Petedo 1 4:11 - El Nuevo Testamento en matsés

¹¹ ¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.

Petedo 1 4:11 ပူးပေါင်းရင်းမြစ်များ

Mateo 6:13

Adembidi Mayan Icsa Satanasën tanquin ubi icsamete bunmequin: Iuanu, casho ubi cudasquin mënchicta, Papa. Mibiuidtsëqui nadatiambocquid yec bëdamboshëcquid yec nibëdantiapimbocquidquio mibi nec, Papa, Amen, quequin Nuquin Papa chianneta, quequin Esusën chuibampanëdash.

Uanën dada uaid 13:31

Udas nidbombien Esus: Matsesën Tishaid icquimbi Nuquin Papan Chiaidtedi nëbimbobimbi nainendac. Umbi nainsho issun: Abitedishun Icbo icquin Nuquin Papan namiac ambi tantiaidtedi nainosh, caindac matsesën. Adembidi ubi cain: Abëd abitedishun Icbo icsho Nuquin Papan namiac nainosh, caindac.

Hechos 7:38

Isadaidbo bëyucanquin buanquid Moises shubu nibëdacno isadaidbobëd macuësh tapa Sinai caid yacno nidash tabadpampic. Ashunquio Nuquin Papan namiac abëd icquidën: Naden nata, quequin dada uaid Moises menepampic. Aden nuquitsen tantiamenuen aden menepampic.

Doma 11:36

Nuquin Papan abitedi uapampic. Aidtedi atona nec. Ambi uaid abitedi iquec. Ambi uaidtedi ambi dayun uaidquio nec. Adquid icsho: Nuquin Papa bëdamboshë iquec, canuna ënenquio icquin. Amen.

Doma 12:3

Nuquin Papa bëdambocquid icquin: Esus chuibennequid icta, caid nebi. Adquid icquin mibi chuinu. Tantia. Tantiaquidquio nebi, quequin mibitedishun tantienda. Adenquio icquin Esus tantiaquid icsho Nuquin Papan tantiamequin namiaid nebi, quequin tantiata.

Doma 16:27

Nëbi Esuquidistunuidtsëqui tantiamiacpadombuen chuiquin: Nuquin Papa abentsëcquiobi iquec. Aidpadquid utsi nibëdec. Abitedimbo tantiaquid yec bëdamboshëcquid nec, canuna ënenquio icquin. Amen.

Doma 3:2

Ai, bëdambo iquec, caimbi. Nuquin Papan: Naden nata, quequin Umbi Chiaid ma isadaidbomba tantianu, quequin Ambi Chiaid dada uamepampic.

Codinto 1 10:31

Nuquin Papa bëdamboshë iquec, ma utsibo quenu, queshun pete peshun acte acquin bëdambuen nabanec tabadtedneta.

Codinto 1 12:4

Esus tantiec iccuededsho Nuquin Papan Mayanën utsi utsien namete dadpen icnubi namequid abentsëcquiobi Nuquin Papan Mayan iquec.

Codinto 1 3:10

Nuquin Papan ubi bëdambuen isquin: Esuquidistu mimbia chuiban. Ma tantianu, cac mibitedi chuibanondambi. Shubu uanun buintad bëdambocquid teshun aidba tabëcacbimbuen umbia chuibanondambi. Adshumbic utsibontsen adombuembidi aidbidi chuibenneuaic. Aden chuibennequidon: ¿Adambi bëdambuen shubu uapoba? quiacbimbuen tantiac bëdambo ictsiash.

Codinto 1 6:20

Nuquin Papan piucquid dadpen menequin bedshunacbimbuen ambi tantiamiaido yec aidëna mibitedi nec. Adquido icquin aidën chiacpadec bëdambuec tabadquin Nuquin Papa tantiata.

Codinto 2 2:17

Utsibombien dadpenshun piucquid bedteuidi bunquin Esus chuibennec. Piucquid bednu, quequin ubi yacpadquidon Esuquidistu chuibanenquio iquec. Padnuembi Nuquin Papan: Esuquidistu chuibenneta, caid icquin piucquid bedte bunenquio icquin Nuquin Papan isquin tantianubi muainquiocquin aidquio chuibennec nebi. Nuquin Papan namiaido yec Esuquidistubëd abentsëc yacbimbuec tabadquido ubitedi nec.

Codinto 2 9:13

Aden nashunaid issun mibitedi tantiec: Chiaid Bëda Esusën naid chiac: Esuquidistu tantiaquid nebi, quequin abimbo chuiquidquio aido nec, quequin mimbi dadpen meniaid bedshun: Nuquin Papa bëdamboshë iquec, quequin aidon chiendac.

Epeso 1:19

Aden tantiamiac: Nadatiamboshëcquid iquin ambi natiapimbo ictequid nibëdnuc abi tantiaquido icsho nashunquidquio Nuquin Papa nec, quequin ma tantianu. Tantiameta, quequin chiannembi. Adembidi: Nadatiamboshëcquid icquin

Epeso 4:29

Esus tantiaquido yec icsambuen chiec onquenda. Utsibo bëdambo icmenu, quequin tantiec bëdambuen chiec onqueta: Ma Nuquin Papan aidtsen bëdambo icmepanu, quiash.

Epeso 5:20

Nuquin Icbo Esuquidistun namiaid icquin ambi tantiacpadombuen icmiaidtedi bëdambo iquec, quequin Nuquin Papa ënenquio icquin chianneta.

Epeso 6:10

Cun utsibo, nëbi: Nuquin Icbo nadatiambocquin nabanquid nec, quiash aidënquio uidënquio icmequin bëdambuen tantiamiaid icta.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.

Pidipos 2:11

Ma abitedishunquio: Esuquidistu Nuquin Icbombo nec, quequin tantiaquin: Nuquin Papatsen bëdamboshë iquec, ma canu, quequin adopanëdash.

Codosas 4:6

Aden chuibanec mibi bëdambuec onquesho tantiash: ¿Mitsicquid mimbi tantiaid icpec? quetsiash tantiesa. Adsho tantiashun Esuquidistu mimbi tantiaid bëdambuen chuiquin tantiameta, ma aidon bëdambuen tantiapanu, queshun.

Tesadonica 1 2:4

Mambi mibitedi abimbo chuibampondac. Matsesën tantiaidtedi tantiaquidquio icquin Nuquin Papan: Nëidën abimbo chuibantsiashe. Cun Mado Esusën naid Chiaid Bëda chuibennequid icmenu, caidquio nebi. Adoaid yec matses: Mibi bëdambo iquec, cameteuidi bunenquio iquebi. Nuquin Papa umbi tantiaidtedi tantiaquid icsho: Mibi bëdambo iquec, camenuembimbi ambi chiacpadombuen naic.

Timoteo 1 1:17

Aden tantiaquin: Nuquin Papauidtsëqui abitedi namequid yec abitedishun Icbombo nec. Uënëstiapimbo icquid nec. Isadesambo nec. Adquid abentsëcquiobi icnuc abipadquid utsi nibëdec. Adquid icsho abitedishunquio: Mibi bëdamboshë iquec, Papa, quequin ënenquio icquin chiac bëdambo ictsiash. Amen.

Timoteo 1 6:16

Aid abentsëqui uënëstiapimbo icquid nec. Bëchamauanquiec isadsho: Isnu, quequimbi anuenadtiapimbo iquec. Aidi matsesën istiapimbo icquid nec. Adquid icsho: Mibiuidtsëqui abitedishun Icbombo yec nadatiambocquid mibi bëdamboshëcquid nec, Papa, amen, quequin Nuquin Papa chiannenuna ënenquio icquin.

Tito 2:1

Icsate bunquido dadpen icnubi Esus tantiaquido icmenu, quequin Nuquin Papan Chiaidquio chuibanquin tantiameta, Tito.

Tito 2:15

Umbi chuibuedtedi chuibanquin tantiameta. Mimbia tantiaquid icquin: Umbi chiacpadombuen nabanec tabadtedneta, quequin Quedetabo chuibanuata. Mimbi chiacpadombuen nainquiocsho issun: Aden naic tabadenda, quequin chuibanuata. Adec bëdambuec tabadquin bëdambuen chuibansho issun utsibon mibi icsambuen chuishuntiapimbo iquendac.

Ebedeo 13:7

Adembidi Nuquin Papan Chiaid mibi tantiamenu, quequin mibi chuibanquidon chiaid bëshunenda. Aido Esus tantiaquiec bëdambuec tabadpanëdash. Aidon tantianëdacpadombuen tantiec bëdambuec tabaduata.

Ebedeo 5:12

Ënden mibi utsin Esus tantiamiaid icquin bëdambuen dadpen tantiabenshun utsibo tantiamequin chuibanquid ictiadquidi mibitedi nec. Padambo icsho mibi padpiden Nuquin Papan Chiaid tantiamequin mimbi badedquio tantiatequid chuibanaqui mimbi baded tantiabenenquio iquec. Adquid yec Bacuëmpin shuma chishquidën pete petiapimbo yacbimbuen Nuquin Papan Chiaid badedquio tantiatiapimbo yaid mibi chiac mimbi tantiatiapimbo iquec.

Santiaco 1:19

Tantia, cun utsibo. Umbi tantiaido icsho mibitedi chuinu. Utsin chuibansho bëdambuen tantiaquid icta. Adquid icquin utsibon chuibannubi badedquio onquequin chienda. Adecbidi badedquio nëishenda.

Santiaco 1:26

Nuquin Papan Chiaid tantiaquidquio nebi, quebuedi: ¿Adabi bëdambuec onquepeba? quenquiocquin utsibo icsambuen chiannequid abibi muauadquin icsambuen chuiquid icsho Nuquin Papan bëdambuen istiapimbo iquendac.

Petedo 1 2:12

Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.

Petedo 1 2:5

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.

Petedo 1 4:10

Mibitedi utsi utsien Nuquin Papan ambi tantiamiacpadombuen namiaido icquin mibëtan Esus tantiaquid utsibotsen tantiaquin nashunta.

Petedo 1 4:16

Esus tantiaquid icsho utsibon chieshënquin natiamiaqui chieshtoenda. Dacuëdec chieshtoenquio icquin: Nuquin Papa bëdamboshë iquec. Esus tantiaquid yec bëdambo iquebi, quequin tantiata.

Petedo 1 5:11

Aidi nadatiamboshëcquid yec nibëdantiapimbo icquid nec, queshun: Mibi bëdamboshë iquec, canuna ënenquio icquin. Amen.