbobi uënësmepashuni, quequin tantiabuedi: Esuquidistubëd tabadec nidnu, quequin tantiembi. Adash bëdamboshë ictsiabi.

Pidipos 1:23 ပူးပေါင်းရင်းမြစ်များ

Ducas 12:50

Adecbidi: Ubi uënës uanun mëyantequidquio iquendac, quequin uënësquiocquin tantiec: Ëndembi uënës uamepatecnëdani, quec tabadebi.

Ducas 23:43

Adoaquien: Abimbo chuinu. Tantia. Nëid uëshëmbi abuc ubi bëdambuec tabadacno ubëdi mibi iquendac, quepanëdash Esus abëta dectambued abentsëc chiec.

Ducas 8:38

Adsho isash: Mibëd nidte bunebique. ¿Ada ubi buantsia? quepanëdash ambi podobitsi icsa dadpen dapuduenmequin bëdanmebued Esus caic. Adoaquien:

Uanën dada uaid 12:26

Ubi nashunte bunquidën umbi chiacpadombuen natsiash. Adquid ubi tantiaquid icsho Cun Pan utsibo dadpen chuiquin: Nëid bëdambocquid nec, caindac, quepondash Esus.

Uanën dada uaid 13:1

Adashic cun tsusedpabon: Ma cun mado uënësmenquio icnu, queshun obeca caniactsëc cuessunniampid inchësh tantiate nëbi yannuc inchëshën Esusbëd pec tabadpondabi. Adec tabadequi Esus ambibi tantiec: Nëbi matses nianec Cun Pa yacno aidbëd tabadec niduaindabi. Ubi tantiaquido ënenquio icquin tantiembi, quepondash.

Uanën dada uaid 14:3

Adquid iquec, quiash ubia nidshun: Ubi tantiaquido nëmbo tabadmetiad, quequin Cun Pa chiendambi. Adashic ubi yacno ubëdi tabadmenuen mibitedi bednuec chouaindabi.

Uanën dada uaid 17:24

Mimbi ubi tantiaquido icmiaido nuqui tabadacnombo tabadmeta, Papa. Abitedimbo uabi icquin mimbi: Umbi tantiaidquio mibi neque. Nuquibi nanuna, Mado, mimbi cac bëchamauanquiec bëdamboshë yec tabadtennecpadequi mibëd tabadsho ma ubi tantiaquidon isnu, queshun: Mibi yacno tabadmeta, quequin mibi chiec nebi, Papa

Hechos 7:59

Aden dashcute sanshun cuënoten sesiac Estebanën Esus cuënquin naden chuipanëdash: Ubi iued, Icbo, quetanec

Codinto 2 5:8

Aden tantiec bëdambo iquebi. Dada chodquetequid icquimbi: Badedquio chodquesa icmepashuni. Cun Icbobëd tabadec nidnu, quequintsen nuqui tantiec.

Codinto 2 6:12

Mibitedi tantiaquioquin umbi tantiaidtedi chuibanquid ubi icnubi mimbi tantiaidtedi mimbi ubi chienquio iquec.

Pidipos 1:24

Aden tantiabuedi: Mibitedi bëdambuen tantiamenuec nidtsiabi, quequin tantiec uënëste bunenquio iquebi.

Tesadonica 1 2:1

Cun utsibo, mibitedi yacno tauambuec abembi mibi isec nidambo iccondambi. Adenquio icquin umbi Esus chuibansho mimbi tantiabenondac.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Tesadonica 1 4:17

Adashic Esus tantiaquido uënësabi icquidobëd uincuenmiaido tsidadash aidotedi abuctoendac Nuquin Papabëd tabadec nidec. Abitedi abuctoquimbi abi bëquedec Esus chosho istuidendac. Adash Esusbëd Nuquin Papa yacno nidash anobi nuqui quenenendac.

Timoteo 2 4:6

Tantia. Chuinu, mado. Nuquin Papan tantiacpadën Nuquin Papa ismequin nëish iua pichicacbimbuec ubi uënëste uëshë nëbi yanec.

Esusën Uan ismiaid 14:13

Adnubi abucuësh onquequin naden chuiuaposhi: Naden chuiquin dada uata. Chieshtoenquio icquin aton Icbo Esus tantiaquido icsho uënësuac bëdambo iquendac, quequin chuiposhi. Adsho tantiashien Nuquin Papan Mayantsen: Ai, abimbo caic. Aido uënësash bëdamboshë yacno tabadec shubitiapimbo iquendac. Natiamiantequid nibëdec, utsibon chieshënte nibëdec, quiacnombo tabadmequin: Mimbi bëdambuen naoc, caindac Nuquin Papan bëdamboshë icmequin, quequin chuiposhi.