Petedo 1 5:14 - El Nuevo Testamento en matsés

¹⁴ Esus tantiaquido nebi, quiash: Mibi tantiembi, cananta. Nuquin Papan mibitedi Esuquidistu tantiaquido icsho ma bëdambuec tabadmepanu, quequin mibi tantiaquin Nuquin Papa chiannembi. Aidted chuiquin dada uaombi.

Petedo 1 5:14 ပူးပေါင်းရင်းမြစ်များ

Mateo 5:47

¿Min matsesadobëduidtsëqui onquec: Mibi tantiembi, quec bëdamboda mibitedi icpe? Nuquin Papa tantiesaboen adec tabadpec.

Uanën dada uaid 14:27

Cun Pa yacno nidshun Cun Mayan mibëdi tabadmequin dacuëdenquio yec bëdambuec tabadquid mibi icmendambi. Ubi tantiesabombien mibi adquid icmetiapimbo iquendac. Umbi aden nate chuisho tantiash dacuëdec tabadenda.

Uanën dada uaid 16:33

Ubi tantiaquin umbi chiacpadombuen naic ubëd abentsëc yacbimbuec natienquio yec tabadec ma bëdambo icnu, quequin tantiaquin dadpen mibi chuibanombi. Nidaidënuësh mibitedi natiec shubitequid iquendac. Adquid icnuc natienda. Chieshëmënquid dacuëdënenda. Mayan Icsa Satanas dëniacquidquio icquin mibi aid iuametiapimbo icquid nebique. Dacuëdenda, quepondash Esus abëd icquido chiec.

Uanën dada uaid 20:19

Madian aden chuibued dominco uëshë inchëshbudtsëqui shubu nuntan Esusbëd icbuedobëdi tabadpondabi. Cun matses isadaidbon chuiquido dacuëdënquin umanucuësh utsi puduedtiapimbo icnuc bëdambuen bëtashash tabadnubien shëcuënuësh puduedenquio icbuedi nënantanuëshquio Esus isadcuempondash. Adtanequien: Dacuëdenda, quepondash.

Uanën dada uaid 20:26

Tomas adbon 7tedec ushash shubu nuntambidi Tomasbëd ubitedi tabaduapondabi. Puduedtiapimbo icnuc padpiden shëcuë bëtashash tabaduanubien Esus nënantanuëshquio isadcuenuapondash. Adash: Dacuëdenda, queuapondash.

Doma 16:16

Esus tantiaquido yec utsibobëd: Mibi tantiembi, cananta. Adembidi nëmbo icquido Esuquidistu tantiaquidtedishun mibitedi caic: Mibi tantiembi, quiosh.

Doma 8:1

Nëbi Esuquidistubëd abentsëc yacbimbuec tabadquid icsho Nuquin Papan nuqui cuidenquio iquendac.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Codinto 1 16:20

Adembidi Esus tantiaquid utsibotedishun: Mibi tantiembi, quequin chiosh. Aden Esus tantiaquido icquin mibi padquid utsibo chuiquin: Mibitedi tantiembi, cabanta.

Codinto 2 13:12

Mibi tantiembi, mibitedi cananta. Adembidi ubëd icquidon mibi tantiaquin: Aido tantiembi, quiosh, cata, caoshi.

Codinto 2 5:17

Adquid icnuc Esuquidistubëd abentsëc yacbimbuec tabadquid yanash matses utsibimbuec chucambo yanec. Ënden Esus tantiesabon tantiacpaden ambibi tantiaquin icsambuen nabuedi Esuquidistun tantiamiac aid tantiaquid yanash bëdambuec tabadcuenec.

Epeso 6:23

Nuquin Papabëtan Nuquin Icbo Esuquidistun ma mibitedi bëdambuec tabadmequin Esus tantiaquido utsibobëd tantiananquidquio icmequin abi tantiaquidquio icmepanuna.

Tesadonica 1 5:26

Ambocquido Esus tantiaquidotedi chuiquin: Pabado chedon nuqui tantiaquiec, quequin chuibanta.

Petedo 1 1:2

Ëndenquimbo Nuquin Papa: Umbi tantiactedi ubi tantiaquid icmendambi, quepampic. Nëbi ambi tantiampicpadombuen aton Mayanën tantiamiac: Aidën chiacpadombuen nate bunebi, quec mibi bëdambuec tabadte bunendac. Icsambuen naquid icsho cuidmenquio icnuec abided cuidadec intac chididiquec uënësondaid Esuquidistun Nuquin Papa bëdambuen ismequin bëdambuec tabadquid ma mibitedi icmepanuna.

Uan 3 1:14

Nëbi mibi yacno nidshun mibi bëisquioquimbi dadpen chuibanendambi.