Petedo 1 4:1 - El Nuevo Testamento en matsés

¹ Utsibon chieshënquin natiamequin aton dada mëyanaqui Esuquidistu chieshtoenquio icpanëdash. Adembidi mibitedi chieshënquin natiamiac chieshtoenda. Aden mëyanaqui icsambuen nate bunenquio mibi iquendac.

Petedo 1 4:1 ပူးပေါင်းရင်းမြစ်များ

Madcos 3:3

Aden tantiec tabadnubi mëicsatsaid chuiquin Esusën: Nëmbo nënantanquio cho, capanëdash.

Doma 6:11

Adembidi icsambuen naquido icbuedi uënësacbimbuecquid nebi, quequin mibitedishun tantiata. Adbuedi nëbi mibitedi Nuquin Papa bëdambo icmenuec Esuquidistubëd abentsëc yacbimbuec tabadec.

Doma 6:2

Padenquio. Nuquitedi uënësacbimbuen padpiden icsambuen nate bunenquio iquec. Adquid icquin ¿icsambuen naiduidi naicta nuqui tabadpe?

Doma 6:7

Matses uënësquin ambi icsambuen naid natiapimbo iquec.

Cadasia 2:20

Esusbëd uënësacbimbuen umbi icsambuen nabanaid ënondambi. Nëbi Esusbëd cuëshëdenquio yec bëdambuec tabadebi. Ubi tantiaquiec ubi cuidmenquio icnuec Nuquin Papan Mado abided cuidadec Esuquidistu uënëspanëdash, quequin tantiashoeni Aidëmbi nëbi bëdambuec tabadquid icmec.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Epeso 6:13

Adquid icnuc Mayan Icsa Satanas cuenmetequidtedi sondado tsasimbocquid dasiuinacbimbuen Nuquin Papan Ambi Chiaid tantiamiaido yec bëdambuen tantiec tabadtenneta. Mibitedi adec tabadnuc icsamiantequid uëshë chonoc icsambuen namenuec chosho bëcunniacbimbuec tabadta. Adec tabadquido yec mibitedi chieshtoenquio yec uidënquio iquendac.

Pidipos 2:5

Esuquidistubëd daëdash abentsëc yacbimbuec tabadquid icquin aidën nanëdacpadombuen naic mibitedi bëdambo ictsiac.

Ebedeo 12:3

Naden tantiaquin Esusquio tantiata. Nuquin Papan Chiaid niacquin icsambuen naquidon natiamequin mëyanaqui chieshtoenquiocquid Esuquidistu icpanëdash, quequin aid tantiec ma mibitedi uidënquio yec chieshtoenquio icpanuna.

Ebedeo 4:10

Adec Nuquin Papa abitedi uaquin nainash chonoadenquio yec tsadtoampicpadecbidi abi tantiaquidotsen ambi chiacpaden nabanec tabadash natienquio yec Nuquin Papabëd tabadtequido nendac.

Petedo 1 2:21

Tantia, mibitedi chuinu. Icsambuen nambo icshobi Esuquidistu chieshënquin natiamiac mibitedi tantiec mëyamëdpondash. Ma umbi adomiaid tantiasho chieshënquin natiamiaqui ma chieshtoenquio icnu, queshun Nuquin Papan mibi Esus tantiamepanëdash.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.