Petedo 2 1:20 - El Nuevo Testamento en matsés

²⁰ Tantia, mibitedi chuinu. Nuquin Papan nadoendac, quequin ambi oncamiaido dada uamiampid isbanquin ¿abi bunacpadombuen tantiaquin chuibanshoda: Bëdambo iquec, capec? Padenquio.

Petedo 2 1:20 ပူးပေါင်းရင်းမြစ်များ

Doma 12:6

Nuquin Papan abi bunacpaden abentse abentsen: Naden nata, quequin ambi nametequid dadpen iquec. Nëidotedi caimbi: Esus tantiaquid icsho Nuquin Papan iuecshun nate chuibanta, caid icquin aidën tantiamiaiduidi chuibanta.

Doma 13:11

Naden mibitedishun tantiata: Chuibanquidën chuibansho tantiashun Esus tantiabenash: Iuecashien Esus chochitec, quiondaidi nëbien abi tantiaquido abi yacno buannuec Esus choec, quequin tantiaquionona. Ushacbimbuen tantienquio icbuedi nëbi ushash isucunacbimbuec dayacquio yec chieshtoenquio icquin Nuquin Papan chiacpadombuen nanuna.

Doma 6:6

Ënden icsambuen naquido nuquitedi iccondac. Adquid icsho Esuquidistubëta cueste napotiaidën dectanacbimbuecquido nebi, quequin nuquitedi tantiec. Aden dectanquin nuquitedi icsambuen naidbëta icsambuen tantiaidtedi nibëdanmepanëdash. Adquid yec nëbi nuquitedi icsambo icmianquidën iua ictiapimpo iquec.

Timoteo 1 1:9

¿Bëdambuen naquidouidtsëqui chuiquinda Nuquin Papan Moises dada uamepampic? Padenquio. Naden icsambuen naquido chuiquimbien adopampic. Nëidic aton chuiquidën chiaid niac niacquido. Nëidic Nuquin Papan Chiaid niac niacquido. Nëidic Nuquin Papa tantiesabo. Nëidic Nuquin Papabëta abi tantiaquido mamënshunquido. Nëidic amëbi cuessunnequido. Nëidic anibi cuessunnequido. Nëidic utsibo cuessunnequido.

Timoteo 2 3:16

Nuquin Papan Chiaid aton Mayanën tantiamiacpadombuen matsesën dada uapampic. Aidën chiaid abitedimbo bëdamboshëcquid nec. Aid isec onquequin: Nuquin Papan chiacpaden naic bëdambuec tabadnuna. Esus tantiaquido icquin icsambuen nainquien ictiad, quequin abi chuibanquidën chuibanec. Adembidi: Esus tantiaquido adec tabadesa neque. Padi. Bëdambuequien tabadtiad, quequin chuibanec.

Santiaco 1:3

Mibitedi abi tantiaquido icsho Nuquin Papan: ¿Ubi tantiaquidquiobida neque? Isnu, quequin tanquin natiamiaqui mëmunec chieshtoenquiocquid yanebi, quequin mimbi tantiendac.

Petedo 2 3:3

Naden chiaidtsen mibitedishun tantiata: Esus nidaidën padpidec chote nëbi yannuc Esus tantiesabon abi icsate bunaiduidi naic tabadquin mibitedi icsambuen chuishunquin mamënshunendac.