Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Petedo 2 2:20 - El Nuevo Testamento en matsés

20 Nuqui cuidmenquio icquid Nuquin Icbo Esuquidistu tantiabenquin abi icsaid ënuidbuedi padpiden Nuquin Papan Chiaid niacniaquec icsambuen nateuidi bunec icsamboshëcquid yanec udictsëcquio icsaquiendac.

အခန်းကိုကြည့်ပါ။ ကော်ပီ




Petedo 2 2:20
20 ပူးပေါင်းရင်းမြစ်များ  

Aidotedi cumapenec mëyadtequid yacno chian annëdënquiacno nidmequin cuidendac. Peteuidtsëqui tantiec icsambo icquin ambi natemaid naic: Bëdambo iquebi, quec tabadec. Aido: Icsambuen naquido nebi, quiash dacuëdtiadquidi Nuquin Papa tantienquio icquin nidaidën icquiduidtsëqui tantiec tabadec.


Sondadon: Mibi bëdambo iquec, camenuen aton chuiquid tapan chiacpadombuenuidi naquid. Ambibi tantiaid nainquiocquinc utsibon chiacpadombuen nainquiocquinc caquin aton chuiquid tapan chiacpadombuenuidi naquidquio sondado nec.


Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.


Adec bëdambuec tabadec uënësacsho: Ubi tantiaquid mibi neque. Ubëdi tabadec cho, queshun ambi ënenquio icquin namiacno abëdi tabadmequin Nuquin Papa matses cuidmenquiocquid icquin Nuquin Icbo Esuquidistun nuqui bëdambo icmendac padpidec uënëstiapimbo icnuc.


Mibitedi Esus tantiaquido icsho: Ma Nuquin Papabëtan Nuquin Icbo Esusën abi tantiasho bëdambuen isquin bëdambuec tabadmequin: Nadquio Nuquin Papabëd Nuquin Icbo Esus iquec, quequin tantiamequiota, quequin mibitedi tantiaquin Nuquin Papa chiannembi.


Nadatiambocquin nabanquid icquin Nuquin Papan Esus tantiamiaido nuqui nec. Aden tantiamiac aidën chiaid niac niacte bunenquio yec Esus tantiec nuqui bëdambuec tabadendac. Abipadquid utsi nibëdnuc bëdamboshëcquid icquin Nuquin Papan Esus tantiamequin ambi namiaido nuqui icmiac.


Aden ambi chuinëdacpadombuen bëdamboshëcquid nuqui menec. Adoac aidën tantiamiac Nuquin Papan Chiaid isbanec Nuquin Papabimbuec icsate bunenquio yec nuqui bëdambuec tabadendac. Utsibo icsateuidi bunec icsambuen naic tabadnubi cuenacbimbuec mibitedi bëdambuec tabadendac.


Umbi chuibuedtedi tantiaquin chieshtoenquio icquin nabanec mibitedi bëdambuec tabadquid yanendac. Adec tabadquin bëdiactsëc tantiactsëcbuedëmbi chieshtoenquio icquin Nuquin Icbo Esuquidistu tantiaquidquio mibi yanendac.


Adec muaquido bëdambuec onquiacbimbuec ambembi chiec onquec. Utsin chiaid tantienquio icquin ambi tantiaiduidi naden chiec: Mibi bunacpaden mimbitsen: Nata, cac Esus tantiactsëcquin Nuquin Papan Chiaid naquin ambi icsambuen naid ënuidbuedi padpidembuec icsaindac. Aton chidopenquio isec chudte bunquin ambi icsambuen naid ënte bunenquio iquec. Chido dada utsi chudmete bunquid chudmequin icsambuen namec. Adquidotedi Nuquin Papan cuidtequidombo nec.


Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ