Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Petedo 2 3:10 - El Nuevo Testamento en matsés

10 Adnubien matses: Nëbi choec, quenquio icnubi Esus badedquio choendac. ¿Nëid uëshëmbi ampequidën cuna bedec choec, quequinda tantiapec? Padenquio. Adacbimbuec: Nëbi choec, quequin tantienquio icnubi Esus choendac. Choshon acquimbuen toncac abitedi nibëdanendac. Uispa yec inchëshën uëshë yec badiadën uëshë yec quec icbuedi nibëdquiecnuc nëdëncaindac. Nidaid abichobimbo nëdënquenuc aidën icquidtedi pichiquendac nibëdquio yec.

အခန်းကိုကြည့်ပါ။ ကော်ပီ




Petedo 2 3:10
36 ပူးပေါင်းရင်းမြစ်များ  

Abubëd nidaid nibëdanendac. Padnuen Umbi Chiaid nibëdantiapimbo icquid icnuc umbi chuibocpadquio iquendac, quepondash Esus.


Abubëd nidaid nibëdanendac. Padnuen Umbi Chiaid nibëdantiapimbo icquid icnuc umbi chuibocpadquio iquendac, quepanëdash Esus.


Tantia. Chuinu. ¿Nëbi ampequid choshon ampec, quequinda shubu icbon tantiapadic? Padenquio. Tantiaquidënquien: Ampe choshon cuna bedtsiash, queshun atona bëdambuen isquin ampemenquio ictsiash.


Nuquin Papa abitedimbo uaic: Ubi bunacpadec yanta, quequin chuipampic. Adoaid yec abibi yanenquio yec Nuquin Papan tantiacpadequi yampampic. Adash bëdambocquid icbuedi abitedi uënëstequidouidquio yampampic.


Aden tantiamiac bëdambuec tabadsho utsibon: Icsambuec tabadquido nec, catiapimbo iquec. Adquid icsho Nuquin Papan Nuquin Icbo Esuquidistu chouacnobi cuëscaquin mibitedi chieshtoenquiocquid icmendac.


aid dada icsambuen naquid nidme. Ma adoacsho ambi tantiacpadombuen Mayan Icsa Satanasën aton dada mëyanac icsambuen nate bunenquio yanacsho Nuquin Icbo chouashun abi yacno ma aton mayan iuedpanuna.


Aden umbi dada uaid isquin bëdambuen abitedi tantiabi icbuedëmbi Nuquin Icbo Esuquidistu padpidec chouanuc mibitedishun bëdambuen tantiendac. Pabado bëdambuec tabadquidquio nec, quequin mibitedishun chiendac. Umbitsen adembidi: Codinto yacnocquid Esus tantiaquido bëdambuec tabadquido nec, quequin chiendambi.


Nëid inchëshëmbi ampequid choec, quequin tantiatiapimbo yacbimbuec: Aid uëshën Nuquin Icbo choec, quequin tantiatiapimbo icnuc Esus chouaindac, quequin umbi chiondaid mibitedishun tantiec.


¿Esus chonoda mibi dacuëdpe? ¿Esus tantiesaboda mibi nedi? Esus tantiaquidoen mibitedi nec. Adquido yec: Nëbien Esus chochitec, quec bëdambuec tabadnubi ampe choacbimbuec Esus chonoc mibitedi dacuëdenquio iquendac.


Nuquin Papan aden nac abitedimbo nibëdanendac, quiash mibitedi Ambi Chiaid niaquenquio yec Esus tantiaquiec bëdambuec tabadta.


Adombuen abitedimbo nibëdquionoc nëdëncaindac, queshun bëdambuec tabadquin utsibo tantiamequin ambi naid chuibanec mibitedi bëdambuec tabadta. Esus choan Nuquin Papan cuidquin ambi uaid abubëta nidaid nibëdanmequimbi aidën icquidtedi pichicaquin nibëdanmendac.


Aden ambi uampid abubëd nidaid nëbi icquid ambi tantiacpadën Nuquin Papan naindac. Ambi icsambo icquido abitedi cuidte uëshën nëdëncaquin nibëdanmenumbi nëbi dayunuaic. Adembidi matses abitedi Ambi Chiaid niac niacquido nëdëncaquin nibëdanmendac.


Adecbidi Nuquin Papabëd icquidobi Aidën Chiaid niac niacte buncuenash Nuquin Papabëd icte bunenquio yampampic. Adsho issun aidotedi puduentiapimbo yec inchëshquioshë yacno nidmequin Nuquin Papan bëtashpampic. Mibitedi icsamboshë iquec, queshun abitedi cuidte uëshën cuidquionombi adopampic.


Aden ismebocshobi Esusënquio naden chuiposhi: Mimbi: Nëbimbobi aid choec, cacmaidquio ampe choacbimbuec choendabi. Ushenquio yacbimbuen ubi ënenquio icquin tantiec dashcute dasiuidacbimbuec icta. Dashcute dasiuidambo icsho icsambuen isnushe, quiash dasiuidacbimbuec icta, quequin chuiposhi.


Adshumbic padpiden matses cuidte ismeposhi. Aden ismiac tsadte tapa ushumboshë icquidën Nuquin Papa tsadsho ispombi. Icsambuen naquido cuidquidquio yec dacuëdampambuec Nuquin Papa isadnuc abubëdi nidaid abichobi nibëdquio yamposh, padpidec isadtiapimbo yec.


Aden ismeboshombic padpiden ismeuac abubëd nidaid chucambo icsho ispombi. Abubëdi nidaid shëni nibëdnuc adecbidi acte dapa mad caidtsen nibëdquio icposh.


Mimbi umbi naid chuibansho tantiabenondacpadombuen ubi padpiden tantiabenuata. Bëshunenda. Nëbi mibi icsaid ënshun umbi chiacpadombuen nauata. Isucunenquio yacbimbuen ubi padpiden tantienquio icshoembi mibi cuidendac. Ampequid choec, quequin tantienquio yacbimbuen tantienquio icsho mibi cuidtsiambique. Ubi tantiaquiota.


Abubic dada uaid bidicacbimbuec isadenquio yamposh. Macuësh tapabic abitedi mannëdcuededposh. Acte yacno nidaid nacnëdquidic abitedi mannëdcuededposh.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ