Petedo 1 4:5 - El Nuevo Testamento en matsés

⁵ Aden mibitedi icsambuen chuishunquido Nuquin Papan cuidendac. Cuidnumbi matsesën naidtedi tantiaquid icquin Nuquin Papan: ¿Mitsipaden nabano? ¿Ada bëdambuec tabado? cac uënësaidobëtan uënësabi icquidotedishun ambi nabanaidtedi uesquin chiendac.

Petedo 1 4:5 ပူးပေါင်းရင်းမြစ်များ

Mateo 12:36

Ambi cuidte uëshëmbi Nuquin Papan: ¿Ada bëdambuen tantiaquin chiec onquedennio? quequin matses abitedi chuimendac.

Ducas 16:2

Adoac ambi: Cuna ista, caid chomeshun icbon naden chuiposh: Mimbi: Cuna ista, caidën mitsana uesbudec, quequin mimbi naid chioshi. Aden chuisho tantiashun: Cuna isquid mibi icmetiapimbo iquebique. Nëbi mimbi naidtedi dada uashun ubi meneta. Mitsana nëidted piucquid menebanombi. Adembidi mitsana utsitedi menebanquin nëidted min piucquid bedombi, quequin chuiquin dada uabanshun ubi meneta, queposh icbo.

Hechos 10:42

Abëd icshobi: Ubi chuibanquin naden chuiban: Matses cuidte chuibanquid Nuquin Papan icmioshi. Uënësaidobëta uënësabicquido abitedi aden chiendambi. Bëdambocquid ubëd tabadmequimbi icsambuen naquido cuidmendambi, quequin Umbi Chiaid chuibanta, Esusën caondaid nebi.

Hechos 17:31

Matses abitedishun naid chuibanquin cuidte uëshë chonoc matsesën icsambuen naidbëta bëdambuen naid chuibanquin Nuquin Papan Chomiaidën cuidbanendac. Aden matsesën naid chuibanquid nec, queshun ismenu, quequin ambi chiampicpaden naquin Nuquin Papan isadaidbon uënës uacsho Aid uincuenmepanëdash, quepanëdash Pabado.

Doma 14:9

Adquidon Icbo icnuec uënësash Esuquidistu uincuempanëdash. Uënësabi icquidën Icbo icbuedi uënësaidën Icbobidi iquendac.

Timoteo 2 4:1

Nuquin Papabëtan Esuquidistun mibi iseque. Bëdambuen chuibanta. Esusën padpidec choshon abitedishun Icbombo icquin uënësabi icquidobëta uënësaido uincuenmeshun cuidnumbi chiendac. Nëid ubi tantiaquid ubëdi tabadmembi. Nëid ubi tantiesa cuidembi, quequin chiendac.

Santiaco 5:9

Cun utsibo, Esus tantiaquid yec utsibobëd chushcananec tabadenda. Adec tabadsho Nuquin Papan cuidnushe. Cuidte Chuiquid yec nëbimbobi choeque.