Petedo 1 5:3 - El Nuevo Testamento en matsés

³ Adoaid icquin mimbi chuibanaido chushcainda. Aidon icbopenquio mibitedi neque. Adenquio yec: Ubi yacpadec ma tabadnu, quequin aido ismec bëdambuec tabadta.

Petedo 1 5:3 ပူးပေါင်းရင်းမြစ်များ

Uanën dada uaid 13:15

Umbi nabocpadombuen: Ma nanu, queshun mibitedi ismiombique. Mimbitsen nata.

Hechos 20:28

Nëbi nidebique. Ubi nidan chieshtoenquio icquin Esus tantiec bëdambuec tabadta. Adembidi mimbi chuibanaido Esus tantiaquido chuiquin: Chieshtoenda. Esus tantiec bëdambuec tabadta, cadednequin bëdambuen chuibanta. Nuquin Papan Mayan Bëdan aido chuibanquid mibitedi icmioshe. Adota. Aido Nuquin Papa yacno tabadmenuec Esuquidistu abided cuidadec intac mëyanec uënëspanëdash.

Codinto 1 11:11

Esus tantiaquido iquec dada nibëdnuc chido ictiapimbo iquec. Chido nibëdnuc dada ictiapimbo iquec.

Codinto 1 3:5

¿Mitsipadquidibi Apodobëd nepe? Nuquin Papa nashunquid icquin Esuquidistu chuibennequid ubi daëdi nebi. Adquid icquin umbi chuibannac Esuquidistu tantiaquid mibitedi yanondac. Nuquin Icbon: Naden chuibanta, cacpadombuen ubi daëdshun chuibanoc.

Codinto 1 3:9

Nuquin Papa nashunquid icquin Esuquidistu chuibennequid Apodobëd nebi. Adquid icnubi umbi tied dëdshun nitsinaidbimbuecquido mibitedi nec. Adecbidi Nuquin Papana umbi shubu uaidbimbuecquidbidi mibitedi neuaic.

Codinto 2 1:24

Naden dadpen tantiata, quequin icbon ancacbimbuen mibitedi chienquio iquembi. Esus tantiaquidombo nec, quequin mibitedi tantiembi. Ma Esus tantiec chieshtoenquio yec cuishonquequiono, quequin mibëd icquin mibitedi chuibante bunebi.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Pidipos 3:17

Tantia, cun utsibo, ubi yacpadquiec bëdambuec tabadta. Umbi chuibambocpadombuen utsibon nasho issun adombuembidi bëdambuen nata.

Pidipos 4:9

Aden umbi: Naden naic tabadta, quequin chuibanondaid tantiaquin nabanta. Adembidi umbi nabansho mimbi isondaid tantiaquin nabanta. Aden nabanec tabadsho isash mibitedi bëdambuec tabadmequid Nuquin Papa mibëd iquendac.

Tesadonica 1 1:7

Adec mibi bëdambuec tabadaid chuisho tantiash min nidaid cuëshë Masedonia caidën tabadquido Esus tantiaquido mibi yacpadquiec tabadtiadquio icpac caosh. Adembidi tantiash nidaid cuëshë Acaya caid yacno tabadquido Esus tantiaquidobidi yec bëdambuec tabadtiadquio icuapac caosh.

Tesadonica 2 3:9

Esus tantiaquidon abi chuibanquid menenquio icquid ¿quectabi ique? Padenquio. Esusën naid chuibanquid ambi chuibanaidon meniaquien bëdambo ictsiash. Chieshenquio icquin umbi nacnensho issun ma adembidi mibitedishuntsen: Nanu, quiashini chonoadtenniondac.

Timoteo 1 4:12

Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Tito 2:7

Bëdambuec tabadquin tantiamequin ismenu, quiash bëdambuec tabadta. Adembidi icsainquio yec bëdambuec tabadquin ismeta. Adembidi mamënshunmenquio icquin bëdambuen chuiquin tantiameta.

Petedo 1 2:9

Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.