Petedo 2 1:4 - El Nuevo Testamento en matsés

⁴ Aden ambi chuinëdacpadombuen bëdamboshëcquid nuqui menec. Adoac aidën tantiamiac Nuquin Papan Chiaid isbanec Nuquin Papabimbuec icsate bunenquio yec nuqui bëdambuec tabadendac. Utsibo icsateuidi bunec icsambuen naic tabadnubi cuenacbimbuec mibitedi bëdambuec tabadendac.

Petedo 2 1:4 ပူးပေါင်းရင်းမြစ်များ

Doma 9:4

Cun tsusedpa Acobo Nuquin Papan Isadaid cuënaidën tsiuecquidotedi isadaidbo tantiaquin Nuquin Papan nadopampic: Cun matses mibi icsho isash mibëd tabadebique. Mibi ismenu, quequin cun matses tabadacno abu ushu bëchamauanquiecquid chomequin ismepampic. Adashic nadpampic: Umbi chiacpadec bëdambuec tabadsho mibi bëdambuen isquin bëdambo icmendambi, queshun ambi: Naden nata, quequin chiaid Moises dada uamepampic. Adoac abi tantianuen tabadte shubumpi uashunac Nuquin Papan abi bëdambuen tantiec tabadte isadaidbo chuipampic. Adshumbic: Bëdambuen isendambi, quequin Nuquin Papan cun tsusedpabo chuipampic.

Codinto 2 1:20

Cun Madon naden naindac, quequin Aton Papan chiampicpadombuen Esuquidistun nabampanëdash. Adombuembidi abi nëbi nabanec, quequin Esuquidistu uidtsëqui tantiaquin: Mibi bëdamboshë iquec. Amen, quequin nuquitedi Nuquin Papa chiannec.

Codinto 2 3:18

Adquid icnuc: Umbi icsambuen naid bedshunash Esuquidistuded cuidadpanëdash, quequin tantiabenash Esusbimbuec bëdambocquid nuquitedi yanendac. Adsho aidënquiobi icsambuen naisa icquin abipadquid nuqui meniac aton Mayanën nuqui bëdamboshëcquid icmebanendac.

Codinto 2 6:17

Nadembidi chuiquin Nuquin Icbon dada uamepampic: Ubi tantiesabobëd tabadenquio yec cuenta. Umbi: Mishtemaid nec, caid mishenda. Adec icsambuen nainquio yec tabad. Adquid: Ubëd iquec cho, caindambi.

Cadasia 3:16

Nuquin Papan: Nadombuen naindambi, quequin Abadauan chuishumbic: Mibi nibëdanan iuecquimbo ictanneshun min tsiuecquid abentsëcshun matses bëdambo icmendac, quepampic. Min tsiuecquido, quenquio yec: Min tsiuecquid abentsëc, quequin Esuquidistu chiec nepampic.

Epeso 4:13

Adoaid icquin nashunac abentsëc yacbimbuec Esus tantiaquido yanendac. Adquid iquec Nuquin Papan Mado tantiaquiec Esuquidistupadquid yanec nuquitedi bëdambuec tabadquid yanendac.

Codosas 3:10

Adoacsho dashcute chuca dasiuinacbimbuen chuca uaido mibitedi nec. Mibi uaquidquio Nuquin Papabimbuec yanquin aid mimbi bëdambuen tantiaquiendac.

Ebedeo 12:10

Aden nuquin pabëtan nuquin tan nëid nidaidën tabadquin nuqui caniabicsho ambi tantiacpaden: Naden namiac cun bacuëbon bëdambuen natsiash, quequin nuqui icsambuen naid ënmenuen natiamepadennec. Padnuen Nuquin Papan: Ubipadquid bëdamboshëcquid icmenu, quequin nuqui icsambuen naquin ënmequin natiamendac.

Ebedeo 9:15

Adquid yec Nuquin Papan Chiaid chuca chuiquin tantiamequidquio Esuquidistu nec. Ënden Nuquin Papan: Naden nata, quequin chiaid niacquin matsesën icsambuen nampidbëtabi nëbi matsesën icsambuen naidtedi bedshunash abided cuidadec uënëspanëdash: Ma ubi tantiaquido Cun Pa uënëstiapimbocquid nashunec tabadnu, quiash.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Petedo 2 3:13

Padnuen Ambi chiampicpadombuen abu chucabëta nidaid chuca nacnenshun Nuquin Papan: Matses bëdambocquidouidquio tabadmendac, quequin nuquitedi cainec tabadec.

Petedo 2 3:9

Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.

Uan 1 2:25

Adquid icsho Esuquidistun: Ubëd abuc ënëdenquio yec tabadte iquendac, quequin chiondacpadec nuqui tabadendac.

Uan 1 3:2

Cun utsibo, Nuquin Papan: Cun bacuëbo nec, quequin tantiaidombo nuquitedi nec. Adquid icshobi Nuquin Papan nëbi: Nadquid icmendambi, quesho tantiabi nuqui iquec. Naden nuqui tantiec: Esuquidistu nidaidën padpidec chouasho isash: Adquidshenda caposh, quequin nuqui isquin tantiendac. Aden isash aidpadquid nuqui yanendac.